ప్రముఖ నటుడు ఫరాజ్‌ ఖాన్ కన్నుమూత

Faraz Khan Death: బాలీవుడ్ ప్రముఖ నటుడు ఫరాజ్ ఖాన్ ఇక లేరు. గత కొన్ని రోజులుగా తీవ్ర అనారోగ్యంతో బాధపడుతున్న ఆయన చికిత్స పొందుతూ ఇవాళ తుది శ్వాస విడిచారు. ఈ విషయాన్ని నటి పూజా భట్ సోషల్ మీడియాలో వెల్లడించారు. ఆయన ఇబ్బందుల్లో ఉన్నప్పుడు సాయం చేసిన అందరికీ థ్యాంక్స్‌. ఆయన లోటు ఎవ్వరూ పూడ్చలేనిది అంటూ పూజా భట్ ట్వీట్ చేశారు. ( ఈ నెల 9 నుంచి చిరంజీవి ‘ఆచార్య’ రీషూటింగ్‌)

కాగా 1990లో నటుడిగా బాలీవుడ్‌లోకి ఎంట్రీ ఇచ్చిన ఫరాజ్‌.. కారెక్టర్ ఆర్టిస్ట్‌గా తనకంటూ ప్రత్యేక గుర్తింపును తెచ్చుకున్నారు. ఫరేబ్‌, మెహందీ, మైనే ప్యార్ కియా వంటి చిత్రాల్లో నటించారు. ఇక గత నెలలో ఛాతీ, మెదడు సంబంధిత ఇన్‌ఫెక్షన్‌తో బాధపడుతూ బెంగళూరులోని ఓ ప్రైవేట్ ఆసుపత్రిలో చేరారు. అయితే ఆసుపత్రి ఖర్చులకు కూడా డబ్బులు లేకపోవడంతో ఆయనకు సాయం చేయాల్సిందిగా పూజా భట్ ట్వీట్ చేశారు. ఈ క్రమంలో స్పందించిన సల్మాన్ ఖాన్ ఆయనకు సహాయం చేసిన విషయం తెలిసిందే. (ఎర్రచందనం స్మగ్లర్ల సజీవదహనం కేసులో కొత్త ట్విస్ట్‌)

With a heavy heart I break the news that #FaraazKhan has left us for what I believe, is a better place.Gratitude to all for your help & good wishes when he needed it most.Please keep his family in your thoughts & prayers.The void he has left behind will be impossible to fill ?

— Pooja Bhatt (@PoojaB1972) November 4, 2020