NABARD Internship Scheme: విద్యార్థులకు NABARD ఆఫర్.. నెలకు 18 వేల స్టైఫండ్.. ఇప్పుడే అప్లై చేసుకోండి..!

NABARD Internship Scheme: నేషనల్ బ్యాంక్ ఫర్ అగ్రికల్చర్ అండ్ రూరల్ డెవలప్‌మెంట్(NABARD) స్టూడెంట్ ఇంటర్న్‌షిప్ స్కీమ్ 2022-23 కోసం దరఖాస్తులను ఆహ్వానించింది. 40 సీట్లు ఖాళీ ఉండగా.. అర్హత గల అభ్యర్థులు దరఖాస్తు చేసుకోవచ్చునని ప్రకటించింది. ఇప్పటికే దరఖాస్తులు ప్రారంభమవగా.. చివరి తేదీ మార్చి 31గా ప్రకటించారు. ఈ స్కీమ్‌లో భాగంగా ప్రతిభావంతులైన విద్యార్థులకు NABARDకి సంబంధించిన అంశాలైన.. పనులు/ప్రాజెక్ట్‌లు/అధ్యయనాలను కేటాయించడం జరుగుతుంది. అంటే.. ఇంటర్న్‌షిప్‌లో భాగంగా అభ్యర్థులు (i) రైతు ఉత్పత్తిదారుల సంస్థలు/ఫార్మర్ కలెక్టివ్‌లు (ii) గ్రామీణ సంఘం సంస్థలైన SHGలు/JLGలు (iii) వాటర్‌షెడ్ అభివృద్ధి కార్యక్రమాలపై అధ్యయనం చేయాల్సి ఉంటుంది. ఈ అధ్యయనాల ద్వారా సంబంధిత విభాగాల అభివృద్ధికి మరిన్ని చర్యలు తీసుకోవచ్చు అనేది నాబార్ద్ లక్ష్యం.

40 ఖాళీలు.. ఇంటర్న్‌షిప్ నోటిఫికేషన్‌లో భాగంగా 40 మంది ఖాళీలకు విద్యార్థులను ఎంపిక చేస్తారు. ప్రాంతీయ కార్యాలయాలు/టీఈ పరిధిలో 35, ప్రధాన కార్యాలయం పరిధిలో 5 సీట్లు ఉన్నాయి. నోటిఫికేషన్‌లో దీనికి సంబంధించిన పూర్తి వివరాలు(https://www.nabard.org/whats-new.aspx)లో పేర్కొనడం జరిగింది.

అర్హత: దరఖాస్తుదారులు వ్యవసాయం లేదా అనుబంధ విభాగాలు (వెటర్నరీ, ఫిషరీస్, మొదలైనవి), అగ్రి-బిజినెస్, ఎకనామిక్స్, సోషల్ సైన్సెస్ ఇన్‌స్టిట్యూట్‌ల నుండి మేనేజ్‌మెంట్‌లో పోస్ట్-గ్రాడ్యుయేట్ డిగ్రీ పూర్తి చేసిన వారు లేదా చదువుతున్న వారు అర్హులు. ఇక పేరుపొందిన విశ్వవిద్యాలయాలు, గుర్తింపు పొందిన విద్యాసంస్థల్లో 5 సంవత్సరాల ఇంటిగ్రేటెడ్ కోర్సులను అభ్యసిస్తున్న విద్యార్థులు చివరి సంవత్సరం చదువుతున్న వారు కూడా దీనికి అప్లై చేసుకోవచ్చు.

ఒక నిర్దిష్ట రాష్ట్రంలో ఇంటర్న్‌షిప్ కోసం దరఖాస్తు చేసుకునే విద్యార్థులు తప్పనిసరిగా ఆ రాష్ట్రంలో డిగ్రీని అభ్యసిస్తూ ఉండాలి లేదా వారు ఆ రాష్ట్రానికి చెందినవారై ఉండాలి. ఇక ప్రధాన కార్యాలయానికి కేటాయించిన సీట్ల కోసం, ముంబై నుండి విద్యను అభ్యసించే ముంబై విద్యార్థులకు ప్రాధాన్యత ఇవ్వబడుతుంది. అయితే, ముంబైలోని హెడ్ ఆఫీస్‌లోని సీట్లు దేశవ్యాప్తంగా ఉన్న విద్యార్థులు దరఖాస్తు చేసుకోవచ్చు. ఇంటర్న్‌షిప్ వ్యవధి కనిష్టంగా 8 వారాలు. గరిష్టంగా 12 వారాలు ఉంటుంది. సెలక్ట్ అయిన అభ్యర్థులు 15 ఏప్రిల్ 2022 నుంచి 31 ఆగస్టు 2022 మధ్య ఇంటర్న్‌షిప్‌ను పూర్తి చేయాల్సి ఉంటుంది.

ఈ ఇంటర్న్‌షిప్‌కు ఎంపికైన అభ్యర్థులకు నెలకు రూ.18,000 స్లైఫండ్ ఇస్తారు. అభ్యర్థులు ఫీల్డ్ విజిట్ అలవెన్స్, ట్రావెల్ అలవెన్స్, ఇతర ఖర్చులకు కూడా డబ్బులు ఇస్తారు. కాగా, ఎంపిక చేసుకున్న అంశం/ప్రాజెక్టును సక్సెస్‌ఫుల్‌గా పూర్తి చేసిన విద్యార్థులకు స్టైఫండ్, ఫీల్డ్ అలవెన్స్, ఇతర ప్రోత్సాహకాలను అందిస్తారు. ఇంకా ఏవైనా సందేహాలు ఉంటే.. నాబార్డ్ అధికారిక వెబ్‌సైట్‌ https://www.nabard.org/whats-new.aspxను సందర్శించవచ్చు. దరఖాస్తులు కూడా ఈ వెబ్‌సైట్ ద్వారానే చేసుకోవచ్చు.

Also read:

Telangana Traffic Police: హైదరాబాద్ ట్రాఫిక్ పోలీసుల కీలక నిర్ణయం.. ఇకపై అలా చేశారంటే అంతే సంగతలు..!

TSTET 2022: టెట్ అభ్యర్థులూ బీ అలర్ట్.. టెట్‌ వెబ్‌‌సై‌ట్‌లో పాత హాల్‌‌టి‌కెట్లు..

Telangana: తెలంగాణలో కాంట్రాక్ట్ ఉద్యోగులకు గుడ్ న్యూస్.. కీలక ఉత్తర్వులు జారీ చేసిన సర్కార్..