Telangana Schools: మోగిన బడి గంట.. వేసవి సెలవుల తర్వాత ఇవాళ్టి నుంచి స్కూళ్లు పునఃప్రారంభం

హైదరాబాద్‌, జూన్‌ 12: తెలంగాణలో నేటి నుంచి పాఠశాలలు పునఃప్రారంభం అవుతున్నాయి. వేసవి సెలవులు జూన్ 11వ తేదీతో ముగిశాయి. దీంతో తెలంగాణ రాష్ట్ర వ్యాప్తంగా పాఠశాలలు పిల్లలతో సందడిగా మారాయి. ప్రభుత్వ బడుల్లో పిల్లల చేరికలను ప్రోత్సహించేందుకు రేవంత్‌ సర్కార్ బడి బాట కార్యక్రమాన్ని చేపట్టింది. ఈ కార్యక్రమం జూన్ 19వ తేదీ వరకు కొనసాగనుంది. స్టేషనరీ, బ్యాగులు, బూట్లు, దుస్తుల కొనుగోళ్లతో పుస్తక దుకాణాలతోపాటు దుస్తుల షాపులు కొనుగోలుదారులతో కిక్కిరిసిపోతుంటాయి.

మారిన పాఠశాలల వేళలు….

మరోవైపు తెలంగాణలోని ప్రభుత్వ పాఠశాలల్లో పాఠశాలల పని వేళల్లో మార్పులు చోటు చేసుకున్నాయి. ఈ రోజు నుంచి ఉదయం 9 గంటలకే బడి గంట మోగనుంది. ప్రైవేట్ పాఠశాలల్లో 8 గంటలకే తరగతులు ప్రారంభం అవుతుంటే.. ప్రభుత్వ పాఠశాలల్లో మాత్రమే 9.30కు మొదలు కావడంపై పాఠశాల విద్యాశాఖ దిద్దుబాటు చర్యలు చేపట్టింది. ఇందులో భాగంగానే సమయ పాలనలో పలు మార్పులు చేసింది. ప్రాథమిక పాఠశాలలు సాయంత్రం 4 గంటల వరకు, ప్రాథమికోన్నత పాఠశాలలు సాయంత్రం 4.15 గంటల వరకు పనిచేయనున్నాయి. ఇక హైస్కూళ్లు మాత్రం ఉదయం 9.30 గంటల నుంచి ప్రారంభం అవుతాయి. హైదరాబాద్‌, సికింద్రాబాద్‌లోని పాఠశాలలు ఉదయం 8.45 నుంచి సాయంత్రం 3.45 వరకు పనిచేస్తాయి.

అలాగే ప్రతి నెలలో 4వ శనివారం నో బ్యాగ్‌ డే అమలు చేయాలని ప్రభుత్వం ఆదేశాలు జారీ చేసింది. ప్రభుత్వ పాఠశాలల్లో ప్రతి రోజూ అరగంట పాఠ్యపుస్తకాలు, కథల పుస్తకాల పఠనం, దినపత్రికలు, మ్యాగ్‌జైన్లను చదివించాలని నిర్ణయించింది. టీశాట్ టీవీ పాఠాలను సైతం ప్రసారం చేయనున్నారు. ఈ విద్యాసంవత్సరంలో జనవరి 10వ తేదీ నాటికి విద్యాబోధన పూర్తి చేయాలని అన్ని పాఠశాలలకు ఆదేశాలు జారీ చేశారు.

ఇవి కూడా చదవండి

కెనడాలో భారత సంతతి వ్యక్తి దారుణ హత్య.. ఆగని వరుస మరణాలు

ఏపీలో జులై 1న ఒక్కొక్కరికి రూ.7వేలు ఫించన్‌.. కసరత్తులు షురూ!

సామాన్యుడికి షాక్.. మళ్లీ ఘాటెక్కిన ఉల్లి! కూరగాయలదీ అదే దారి..

ప్రముఖ నటి మృతి.. డెడ్ బాడీ తీసుకెళ్లేందుకు తల్లిదండ్రుల నిరాకరణ!

మరిన్ని విద్యా ఉద్యోగ కథనాల కోసం క్లిక్‌ చేయండి.