TGPSC Group 1 Mains 2024 Schedule: టీజీపీఎస్సీ గ్రూప్‌ 1 మెయిన్స్‌ షెడ్యూల్‌ విడుదల.. మొత్తం 6 పేపర్లకు పరీక్ష

హైదరాబాద్‌, జూన్‌ 13: తెలంగాణ గ్రూప్ 1 మెయిన్స్ ప‌రీక్షల‌కు సంబంధించిన షెడ్యూల్‌ను టీజీపీఎస్సీ తాజాగా విడుద‌ల చేసింది. తాజా షెడ్యూల్‌ ప్రకారం మెయిన్స్‌ పరీక్షలు అక్టోబ‌ర్ 21వ తేదీ నుంచి 27 వ‌ర‌కు నిర్వహించ‌నున్నట్లు పేర్కొన్నారు. మొత్తం మూడు భాషల్లో మెయిన్స్‌ పరీక్షలు జరుగుతాయి. తెలుగు, ఉర్దూ, ఇంగ్లీష్ మీడియంల‌లో మెయిన్స్ ప‌రీక్షలు నిర్వహించ‌నున్నారు. ఆయా తేదీల్లో ఒక్కో పేపర్‌ను ఆఫ్‌లైన్‌ విధానంలో మ‌ధ్యాహ్నం 2.30 గంట‌ల నుంచి సాయంత్రం 5.30 గంట‌ల వ‌ర‌కు నిర్వహించ‌నున్నారు. జూన్‌ 9వ తేదీన గ్రూప్ -1 ప్రిలిమ్స్ ప‌రీక్షను నిర్వహించిన సంగ‌తి తెలిసిందే. ఈ పరీక్షకు సంబంధించిన ఆన్సర్‌ కీ ఈ రోజు విడుదలకానుంది. త్వర‌లోనే ఫ‌లితాల‌ను కూడా విడుద‌ల చేయ‌నున్నారు.

టీజీపీఎస్సీ గ్రూప్‌ 1 మెయిన్స్ ప‌రీక్షల షెడ్యూల్ ఇదే..

• అక్టోబ‌ర్ 21వ తేదీన జ‌న‌ర‌ల్ ఇంగ్లీష్‌ (క్వాలిఫ‌యింగ్ టెస్ట్)
• అక్టోబ‌ర్ 22వ తేదీ పేప‌ర్ 1 (జ‌న‌ర‌ల్ ఎస్సే)
• అక్టోబ‌ర్ 23వ తేదీ పేప‌ర్ 2 (హిస్టరీ, క‌ల్చర్ అండ్ జియోగ్రఫీ)
• అక్టోబ‌ర్ 24వ తేదీ పేప‌ర్ 2 (ఇండియ‌న్ సొసైటీ, రాజ్యాంగం అండ్ గ‌వ‌ర్నెన్స్‌)
• అక్టోబ‌ర్ 25వ తేదీ పేప‌ర్ 4 (ఎకాన‌మి అండ్ డెవ‌ల‌ప్‌మెంట్)
• అక్టోబ‌ర్ 26వ తేదీ పేప‌ర్ 5 (సైన్స్ అండ్ టెక్నాల‌జీ అండ్ డాటా ఇంట‌ర్‌ప్రిటేష‌న్)
• అక్టోబ‌ర్ 27వ తేదీ పేప‌ర్ 6 (తెలంగాణ మూవ్‌మెంట్ అండ్ స్టేట్ ఫార్మేష‌న్)

ప్రతి పేపర్‌కు 3 గంటల సమయంలో పరీక్ష నిర్వహిస్తారు. ఒక్కో పేపర్కు 150 మార్కుల చొప్పున కేటాయిస్తారు. ఎంపిక చేసుకున్న ఒకే భాషలోనే ఆరు పరీక్షలు రాయవల్సి ఉంటుంది. జనరల్‌ ఇంగ్లిష్‌ పరీక్ష పదోతరగతి స్థాయిలో ఉంటుంది. ఈ పరీక్షలో వచ్చిన మార్కులను ర్యాంకింగ్‌ పరిధిలోకి తీసుకోరు. ఈ పరీక్షలో క్వాలిఫై అయితేనే ఇతర పరీక్షల పేపర్లను మూల్యాంకనం చేస్తారు. అభ్యర్థి నిర్దేశించిన అన్ని పరీక్షలకు తప్పకుండా హాజరు కావాలి. ఇందులో ఏ ఒక్క పరీక్షకు గైర్హాజరైనా అనర్హతకు గురవుతారు. మెయిన్‌ పరీక్షలకు సంబంధించిన సిలబస్, పరీక్ష విధానం వంటి పూర్తి సమాచారం వెబ్‌సైట్‌లో అందుబాటులో ఉంచారు.

ఇవి కూడా చదవండి

తెలంగాణ టెట్ ఫలితాలు వచ్చేశాయ్‌.. ఉచితంగా DSC 2024కి దరఖాస్తులు

భారత్‌లో నాలుగేళ్ల చిన్నారికి బర్డ్‌ఫ్లూ.. అప్రమత్తమైన ఆరోగ్య శాఖ

మోగిన బడి గంట.. ఇవాళ్టి నుంచి స్కూళ్లు పునఃప్రారంభం

తెలంగాణ అంతటా విస్తరించిన రుతుపవనాలు.. ఇవాళ 16 జిల్లాల్లో కుండపోత

మరిన్ని విద్యా, ఉద్యోగ కథనాల కోసం క్లిక్‌ చేయండి.