Maharashtra Election Results: ఫలితాలకు ముందు.. మహారాష్ట్రలో ఆసక్తికరంగా మారిన పరిణామాలు..!

మహారాష్ట్రలో అధికారానికి ముంబై ‘గేట్‌వే’. ముంబైలో గెలిచేవారు మహారాష్ట్రను శాసిస్తున్నాడనడానికి గత కొన్నేళ్ల రాజకీయ చరిత్రే సాక్షి. అందుకే ముంబైలో బీజేపీ, శివసేన మధ్య పోటీ నెలకొంది. ముంబైలో కాంగ్రెస్ బలహీనపడిన వెంటనే ఆ రాష్ట్రంలో అధికారానికి దూరమైంది. దేశవ్యాప్తంగా ఉత్కంఠ రేపిన మహారాష్ట్ర అసెంబ్లీ ఎన్నికల ఫలితాలు రేపు రానున్నాయి. ఇక్కడ భారతీయ జనతా పార్టీ నేతృత్వంలోని అధికార మహాయుతి, కాంగ్రెస్‌ నేతృత్వం లోని విపక్ష మహా వికాస్‌ అఘాడీ కూటముల మధ్య హోరాహోరీగా పోటీ జరిగినట్లు పలు ఎగ్జిట్‌ పోల్స్‌ అంచనా వేశాయి. ఫలితం ఎలా ఉంటుందోననే ఉత్కంఠ నెలకొంది.

మహారాష్ట్ర అసెంబ్లీ ఎన్నికల ఫలితాలు రేపు వెలువడనున్నాయి. అయితే తీర్పు వెలువడకముందే రాజకీయ పరిణామాలు ఊపందుకున్నాయి. ప్రతి రాజకీయ పార్టీ నాయకులు భయపడుతున్నారు. దాని వెనుక కారణం కూడా అదే. అసెంబ్లీ ఎన్నికల ఫలితాల అనంతరం మహా వికాస్ అఘాదీ, మహా యుతి నేతలకు కొన్ని గంటల సమయం మాత్రమే ఉంది. ఈ లోగా అధికారాన్ని ఏర్పాటు చేయడంలో విజయం సాధించకపోతే గత ఎన్నికల మాదిరిగానే రాష్ట్రంలో రాష్ట్రపతి పాలన విధించే అవకాశం ఉంది. ఎన్నికల ఫలితాలు వెలువడిన తర్వాత 48 గంటలు మాత్రమే ఉండడంతో ప్రతి పార్టీకి ప్రతి సమయం చాలా సవాలుగా మారనుంది. ఆసక్తికరమైన విషయమేమిటంటే, ఎన్నికల తర్వాత, వివిధ సంస్థల సర్వే గణాంకాలు ప్రకటించబడ్డాయి.

ఫలితాలకు ఒక రోజు ముందే ‘మహా’ డ్రామాకు తెర లేస్తోంది. ఈ నేపథ్యంలో రిసార్ట్‌ రాజకీయాలకు తెర లేచింది. ఎన్నికైన ఎమ్మెల్యేలు చేజారిపోకుండా కాపాడుకునేందుకు మహా వికాస్‌ అఘాడీ సిద్ధమవుతోంది. ఫలితాల తర్వాత కొత్తగా గెలిచిన తమ కూటమి ఎమ్మెల్యేలందరినీ ఒకే చోట ఉంచాలని నిర్ణయించినట్లు శివసేన నేత సంజయ్‌ రౌత్‌ వెల్లడించారు. ఇంకా అవసరమైతే అఘాడి తరఫున ఎమ్మెల్యేలుగా గెలిచినవాళ్లను కాంగ్రెస్‌ అధికారంలో ఉన్న కర్నాటక, తెలంగాణకు తరలించే అవకాశం ఉన్నట్లు తెలుస్తోంది.

మహయుతి గెలిస్తే, కౌన్‌ బనేగా సీఎం..?

మహా వికాస్‌ అఘాడీ, క్యాంప్‌ పాలిటిక్స్‌కు తెర లేపితే.. మహాయుతిలో సీఎం కుర్చీ కోసం కుస్తీ మొదలైంది. మహయుతి గెలిస్తే, కౌన్‌ బనేగా మహారాష్ట్ర సీఎం అంటే.. శివసేన నుంచి ప్రస్తుత సీఎం ఏక్‌నాథ్‌ షిండే రేసులో ఉన్నారు. ఇక బీజేపీ నుంచి దేవేంద్ర ఫడ్నవీస్ కూడా సీఎం కుర్చీలో కర్చీఫ్‌ వేస్తున్నారు. ఇక తక్కువ స్థానాల్లో పోటీ చేసినా, సీఎం రేసులో తానూ ఉన్నానంటున్నారు ప్రజెంట్‌ డిప్యూటీ సీఎం, ఎన్సీపీ నేత అజిత్‌ పవార్‌.

మహారాష్ట్రలో క్యాంప్‌ పాలిటిక్స్‌కు ఎందుకు తెర లేచింది అంటే మహాయుతి, మహా వికాస్‌ అఘాడీ మధ్య చాలా గట్టి పోరు జరిగిందంటున్నాయి ఎగ్జిట్‌ పోల్స్‌. ఏ కూటమి గెలిచినా స్వల్ప మెజారిటీనే ఉంటుందన్నాయి ఎగ్జిట్‌ పోల్స్‌. అవేం చెప్పాయో చూద్దాం

మహారాష్ట్ర అసెంబ్లీలో మొత్తం స్థానాలు – 288

మ్యాజిక్‌ మార్క్‌ – 145

రిపబ్లిక్‌ పీ మార్క్‌: మహాయుతి – 137 నుంచి 157 సీట్లు

మహావికాస్‌ అఘాడి – 126-146 సీట్లు

ఏబీపీ – మ్యాట్రిజ్‌: మహాయుతి – 150 నుంచి 170 సీట్లు

మహావికాస్‌ అఘాడి – 110 నుంచి 130 సీట్లు

చాణక్య స్ట్రాటజీస్‌: మహాయుతి – 152 నుంచి 160 సీట్లు మహా వికాస్‌ అఘాడి – 130 నుంచి 138 సీట్లు

ఎగ్జిట్ పోల్ డేటా ప్రకారం, రాష్ట్రంలో అధికార ఏర్పాటులో మహా వికాస్ అఘాడీ, మహాయుతి పోటీ పడుతున్నాయి. ఈ ఎన్నికల్లో ఇండిపెండెంట్ల పాత్ర మరింత కీలకంగా మారే అవకాశం ఉంది. అందువల్ల స్వతంత్రుల బేరసారాల శక్తి పెరుగుతుంది. ఈ పరిస్థితిలో, స్వతంత్రులను ప్రలోభపెట్టడం, సంఖ్యలతో సరిపెట్టుకోవడం రాజకీయ పార్టీలకు సవాలుగా మరింది. విశేషమేమిటంటే ఇదంతా కేవలం 48 గంటల్లోనే పూర్తి చేయాల్సి ఉంటుంది.

ఎగ్జిట్ పోల్స్ ప్రకారం మహారాష్ట్రలో స్వతంత్రుల పాత్ర కీలకం కానున్నది. అందువల్ల, ఈ అవకాశం నిజమని తేలితే, అధికార స్థాపన కాలాన్ని పొడిగించవచ్చు. అటువంటప్పుడు, రాజకీయ పార్టీలు కూడా తమ ఎమ్మెల్యేలను కొనసాగించడం, వారిని కలిసి ఉంచడం, ఎమ్మెల్యేలను విడిపోనివ్వకుండా చేయడం సవాలుగా మారింది. అటువంటి పరిస్థితిలో, మహా వికాస్ అఘాడి, మహా యుతికి చెందిన భాగస్వామ్య పార్టీలు తమ తమ ఎమ్మెల్యేలను వేరే రాష్ట్రంలోని ఫైవ్ స్టార్ హోటల్‌లో ఉంచే అవకాశం కనిపిస్తోంది.

పొరుగు రాష్ట్రమైన కర్ణాటక, తెలంగాణలో కాంగ్రెస్ అధికారంలో ఉంది. అందుకే, కర్ణాటకలోని ఫైవ్‌ స్టార్‌ హోటళ్లలో కాంగ్రెస్‌ తన ఎమ్మెల్యేలు, ఇతర ఎమ్మెల్యేలను ఉంచే అవకాశం ఉంది. మహాకూటమి ఎమ్మెల్యేలను బీజేపీ పొరుగు రాష్ట్రమైన గుజరాత్‌కు తీసుకెళ్లవచ్చు. ఎందుకంటే గుజరాత్‌లో బీజేపీ అధికారంలో ఉంది.

ఇదిలా ఉండగా, కూటమికి బదులు అతిపెద్ద పార్టీగా ప్రభుత్వ ఏర్పాటును ఆహ్వానించే పూర్తి అధికారం గవర్నర్‌కు ఉంది. ఫలితం తేలకపోతే ముందుగా ప్రభుత్వ ఏర్పాటుకు గవర్నర్ ఎవరిని ఆహ్వానిస్తారన్నది ముఖ్యం. రాష్ట్రంలో ప్రస్తుత శాసనసభ పదవీకాలం నవంబర్ 26వ తేదీ మధ్యాహ్నం 12 గంటలకు ముగియనుంది. అందువల్ల 26వ తేదీ 12 గంటలకు ప్రభుత్వాన్ని ఏర్పాటు చేయకపోతే రాత్రి 12 గంటల నుంచి మళ్లీ రాష్ట్రపతి పాలన విధించే అవకాశం ఉంది. ఫలితం తర్వాత ఎవరికి ముందుగా మెజారిటీ వస్తుంది, ఎవరిని గవర్నర్ పిలుస్తారు.. ఈ రెండు అంశాలే కీలకం కానున్నాయి.

మరోవైపు ఓట్ల లెక్కింపునకు ఎన్నికల సంఘం అన్ని ఏర్పాట్లు పూర్తి చేసింది. ఓట్ల లెక్కింపు నవంబర్ 24, ఉదయం 8 గంటలకు ప్రారంభమవుతుందని ప్రధాన ఎన్నికల కమిషనర్ రాజీవ్ కుమార్ ప్రకటించారు. ఈ సంవత్సరం ఓటింగ్ శాతం 2019లో 61.1% నుండి సుమారు 66%కి పెరిగింది, ఇది మెరుగైన ఓటరు భాగస్వామ్యాన్ని ప్రతిబింబిస్తుంది.

మరిన్ని జాతీయ వార్తల కోసం ఇక్కడ క్లిక్ చేయండి…