Karimnagar Accident: కరీంనగర్ జిల్లాలో ఘోర రోడ్డు ప్రమాదం.. పెళ్లింట తీవ్ర విషాదం..

Karimnagar Road Accident: కరీంనగర్‌ జిల్లాలో జరిగిన రోడ్డు ప్రమాదం పెళ్ళింట విషాదం చోటుచేసుకుంది. ముందు వెళుతున్న లారీని బస్సు ఢీకొనడంతో ప్రమాదం జరిగింది. ఈ ఘటనలో సుమారు 30 మందికి తీవ్ర గాయాలయ్యాయి. ఈ ఘటన తిమ్మాపూర్‌ మండలం ఇందిరానగర్‌ వద్ద ఆదివారం రాత్రి చోటుచేసుకుంది.హైదరాబాద్‌లోని బాలానగర్‌కు చెందిన యువకుడికి చొప్పదండి మండలం వెదురుగట్టకు చెందిన యువతితో శుక్రవారం వివాహం జరిగింది. ఆదివారం వధువు ఇంటివద్ద జరిగిన విందుకు వరుడి తరఫున సుమారు 50 మంది బంధువులు కూకట్‌పల్లిడిపోకు చెందిన ఆర్టీసీ బస్సులో తరలివచ్చారు. కార్యక్రమం అనంతరం బస్సులో తిరిగి వెళుతుండగా తిమ్మాపూర్‌ మండలం ఇందిరానగర్‌ వద్ద ముందు వెళుతున్న లారీని బస్సు అతివేగంగా ఢీకొట్టింది. వరుడు, వధువుతోపాటు సుమారు 30 మందికి తీవ్ర గాయాలయ్యాయి. ఆరుగురి పరిస్థితి విషమంగా ఉందని పోలీసులు తెలిపారు. ఈ ఘటనకు సంబంధించి సమాచారం అందుకున్న పోలీసులు స్పాట్ కు చేరుకుని సహాయక చర్యలు చేపట్టారు. జరిగిన ప్రమాదంపై కేసు నమోదు చేసుకుని దర్యాప్తు చేస్తున్నారు.

Also Read: Viral Video: పిల్లలు కాదు చిచ్చర పిడుగులు.. ‘లోకల్ మేడ్ సూపర్ బైక్’పై ఎలా దూసుకెళ్తున్నారో చూడండి..

Silver Price Today: వెండి ధరలకు బ్రేకులు.. దేశీయంగా స్థిరంగా కొనసాగుతున్న సిల్వర్‌ ధరలు.!

Gold Price Today: బంగారం ధర జిగేల్‌.. పరుగులు పెడుతున్న పసిడి ధరలు.. తాజా రేట్లు ఇలా ఉన్నాయి..!