Covid 19 Vaccine; భారత్‌లో ముమ్మరంగా వ్యాక్సినేషన్.. హైదరాబాద్‌లో 18 ఏళ్లు పైబడిన వారందరికి టీకా.. త్వరలో అందుబాటులోకి రానున్న జైకోవ్‌ డి
కరోనా కోరలు కట్ చేసేందుకు త్వరలో జైకోవ్‌ డి మందు అందుబాటులోకి రాబోతుంది. అత్యవసర వినియోగానికి జైడస్‌ దరఖాస్తు చేసుకుంది.
Updated on: Jul 01, 2021 | 4:25 PM
Covid 19 Vaccine in India: దేశవ్యాప్తంగా కరోనా వ్యాక్సినేషన్ ప్రక్రియ కొనసాగుతున్న సంగతి తెలిసిందే. ఇటీవల 40వేలకు దిగువన నమోదైన కేసులు.. మళ్లీ పెరుగుతున్నాయి. తాజాగా 48వేలకుపైగా కొత్త కేసులు నమోదు కాగా.. మరణాల సంఖ్య వెయ్యి మార్కును దాటడం కలవరానికి గురిచేస్తోంది. మరోవైపు, కరోనా కోరలు కట్ చేసేందుకు త్వరలో జైకోవ్‌ డి మందు అందుబాటులోకి రాబోతుంది. అత్యవసర వినియోగానికి జైడస్‌ దరఖాస్తు చేసుకుంది. స్పుత్నిక్‌ లైట్‌ మూడో దశ ప్రయోగాలను భారత్‌లో నిర్వహించేందుకు అనుమతి నిరాకరించింది కేంద్రం.
Covid Vaccine
సెలబ్రిటీల నుంచి సామన్యుల వరకు అంతా స్వచ్ఛందంగా ముందుకు వచ్చి వ్యాక్సిన్ తీసుకుంటున్నారు.45 ఏళ్ల వయసు దాటిన వారికి కరోనా వ్యాక్సిన్ అందిస్తున్న సంగతి తెలిసిందే. అయితే 18 ఏళ్లు నిండినవారికి కూడా కోవిడ్ వ్యాక్సిన్ ఇవ్వాలని ఇటీవలే కేంద్రం ప్రకటించిన విషయం తెలిసిందే. అందరికీ వ్యాక్సిన్.. అందరికీ ఆరోగ్యం.. టీవీ9 నినాదం.. దేశం విధానం. మరి ఇప్పటి వరకు దేశంలో ఎంత మందికి వ్యాక్సినేషన్ పూర్తైంది? వ్యాక్సిన్ కోసం రిజిస్ట్రేషన్ చేసుకున్న వారు ఎంత మంది? దేశంలో వ్యాక్సినేషన్‌కు సంబంధించిన ఫుల్‌ డీటేల్స్ ఇప్పుడు చూద్దాం.
దేశ వ్యాప్తంగా ఇప్పటి వరకు 33 కోట్ల 26 లక్షల 04 వేల 590 మందికి వ్యాక్సినేషన్ పూర్తైంది. అందులో 27 కోట్ల 39 లక్షల 78 వేల 658 మందికి మొదటి డోస్‌ అందగా.. 5 కోట్ల 86 లక్షల 25 వేల 932 మందికి రెండో డోస్‌ కూడా పూర్తైంది. ఇవాళ ఇప్పటి వరకు 16 లక్షల 45 వేల 736 మందికి వ్యాక్సినేషన్ పూర్తయింది.
తెలుగు రాష్ట్రాల్లో వ్యాక్సినేషన్ వేసుకునేందుకు ప్రజలు పెద్దసంఖ్యలో ఆసక్తి చూపుతున్నారు. ఏపీలో ఇప్పటి వరకు కోటి 58 లక్షల 19 వేల 250 మందికి వ్యాక్సినేషన్ పూర్తైంది. కోటి 26 లక్షల 73 వేల 504 మందికి మొదటి డోస్‌ అందగా.. 31 లక్షల 45 వేల 746 మందికి రెండో డోస్‌ కూడా పూర్తైంది. ఇక తెలంగాణ విషయానికి వస్తే.. హైదరాబాద్‌లో నేటి నుంచి 18 ఏళ్లు పైబడిన వారికి వ్యాక్సిన్ అందించాలని తెలంగాణ ప్రభుత్వం నిర్ణయించింది. ఇక, రాష్ట్రంలో ఇప్పటి వరకు కోటి 11 లక్షల 69 వేల 745 మందికి వ్యాక్సినేషన్ అందింది. అందులో మొదటి డోస్‌ పూర్తైన వారు 95 లక్షల 73 వేల 385 మంది కాగా.. రెండో డోస్‌ పూర్తైన వారు 15 లక్షల 94 వేల 360 మంది ఉన్నారు.
ఇక ఏ కంపెనీ వ్యాక్సిన్లు ఎన్ని అందాయనే వివరాలు గమనిస్తే.. 29 కోట్ల 19 లక్షల 12 వేల 801 మందికి covisheild అందితే.. 4 కోట్ల 06 లక్షల వెయ్యి 137 మందికి covaxine వ్యాక్సిన్లు అందాయి.
Covid Vaccine
వ్యాక్సిన్ కోసం రిజిస్ట్రేషన్ చేసుకున్నంటున్న వారి సంఖ్య అంతకంతకు పెరుగుతోంది. దేశంలో రిజిస్ట్రేషన్ చేసుకున్న వారి సంఖ్య 35 కోట్లు దాటింది. ఆ వివరాలు చూస్తే.. 35 కోట్ల 28 లక్షల 55 వేల 747 మంది వ్యాక్సిన్ కోసం రిజిస్ట్రేషన్ చేసుకున్నారు. అందులో 16 కోట్ల 85 లక్షల 27 వేల 749 మంది.. 18 నుంచి 44 ఏళ్ల మధ్య గ్రూప్ వారు అయితే.. 18 కోట్ల 43 లక్షల 27 వేల 998 మంది 45 ఏళ్ల పై బడిన వారు.
అందరికి వ్యాక్సిన్.. అందరికీ ఆరోగ్యం. టీవీ9 నినాదం.. దేశం విధానం.. అయితే కేంద్ర ప్రభుత్వం ఏర్పాటు చేసిన కొవిన్ పోర్టల్‌లో రిజిస్ట్రేషన్ చేయించుకున్న వారికి మాత్రమే ముందుగా వ్యాక్సిన్ అందించనున్నారు. కొవిన్ పోర్టల్‌లో స్లాట్ బుక్ చేసుకుని సమీప వ్యాక్సిన్ కేంద్రానికి వెళ్లి వ్యాక్సిన్ వేయించుకోవాలని అధికారులు తెలిపారు. ఇప్పటివరకు మహానగరంలో 35 ఏళ్లు పైబడిన వారికి మాత్రమే వ్యాక్సిన్ అందిస్తున్నారు. అలాగే సూపర్‌ స్పైడర్స్‌కు కూడా వ్యాక్సిన్ అందిస్తున్నారు. రాష్ట్రం అంతటా కూడా వ్యాక్సినేషన్ ప్రక్రియ కొనసాగుతోంది.
Covid Vaccine
