Vizag: విశాఖలో డ్రగ్స్‌ కలకలం.. కార్పొరేట్‌ కాలేజ్‌ విద్యార్థులే టార్గెట్‌‌గా కొకైన్ సప్లై

విశాఖలో డ్రగ్స్‌ కలకలం రేగింది. నగరంలోని కార్పొరేట్‌ కాలేజ్‌ విద్యార్థులే టార్గెట్‌‌గా స్మగ్లర్లు రెచ్చిపోతున్నారు. స్టూడెంట్స్‌కు అమ్మేందుకు బెంగళూరు నుంచి కొకైన్‌ను తీసుకొచ్చారు. ఐతే వారిని పట్టుకున్న పోలీసులు..30గ్రాముల కొకైన్‌ను స్వాధీనం చేసుకున్నారు. నలుగురిని అరెస్ట్‌ చేశారు. ఈ కొకైన్‌ రవాణా గురించి కూపీ లాగితే సంచలన విషయాలు వెలుగులోకొచ్చాయి. కార్పోరేట్‌ కాలేజ్‌ విద్యార్థులకు కొకైన్‌ అమ్మేందుకే తీసుకొచ్చామని విచారణలో వెల్లడించారు నిందితులు. ఈ కొకైన్‌ సరఫరాలో రౌడీ షీటర్‌ రాంకీ కీలక సూత్రధారిగా గుర్తించారు. ఈ రాంకీ గతంలో కూడా డ్రగ్స్‌ స్మగ్లింగ్‌ చేస్తున్నాడని రౌడీ షీట్‌ కూడా ఓపెన్‌ చేశారు. మళ్లీ ఇప్పుడు కొకైన్‌ సరఫరా చేస్తుండటంతో..అతన్ని అదుపులోకి తీసుకున్న పోలీసులు..మరింత లోతుగా దర్యాప్తు చేస్తున్నారు. ఈ కొకైన్‌ దందలో ఇంకెవరెవరున్నారన్న అంశంపై ఆరా తీస్తున్నారు. ఐతే ఈ కొకైన్‌ దందాను గోప్యంగా ఉంచుతున్నారు పోలీసులు.

అలాగే రాష్ట్రంలో డ్రగ్స్ సరఫరా లేకుండా కఠిన చర్యలు తీసుకోవాలని పోలీసులను సీఎం జగన్ ఇటీవల ఆదేశాలు జారీ చేసిన విషయం తెలిసిందే. గా కాలేజీ/ వర్సిటీల్లో డ్రగ్స్ ఆనవాళ్లు ఉండకూడదని దిశానిర్దేశం చేశారు.  డ్రగ్స్ ఎక్కడినుంచి వస్తున్నాయి.. సప్లై గురించి ఆరా తీసి.. మూలాల నుంచి పెకిలించివేయాలన్నారు.  దీంతో అధికారులు రాష్ట్రవ్యాప్తంగా స్పెషల్ డ్రైవ్ నిర్వహిస్తున్నారు.

Also Read:  Tollywood Heroine: ఈ నటి ఎవరో గుర్తుపట్టారా ? అప్పట్లో తెలుగునాట సెన్సేషన్..

Andhra Pradesh: రాములోరి కంట నీరు.. ముప్పు తప్పదంటున్న భక్తులు