ALIMCO Recruitment: కేంద్ర ప్రభుత్వ సంస్థ ఆలిమ్‌కోలో ఉద్యోగాలు.. నెలకు రూ. లక్షన్నరకుపైగా జీతం పొందే అవకాశం..

ALIMCO Recruitment: ఆర్టిఫిషియల్ లింబ్స్‌ మాన్యుఫాక్చరింగ్ కార్పొరేషన్‌ ఆఫ్‌ ఇండియా (ఆలిమ్‌కో) పలు పోస్టుల భర్తీకి నోటిఫికేషన్‌ జారీ చేసింది. కాన్పూర్‌లో ఉన్న ఈ మినీరత్న సంస్థ దేశవ్యాప్తంగా ఉన్న...

Narender Vaitla |
Updated on: Dec 25, 2021 | 2:23 PM

ALIMCO Recruitment: ఆర్టిఫిషియల్ లింబ్స్‌ మాన్యుఫాక్చరింగ్ కార్పొరేషన్‌ ఆఫ్‌ ఇండియా (ఆలిమ్‌కో) పలు పోస్టుల భర్తీకి నోటిఫికేషన్‌ జారీ చేసింది. కాన్పూర్‌లో ఉన్న ఈ మినీరత్న సంస్థ దేశవ్యాప్తంగా ఉన్న ఆక్సిలరీ ప్రొడక్షన్‌ సెంటర్లు, రీజనల్‌ మార్కెటింగ్‌ సెంటర్లలో ఉద్యోగాలను భర్తీ చేయనుంది. ఏయో విభాగాల్లో ఖాళీలు ఉన్నాయి.? ఎలా దరఖాస్తు చేసుకోవాలి లాంటి పూర్తి వివరాలు మీకోసం..

భర్తీ చేయనున్న ఖాళీలు, అర్హతలు..

* నోటిఫికేషన్‌లో భాగంగా మొత్తం 33 ఖాళీలను భర్తీ చేయనున్నారు.

* వీటిలో జనరల్‌ మేనేజర్, సీనియర్‌ మేనేజర్, డిప్యూటీ మేనేజర్, అసిస్టెంట్‌ మేనేజర్, ఆఫీసర్, క్యూసీ అసిస్టెంట్, అకౌంటెంట్, వర్క్‌మెన్, స్టోర్‌ అసిస్టెంట్, మెషినిస్ట్‌ పోస్టులు ఉన్నాయి.

* మార్కెటింగ్, ఇన్ఫర్మేషన్‌ టెక్నాలజీ, ఫైనాన్స్‌ అండ్‌ అకౌంట్స్, మెటీరియల్‌ మేనేజ్‌మెంట్, క్వాలిటీ కంట్రోల్, ఎలక్ట్రానిక్స్, ఎలక్ట్రికల్, మెకానిక్‌ విభాగాల్లో ఖాళీలు ఉన్నాయి.

* పైన తెలిపిన పోస్టులకు దరఖాస్తు చేసుకునే వారు పోస్టుల ఆధారంగా పదో తరగతి, ఐటీఐ, సంబంధిత సబ్జెక్టుల్లో ఇంజనీరింగ్‌ డిప్లొమా, గ్రాడ్యుయేషన్, ఇంజనీరింగ్‌ డిగ్రీ, ఎంబీఏ, ఐసీడబ్ల్యూఏ, సీఏ ఉత్తీర్ణులవ్వాలి. వీటితో పాటు సంబంధిత పనిలో అనుభవం, నైపుణ్యాలు ఉండాలి.

* అభ్యర్థలు వయసు పోస్టుల ఆధారంగా 30 నుంచి 55ఏళ్ల మధ్య ఉండాలి.