UP Elections: యూపీలో బీజేపీకి మరో షాక్.. ఎస్పీలో చేరిన ఫతేహాబాద్ ఎమ్మెల్యే జితేంద్ర వర్మ
fatehabad mla Jitendra varma: అసెంబ్లీ ఎన్నికలకు సమయం దగ్గరపడుతున్న కొద్ది పార్టీల్లో అసమ్మతినేతల తాకిడి ఎక్కువవుతోంది. యూపీలో భారతీయ జనతా పార్టీకి మరో షాక్ తగిలింది.
Updated on: Jan 23, 2022 | 9:57 PM
Uttar Pradesh Assembly Election 2022: అసెంబ్లీ ఎన్నికలకు సమయం దగ్గరపడుతున్న కొద్ది పార్టీల్లో అసమ్మతినేతల తాకిడి ఎక్కువవుతోంది. యూపీలో భారతీయ జనతా పార్టీ(BJP)కి మరో షాక్ తగిలింది. ఫతేహాబాద్(Fatehabad) నియోజకవర్గంలోని బిజెపి ఎమ్మెల్యే రాజీనామా చేశారు. వచ్చే ఎన్నికల్లో టికెట్ రాకపోవడంతో కోపంతో ఫతేబాద్ ఎమ్మెల్యే బీజేపీని వీడి ఎస్పీలో చేరారు. బీజేపీ కోసం పనిచేశానని మాజీ ఎమ్మెల్యే జితేంద్ర వర్మ(Jitendra Varma) అసంతృప్తి వ్యక్తం చేశారు. అయినప్పటికీ, పార్టీలో తనకు సరియైన గుర్తింపులేదని ఆవేదన వ్యక్తం చేశారు. యువతను ప్రోత్సహిస్తానని బీజేపీ తనతో చెప్పిందని, అయితే ఆ తర్వాత కూడా 75 ఏళ్ల వృద్ధుడికి టికెట్ ఇచ్చిందని బీజేపీ మాజీ ఎమ్మెల్యే జితేంద్ర వర్మ ఆరోపించారు .
ఆదివారం ఎస్పీలో చేరిన అనంతరం బీజేపీ మాజీ ఎమ్మెల్యే జితేంద్ర వర్మ మాట్లాడుతూ.. యూపీలో సమాజ్‌వాదీ పార్టీ ప్రభుత్వం ఏర్పాటు కానుందని, ప్రభుత్వాన్ని ఏర్పాటు చేసిన తర్వాత అందరి సంక్షేమం కోసం ఎస్పీ కృషి చేస్తుందని అన్నారు. రాజీనామా చేయడానికి చాలా కారణాలున్నాయి. బీజేపీలో ఏ ఒక్క కార్యకర్త, ఎమ్మెల్యే పోటీ చేయడం లేదు. సేవాభావంతో సేవ చేస్తానంటూ కష్టాల్లో కూరుకుపోయిన రైతుకు ఎరువు కూడా అందకపోతే ఎమ్మెల్యేలు దేనికి అని ఆయన ప్రశ్నించారు. ‘నేనే కాదు, నాలాంటి ఎమ్మెల్యేలు చాలా మంది త్వరలోనే బీజేపీని వీడనున్నారు. తన తదుపరి నిర్ణయం ఏమిటని ప్రశ్నిస్తే తెలుస్తుంది అని అన్నారు.
ఫతేహాబాద్ ఎమ్మెల్యే జితేంద్ర వర్మ గతంలో సమాజ్‌వాదీ పార్టీలో ఉన్నారు. ఆయన ఆగ్రా జిల్లా అధ్యక్షుడిగా కూడా కొనసాగారు. 2017లో ఎస్పీని వీడి బీజేపీలో చేరారు. గత ఎన్నికల్లో బీజేపీ తరుఫున గెలిచిన ఆయన.. తిరిగి సొంత గూటికి చేరుకున్నారు. జితేంద్ర వర్మ రాజీనామాను కూడా సోషల్ మీడియాలో విడుదల చేశారు. దీంతో పాటు ఎస్పీ జాయినింగ్ లెటర్‌ను కూడా సోషల్ మీడియాలో షేర్ చేశారు.
I worked for BJP but despite that, I was denied a ticket. BJP said they’ll promote youth but had given a ticket to a 75-year-old. Samajwadi Party will form govt in UP and we will work for the welfare of people: Former BJP MLA Jitendra Verma after joining Samajwadi Party pic.twitter.com/2oilkMwG8E
— ANI UP/Uttarakhand (@ANINewsUP) January 23, 2022
ఇదిలావుంటే, ఇటీవలె కార్మిక, ఉపాధి శాఖ మంత్రి స్వామి ప్రసాద్ మౌర్య, అటవీ, పర్యావరణ శాఖ మంత్రి దారా సింగ్ చౌహాన్, ఆయుష్ మంత్రి (స్వతంత్ర బాధ్యతలు) ధరమ్ సింగ్ సైనీ బీజేపీకి రాజీనామా చేసి ఎస్పీలో చేరడం గమనార్హం. బండాస్ తింద్వారి ఎమ్మెల్యే బ్రజేష్ ప్రజాపతి, షాజహాన్‌పూర్‌లోని తిల్హార్ ఎమ్మెల్యే రోషన్ లాల్ వర్మ, కాన్పూర్‌లోని బిల్హౌర్ ఎమ్మెల్యే భగవతి ప్రసాద్ సాగర్, బిదునా ఎమ్మెల్యే వినయ్ షాక్యా, ఔరయ్య, దిగ్విజయ్ నారాయణ్ అలియాస్ జై చౌబే, ఖలీలాబాద్ ఎమ్మెల్యే మధురీ వెరమాబాద్, బహ్రైచ్‌లోని నాన్‌పరా ఎమ్మెల్యే, సీతాపూర్ ఎమ్మెల్యే రాకేశ్ రాథోడ్ కూడా బీజేపీకి రాజీనామా చేసిన వారిలో ఉన్నారు.
Read Also…. వరల్డ్ మోస్ట్ పవర్‌ఫుల్ కంట్రీస్
DRDO Recruitment: ఐటీఐ చేసిన వారికి డీఆర్‌డీఓలో అప్రెంటిస్ పోస్టులు.. ఇలా ద‌ర‌ఖాస్తు చేసుకోండి..
