ESIC Recruitment 2022: పదో తరగతి అర్హతతో 3,800కుపైగా ఈఎస్‌ఐసీ జాబ్స్‌.. ఇంకా అప్లై చేయలేదా? ఈ రోజుతో ముగుస్తున్న గడువు!

ESIC Recruitment 2022: ఎంప్లాయీస్ స్టేట్ ఇన్సూరెన్స్ కార్పొరేషన్ (ESIC) (అప్పర్ డివిజన్ క్లర్క్, మల్టీ టాస్కింగ్ స్టాఫ్, స్టెనోగ్రాఫర్ పోస్టుల) 3,800కు పైగా పోస్టుల భర్తీకి ఆన్‌లైన్ దరఖాస్తులను ఆహ్వానిస్తూ నోటిఫికేషన్‌ను విడుదల చేసింది. ఈ రోజు (15 ఫిబ్రవరి)తో రిజిస్ట్రేషన్‌ ప్రక్రియ ముగుస్తున్నందున.. ఈ పోస్టులకు ఇప్పటివరకు దరఖాస్తు చేసుకోని అభ్యర్ధులెవరైనా ఉంటే వెంటనే దరఖాస్తు చేసుకోవాలని ఈఎస్‌ఐసీ సూచించింది. కేంద్ర ప్రభుత్వం ఆధ్వర్యంలో పనిచేస్తున్న ఈ సంస్థ, తాజా నోటిఫికేషన్‌ ద్వారా దేశ వ్యాప్తంగా వివిధ ప్రాంతాల్లో ఉన్న ఖాళీల‌ను భ‌ర్తీ చేయ‌నుంది. ఏయే విభాగాల్లో ఎన్ని ఖాళీలు ఉన్నాయి.? ఎలా ద‌ర‌ఖాస్తు చేసుకోవాలి.? లాంటి పూర్తి వివ‌రాలు మీకోసం..

వివరాలు..

మొత్తం పోస్టుల సంఖ్య: 3820

విభాగాల వారీగా ఖాళీలు

• అప్పర్‌ డివిజన్‌ క్లర్క్‌(యూడీసీ): 1726
• స్టెనోగ్రాఫర్‌:163
• మల్టీటాస్కింగ్‌ స్టాఫ్‌(ఎంటీఎస్‌):1931

తెలుగు రాష్ట్రాల్లో ఎన్ని ఖాళీలున్నాయంటే..

• ఏపీలో మొత్తం 35 ఖాళీలు ఉన్నాయి. వీటిలో యూడీసీ (07), ఎంటీఎస్ (26), స్టెనో (02) పోస్టులు ఉన్నాయి.
• తెలంగాణ‌లో మొత్తం 72 పోస్టుల‌కు గాను యూడీసీ (25), ఎంటీఎస్ (43), స్టెనో (04) ఖాళీలు ఉన్నాయి.

అర్హతలు:

• పైన తెలిపిన వాటిలో ఎంటీఎస్‌ పోస్టులకు సంబంధించి పదో తరగతి లేదా తత్సమాన విద్యార్హతను పూర్తిచేసి ఉండాలి. స్టెనోగ్రాఫర్‌ పోస్టులకు ఇంటర్మీడియట్‌ లేదా తత్సమాన విద్యార్హతలో ఉత్తీర్ణత, అప్పర్‌ డివిజన్‌ క్లర్క్‌ పోస్టులకు ఏదైనా డిగ్రీ ఉత్తీర్ణులవ్వాలి.
• స్టేనో, యూడీసీ పోస్టుల‌కు ద‌ర‌ఖాస్తు చేసుకునే వారు 18-27 ఏళ్లు, ఎంటీఎస్ పోస్టుల‌కు ద‌ర‌ఖాస్తుచేసుకునే వారు 18-25 ఏళ్ల మ‌ధ్య ఉండాలి.

ఎంపిక విధానం: రాత పరీక్ష(ప్రిలిమినరీ, మెయిన్స్‌), స్కిల్‌ టెస్టుల ఆధారంగా అభ్యర్ధులను ఎంపిక చేస్తారు.

దరఖాస్తు విధానం: ఆసక్తి కలిగిన అభ్యర్ధులు ఆన్‌లైన్‌ ద్వారా దరఖాస్తు చేసుకోవాలి.

దరఖాస్తులకు చివరి తేదీ: ఫిబ్రవరి 15, 2022.

పూర్తి సమాచారం కోసం క్లిక్ చేయండి.

Also Read:

JAM 2022 Answer Key: మరో వారం రోజుల్లో JAM 2022 ఆన్సరీ కీ.. ఫలితాలు ఎప్పుడంటే..