కేజీఎఫ్ నిర్మాతల కొత్త సినిమా టైటిల్ ఫిక్స్.. మూవీ పోస్టర్ లుక్ అదుర్స్.. హీరో ఎవరంటే ?..

సూపర్ హిట్ సాధించిన కేజీఎఫ్ సినిమాతో ఆ చిత్ర నిర్మాణ సంస్థ హంబలే ఫిలింస్ జాతీయ స్థాయిలో గుర్తింపు సాధించింది. ప్రస్తుతం కేజీఎఫ్ నిర్మాణ సంస్థ పాన్ ఇండియా స్టార్ ప్రభాస్‏తో ‘సలార్’ సినిమాను చిత్రీకరిస్తున్న విషయం తెలిసిందే. తాజాగా మరో సినిమాకు సంబంధించిన పోస్టర్‏ను విడుదల చేసింది హంబలే ఫిలింస్. ఈ సినిమాకు ‘భగీరా’ అనే టైటిల్‏ను ఖరారు చేసింది. అయితే ఈ సినిమాలో శ్రీమురళి హీరోగా నటిస్తుండగా.. సలార్ చిత్ర దర్శకుడు ప్రశాంత్ నీల్ ఈ చిత్రానికి స్వయంగా కథ అందిస్తున్నాడట. ఈ సినిమాకు సూరి దర్శకత్వం వహించనున్నట్లుగా ఆ మూవీ నిర్మాణ సంస్థ హంబలే ఫిలింస్ సంస్థ తెలిపింది. హీరో శ్రీమురళి పుట్టిన రోజు సందర్భంగా ఈ సినిమా ఫస్ట్ పోస్టర్‏ను విడుదల చేశామని నిర్మాణ సంస్థ తెలిపింది. గతంలో ప్రశాంత్ నీల్, శ్రీమురళి సంయుక్తంగా ‘ఉగ్రం’ అనే సినిమా చేశారు. మళ్ళీ ఆరు సంవత్సరాల తర్వాత వీరిద్దరి సమక్షంలో ఈ చిత్రం రాబోతుండడంతో భగీరాపై అంచనాలు భారీగానే ఉన్నాయి.

హంబలే ఫిలింస్ విడుదల చేసిన భగీరా పోస్టర్ అచ్చం హాలీవుడ్ సినిమా పోస్టర్‏లా ఉంది. మొత్తం బ్లాక్ కలర్‏తో ఈ పోస్టర్ ఉండగా.. పులి పంజా, ఆ పంజాతో చీల్చుతున్నట్లుగా ఉండగా.. శ్రీమురళి లుక్స్ అదిరిపోతున్నాయి. అంతేకాకుండా ఈ సినిమాలో శ్రీమురళి పోలీస్‏గా నటిస్తున్నాడనే విషయం కూడా పోస్టర్‍లో కనిపిస్తుంది. శ్రీమురళి ఖాకీ చొక్కా ధరించినట్టుగా అతని భుజం పై మూడు నక్షత్రాలు కూడా స్పష్టంగా కనిపిస్తున్నాయి.