TS Corona Cases: తెలంగాణలో మరోసారి పెరిగిన కోవిడ్ కేసులు.. జిల్లాల వారికి ఇలా..

Telangana Covid 19 Cases today updates: తెలంగాణలో కోవిడ్(COVID-19) వ్యాప్తి మరింత పెరుగుతోంది. పండుగ ముగిసిన వెంటనే కేసుల సంఖ్య పెరుగుతోంది. రాష్ట్రంలో గత 24 గంటల్లో కొత్తగా 3,944 పాజిటివ్‌ కేసులు నమోదు అయ్యాయి. వైరస్ సోకి ముగ్గురు మృతి చెందారు. ఇప్పటి వరకు రాష్ట్రంలో మొత్తం కరోనా(CORONA) కేసుల సంఖ్య 7,51,099 కాగా, మరణాల సంఖ్య 4,081గా ఉంది. రాష్ట్రంలో రికవరీ కేసుల సంఖ్య 7,07,498 ఉండగా, తాజాగా 2,444 మంది కోలుకున్నారు. రాష్ట్రంలో రికవరీ రేటు 94.20 శాతం ఉంది. ఇక ఐసోలేషన్‌లో 39,520 మంది ఉన్నట్లు తెలంగా వైద్య, ఆరోగ్య శాఖ గురువారం సాయంత్రం విడుదల చేసిన హెల్త్ బులెటిన్‌లో పేర్కొంది.

ఇక, ఇవాళ మొత్తం 97,549 శాంపిల్స్ పరీక్షించినట్లు అధికారులు వెల్లడించారు. దీంతో ఇప్పటివరకు తెలంగాణ వ్యాప్తంగా ఇప్పటివరకు 3,17,76,018 కోవిడ్ నిర్ధారణ పరీక్షలు నిర్వహించారు. మరోవైపు, ఇవాళ కొత్తగా నమోదైన కేసుల్లో అత్యధికంగా గ్రేటర్ హైదరాబాద్ పరిధిలో 1372 మందికి మహమ్మారి సోకినట్లు తెలిపారు. తర్వత స్థానాల్లో మేడ్చెల్ జిల్లాలో 288 మంది, రంగారెడ్డి జిల్లాలో 259 మంది, హన్మకొండ జిల్లాలో 117, ఖమ్మం జిల్లాలో 135, నిజామాబాద్ జిల్లాలో 105, సంగారెడ్డి 120 మందికి కరోనా పాజిటివ్ నిర్ధారణ అయ్యింది. ఇక, మిగిలిన జిల్లాల్లో 100 లోపే కోవిడ్ కేసులు వెలుగు చూశాయి.

ఇవి కూడా చదవండి: PRC: చ‌ర్చ‌లకు రండి.. మీరు మా శ‌త్రువులు కాదు.. ఉద్యోగులకు ఏపీ ప్ర‌భుత్వ స‌ల‌హాదారు స‌జ్జ‌ల సూచన..

TATA – Air India: ఎగిరిపో ఆకాశమే హద్దుగా.. టాటా గ్రూప్ చేతికి చేరిన ఎయిరిండియా..