Vaccination: టీకా తీసుకున్నాక పిల్లల్లో ఈ సమస్యలుంటే భయపడవద్దు.. వైద్యుడి సలహా తీసుకోండి..

Vaccination: దేశవ్యాప్తంగా 15 నుంచి 18 ఏళ్లలోపు పిల్లలకు టీకాలు వేయడం జనవరి 3 నుంచి ప్రారంభం కానుంది. కరోనా వ్యాక్సిన్ పిల్లలకు పూర్తిగా సురక్షితమని

Child Vaccination

uppula Raju |

Updated on: Jan 01, 2022 | 9:13 PM

Vaccination: దేశవ్యాప్తంగా 15 నుంచి 18 ఏళ్లలోపు పిల్లలకు టీకాలు వేయడం జనవరి 3 నుంచి ప్రారంభం కానుంది. కరోనా వ్యాక్సిన్ పిల్లలకు పూర్తిగా సురక్షితమని నిపుణులు చెబుతున్నారు. అటువంటి పరిస్థితిలో పిల్లలందరికీ టీకాలు వేయించాలి. వ్యాక్సిన్ తీసుకున్న తర్వాత ఒక పిల్లవాడు జ్వరం లేదా శరీర నొప్పులతో బాధపడితే దాని గురించి భయపడాల్సిన అవసరం లేదు. భారతదేశంలోని కోవిడ్ టాస్క్ ఫోర్స్ కోసం లాన్సెట్ కమిషన్ సభ్యురాలు ప్రొఫెసర్ డాక్టర్ సునీలా గార్గ్ మాట్లాడుతూ..

వ్యాక్సిన్ గురించి పిల్లలు సంకోచించకూడదు. తల్లిదండ్రులు టీకాలు వేసుకునేలా వారిని ప్రేరేపించడం అవసరం. పిల్లవాడు టీకా గురించి భయపడితే అతనికి వివరించండి. పిల్లవాడికి టీకాలు వేయడానికి ముందు అతను సరిగ్గా తిన్నాడో లేదా చూసుకోండి. ఖాళీ కడుపుతో వ్యాక్సిన్‌ వేయించుకోకూడదు. అలాగే రాత్రంతా పిల్లవాడు బాగా నిద్రపోయాడా లేదా చెక్ చేసుకోవాలి. అతనికి అధిక జ్వరం లేదా వాంతులు, అతిసారం ఉండకూడదు. ఓమిక్రాన్ ముప్పు పెరుగుతున్న దృష్ట్యా పిల్లలకు రోగనిరోధకత చాలా ముఖ్యం. ఇప్పటికే ఏదైనా వ్యాధితో బాధపడుతున్న పిల్లలకు ప్రాధాన్యతపై టీకాలు వేయాలని సూచించారు.

టీకా తర్వాత సాధారణ సమస్యలు టీకా వేసిన తర్వాత పిల్లలకు జ్వరం, నొప్పి, వాపు రావడం సాధారణమని వైద్యులు చెబుతున్నారు. చాలా సందర్భాలలో జ్వరం వస్తుంది కానీ ఒక రోజులో తగ్గిపోతుంది. దీని గురించి చింతించకండి. టీకా తర్వాత ఈ లక్షణాలన్నీ సాధారణం. ఇది చాలా మందికి జరుగుతుంది. అయినప్పటికీ పిల్లవాడు అలెర్జీ, తీవ్రమైన లక్షణాలు కనిపిస్తే, కళ్లు తిరగడం జరిగితే వైద్యుడిని సంప్రదించండి. పిల్లలకు టీకాలు వేసినప్పుడల్లా కనీసం అరగంట పాటు టీకా కేంద్రంలో ఉండండి. వ్యాక్సిన్ తీసుకున్న తర్వాత కూడా పిల్లలు కోవిడ్ నుంచి రక్షణ నియమాలను పాటించాలి. టీకాలు వేయడం వల్ల ఇన్‌ఫెక్షన్ వచ్చే ప్రమాదం తగ్గుతుంది కానీ వారికి ఎప్పటికీ కరోనా రాదని అర్థం కాదు. ఇది గుర్తుంచుకోవాలి.