Coronavirus: కరోనా పేషెంట్‌కు పురుడు పోసిన డాక్టర్లు.. ప్రభుత్వ వైద్యులపై ప్రశంసల వర్షం కురిపించిన మంత్రులు హరీష్, కేటిఆర్

Coronavirus: క‌రోనా పాజిటివ్‌గా తేలిన ఓ గ‌ర్భిణీకి విజ‌య‌వంతంగా డెలివ‌రీ చేశారు రాజ‌న్న సిరిసిల్లాలోని ఎల్లారెడ్డిపేట ప్రాథ‌మిక ఆరోగ్య కేంద్రానికి చెందిన వైద్యులు. వివ‌రాల్లోకి వెళితే. ఎల్లారెడ్డిపేట ప్రాథ‌మిక ఆరోగ్య కేంద్రానికి బుధవారం అత్య‌వ‌స‌ర ప‌రిస్థితుల్లో..

Narender Vaitla |
Updated on: Jan 27, 2022 | 8:05 AM

Coronavirus: క‌రోనా పాజిటివ్‌గా తేలిన ఓ గ‌ర్భిణీకి విజ‌య‌వంతంగా డెలివ‌రీ చేశారు రాజ‌న్న సిరిసిల్లాలోని ఎల్లారెడ్డిపేట ప్రాథ‌మిక ఆరోగ్య కేంద్రానికి చెందిన వైద్యులు. వివ‌రాల్లోకి వెళితే. ఎల్లారెడ్డిపేట ప్రాథ‌మిక ఆరోగ్య కేంద్రానికి బుధవారం అత్య‌వ‌స‌ర ప‌రిస్థితుల్లో ఓ గ‌ర్భిణీ వ‌చ్చింది. అయితే క‌రోనా ప‌రీక్ష‌లు నిర్వ‌హించ‌గా ఆమెకు అప్ప‌టికే క‌రోనా ఉన్న‌ట్లు తేలింది. దీంతో అన్ని ర‌కాల జాగ్ర‌త్త‌లు పాటించి డెలివ‌రీ చేశారు. తల్లి, బిడ్డ క్షేమంగా ఉండేలా వైద్యులు అన్ని ర‌కాల చ‌ర్య‌లు తీసుకున్నారు.

ఈ విష‌యాన్ని తెలుపుతూ ఎల్లారెడ్డి ప్రాథ‌మిక ఆరోగ్య కేంద్రానికి చెందిన వైద్యులు ట్వీట్ చేశారు. మంత్రులు హ‌రీష్ రావు, కేటీఆర్‌ల‌తో పాటు క‌లెక్ట‌ర్ ఆఫీస్ ట్విట్ట‌ర్ ఖాతాల‌ను ట్యాగ్ చేస్తూ.. ఈ రోజు ఎల్లారెడ్డిపేట‌లో కోవిడ్‌19 సోకిన గ‌ర్భిణీకి డెలివ‌రి చేశాము. త‌ల్లి, బిడ్డ ఇద్ద‌రూ క్షేమంగా ఉన్నారు. వారి ఆరోగ్యం దృష్ట్యా వెంట‌నే సిరిసిల్ల ఆసుప‌త్రికి త‌ర‌లిచాం అని రాసుకొచ్చారు.

Good evening sir, Today @PYellareddypet team successfully delivered a COVID-19 positive pregnant woman in emergency situation. Glad to say that both mother child are safe and shifted to @dhsircilla for better health care. @Collector_RSL @KTRTRS @trsharish @TelanganaHealth pic.twitter.com/1xl4AxqbQr

— DMHO Rajanna (@DMHO_Rajanna) January 26, 2022

దీంతో వైద్యులు చేసిన ఈ ట్వీట్‌పై మంత్రులు హ‌రీష్ రావు, కేటీఆర్ స్పందించారు. కేటీఆర్ స్పందిస్తూ… గొప్ప ప‌ని చేశారు అని ట్వీట్ చేయ‌గా. హ‌రీష్ రావు వైద్య సిబ్బందికి శుభాకాంక్ష‌లు తెలిపారు. ఇలాంటి విజ‌యాలు మ‌రెన్నో సాధించాల‌ని ఆశిస్తూ.. త‌ల్లి బిడ్డ ఇద్ద‌రూ క్షేమంగా ఉన్నందుకు సంతోషం వ్య‌క్తం చేశారు.

Congratulations to the team of doctors and medical staff at PHC Yellareddypet for their successful accomplishment, looking forward to many more success stories.

Elated to hear that both the mother and the child are safe. https://t.co/OkURTT8wp6

— Harish Rao Thanneeru (@trsharish) January 26, 2022