Bangarraju: బంగార్రాజు సినిమా విడుదల తేదీ ఇదేనంటూ వార్తలు.. ఈ సారి అయినా పక్కానేనా.?

Bangarraju: నాగార్జున హీరోగా తెరకెక్కుతోన్న సినిమా బంగార్రాజు. 2016లో వచ్చిన సొగ్గాడ్డే చిన్ని నాయనా చిత్రానికి కొనసాగింపుగా ఈ సినిమాను తెరకెక్కిస్తున్నారు. సొగ్గాడే చిన్ని నాయనాలో బంగార్రాజు చనిపోయిన తర్వాత ఏం జరుగుతుందో చూపిస్తే.. బంగార్రాజులో చనిపోక ముందు జరిగిన కథను చూపించనున్నారని సమాచారం. ఈ లెక్కన చూస్తూ ఈ సినిమా సొగ్గాడే చిన్ని నాయనాకు ప్రీక్వెల్‌గా చెప్పొచ్చు. ఇదిలా ఉంటే ఈ సినిమా షూటింగ్‌ మొదలై చాలా రోజులు అవుతోంది. అయితే మధ్యలో కరోనా కారణంగా వాయిదా పడుతూ వచ్చింది. దీంతో సినిమా విడుదల కూడా చాలాసార్లు వాయిదా పడింది.

ఇక ఈ సినిమాలో నాగచైతన్య కూడా నటిస్తుండడంతో అంచనాలు భారీగా పెరిగాయి. ఇందులో నాగ్‌ సరసన రమ్యకృష్ణ నటిస్తుండగా, చైతన్యకు జోడిగా కృతి శెట్టి కనిపించనుంది. ఇదిలా ఉంటే తాజాగా ఈ సినిమా సంక్రాంతి కానుకగా వచ్చే ఏడాది జనవరిలో విడుదల చేయనున్నట్లు వార్తలు వచ్చిన విషయం తెలిసిందే. సోగ్గాడే చిన్నినాయనా 2016లో విడుదలైన జనవరి 15నే ఈ చిత్రాన్ని కూడా విడుదల చేస్తారని టాక్‌ వినిపించింది.

అయితే తాజా సమాచారం ప్రకారం ఈ సినిమాను జనవరి 12న విడుదల చేయాలని ఫిక్స్‌ అయినట్లు తెలుస్తోంది. మరి ఇందులోనైనా నిజం ఉందా.? లేదా మళ్లీ ఏమైనా మార్పులు జరుగుతాయా.? తెలియాలంటే అధికారిక ప్రకటన వచ్చే వరకు వేచి చూడాల్సిందే.

Also Read: Hair Care: ప్రెగ్నెన్సీ తర్వాత జుట్టు రాలిపోతుందా..? అయితే ఈ హోం రెమెడీస్ మీ కోసమే..

Paneer Barfi Recipe: ఆహా అద్భుతమైన రుచి.. ఈ స్వీట్ తింటే మరోసారి కూడా అడుగుతారు..

Kid Safety: బైక్‌పై పిల్లలను తీసుకెళ్తున్నారా.. నియమాలు తెలియకపోతే బుక్కైనట్లే..