Joker Malware: ఆండ్రాయిడ్ ఫోన్ల‌కు ‘జోక‌ర్‌’ ప్రమాదం.. హ్యాక‌ర్స్ బారిన ప‌డ‌కుండా ఈ జాగ్ర‌త్త‌లు పాటించండి..

Joker Malware: క‌రోనా సంక్షోభ స‌మ‌యంలో సైబ‌ర్ నేర‌గాళ్లు రెచ్చిపోతున్నారు. ఈ క్ర‌మంలోనే తాజాగా ఆండ్రాయిడ్ డివైజ్‌ల‌ను ల‌క్ష్యంగా చేసుకొని జోక‌ర్ మాల్వేర్ దాడి చేస్తోంది. ముఖ్యంగా మెట్రో న‌గ‌రాల్లో ఇప్ప‌టికే ఈ మాల్వేర్...

Joker Malvare

Narender Vaitla |
Updated on: Jun 17, 2021 | 6:08 AM

Joker Malware: క‌రోనా సంక్షోభ స‌మ‌యంలో సైబ‌ర్ నేర‌గాళ్లు రెచ్చిపోతున్నారు. ఈ క్ర‌మంలోనే తాజాగా ఆండ్రాయిడ్ డివైజ్‌ల‌ను ల‌క్ష్యంగా చేసుకొని జోక‌ర్ మాల్వేర్ దాడి చేస్తోంది. ముఖ్యంగా మెట్రో న‌గ‌రాల్లో ఇప్ప‌టికే ఈ మాల్వేర్ ద్వారా ఎంతో మంది యువ‌త మోస‌పోయారు. ఈ మాల్వేర్‌తో యూజ‌ర్‌కు సంబంధించి బ్యాంకింగ్ వివ‌రాల‌తో పాటు వ్య‌క్తిగ‌త స‌మాచారం కూడా సైబ‌ర్ నేర‌గాళ్ల చేతుల్లోకి వెళ్లిపోతుంది. మాల్వేర్‌కు సంబంధించి మోసాలు పెరుగుతోన్న నేప‌థ్యంలో పోలీసులు నెటిజ‌న్ల‌ను అల‌ర్ట్ చేస్తున్నారు. ఎట్టి ప‌రిస్థితుల్లో జోక‌ర్ మాల్వేర్‌కు సంబంధించిన లింక్‌ల‌ను క్లిక్ చేయ‌వ‌ద్ద‌ని చెబుతున్నారు. ఇదిలా ఉంటే.. ఈ జోక‌ర్ మాల్వేర్ మొదటిసారి 2017లో గూగుల్‌లో ద‌ర్శ‌న‌మిచ్చింది. దీంతో అప్ర‌మ‌త్త‌మైన గూగుల్ కొన్ని అనుమానాస్ప‌ద యాప్‌ల‌ను తొల‌గించింది. అయితే ఈ మాల్‌వేర్ పూర్తిగా తొలిగిపోలేదు. తాజాగా మ‌ళ్లీ ఈ మాల్వేర్‌కు సంబంధించిన కేసులు న‌మోద‌వుతుండ‌డంతో పోలీసులు అల‌ర్ట్ చేశారు.