Imprisonment To Teacher: పెన్ విసిరిన టీచర్.. చూపు కోల్పోయిన విద్యార్థి.. తర్వాత..
అల్లరి చేస్తున్నాడని మూడో తరగితి విద్యార్థిపై పెన్ విసిరినందుకు ఉపాధ్యాయురాలికి ఒక సంవత్సరం జైలు శిక్ష పడింది...
అల్లరి చేస్తున్నాడని మూడో తరగితి విద్యార్థిపై పెన్ విసిరినందుకు ఉపాధ్యాయురాలికి ఒక సంవత్సరం జైలు శిక్ష పడింది. పెన్ విసిరితేనే జైలు శిక్ష వేస్తారా అంటే.. కాదు.. ఆ పెన్ తగిలి విద్యార్థి చూపు కోల్పోయాడు. ఈ ఘటన కేళలో జరిగింది. తిరువనంతపురంలోని పిల్లల రక్షణ (పోక్సో) కోర్టు.. రిటైర్డ్ స్కూల్ టీచర్ షెరీఫా షాజహాన్‌కు జైలు శిక్షతోపాటు రూ. 3 లక్షల జరిమానా విధించింది. జరిమానా చెల్లించకపోతే, ఆమెకు అదనంగా మూడు నెలల జైలు శిక్ష పడుతుంది.
ఏం జరిగింది.
కేరళలలోని ఓ ప్రాముఖ పాఠశాలలో 16 సంవత్సరాల క్రితం అంటే జనవరి 18, 2005న షాజహాన్ క్లాసు తీసుకుంటున్నారు. ఆ సమయంలో ఎనిమిదేళ్ల విద్యార్థి అల్ అమిన్ ఇతర పిల్లలతో మాట్లాడుతున్నాడు. ఇది గమనించిన షాజహాన్ కోపంతో విద్యార్థిపై పెన్ విసిరింది. అయితే ఆ పెన్ ఎడమ కంటికి బలంగా తాగింది. దీంతో అతడు ఎడవటం మొదలు పెట్టారు. వెంటనే అతడి తల్లిదండ్రులకు సమాచారం ఇచ్చి బాలుడిని ఆస్పత్రికి తీసుకెళ్లారు. పెన్ కంటికి బలంగా గుచ్చుకుందని కంటి చూపుపోయే ప్రమాదం ఉందని.. ఆపరేషన్ చేయాలని వైద్యులు చెప్పారు. అల్ అమిన్ మూడు శస్త్రచికిత్సలు చేయించుకున్నాడు కానీ చూపు మాత్రం రాలేదు. కొడకు చూపు కోల్పోయాడని తెలుసుకున్న తల్లిదండ్రులు ఆవేదన వ్యక్తం చేశారు.
ఈ ఘటనకు సంబంధించి షెరీఫా షాజహాన్‌ను ఆరు నెలల పాటు పాఠశాల నుండి సస్పెండ్ చేశారు. కేవలం ఒక నెల సస్పెన్షన్ తర్వాత, ఆమె తిరిగి పాఠశాలలో చేరింది. దీంతో అల్ అమిన్ తల్లిదండ్రులు షాజహాన్పై పోలీసులకు ఫిర్యాదు చేశారు. ఉపాధ్యాయుడి చర్య క్రూరమైన చర్య అని కోర్టులో ప్రాసిక్యూషన్ వాదించారు. నేరాన్ని సమాజం అంగీకరించదన్నారు. వాదనలు విన్న కోర్టు ఉపాధ్యాయురాలికి సంవత్సరం జైలు శిక్షతోపాటు జరిమానా విధించింది.
Read Also..
Rape: 40 ఏళ్ల మహిళతో యువకుడి స్నేహం.. సహజీవనం చేయలంటూ ఒత్తిడి.. చివరికి..
