Crime News: పెద్దపల్లి జిల్లాలో మరో దారుణం.. ప్రేమించలేదని యువతి గొంతు కోసిన ఉన్మాది..!

Peddapalli district atrocity: ప్రేమ పేరును అడ్డుపెట్టుకొని.. వన్‌ సైడ్ లవర్స్ చేసే కిరాతకాలకు హద్దే లేకుండా పోతోంది. పూటకో చోట.. అమాయకులైన అమ్మాయిల్ని వేధింపులకు గురిచేస్తూ అత్యంత కిరాతకంగా ప్రాణాలు తీస్తూనే ఉన్నారు ఉన్మాదులు. తాజాగా పెద్దపల్లి జిల్లాలో అలాంటి దారుణమే మరొకటి వెలుగుచూసింది.

పెద్దపల్లి జిల్లాలో రాజు అనే యువకుడు తనను ప్రేమించలేదన్న కోపంతో యువతిని గొంతు కోసి అత్యంత దారుణంగా హతమార్చాడు. 8ఎంక్లేన్‌ కేకే నగర్‌లో ఈ దారుణం చోటు చేసుకుంది. గత కొంతకాలంగా మృతురాలిని ప్రేమించమని వెంటపడుతున్నాడు రాజు. అతడి ప్రేమను యువతి నిరాకరించింది. ఆ కోపంతో రగిలిపోయిన ప్రేమోన్మాది.. యువతిని కత్తితో గొంతు కోసి చంపేశాడు. రక్తపు మడుగులో పడివున్న యువతిని చూసి కుటుంబ సభ్యులు బోరున విలపించారు. తమ బిడ్డ ప్రాణాలు తీసిన రాక్షసుడ్ని వదిలిపెట్టవద్దని పోలీసుల్ని వేడుకుంటున్నారు. కాగా, ఈ ఘటనకు సంబంధించి కేసు నమోదు చేసుకున్న పోలీసులు దర్యాప్తు చేపట్టారు. మృతదేహన్ని పోస్టుమార్టం నిమిత్తం తరలించిన పోలీసులు.. లొంగిపోయిన నిందితుడిని అదుపులోకి తీసుకుని పోలీసులు విచారణ చేపట్టారు.

Read Also…  Viral Video: ఎలుకను వేటాడాలనుకున్నా పాము.. తీరా చూస్తే సీన్ రివర్స్.. చూస్తే నోరెళ్లబెడతారు!