AIATSL Jobs 2022: ఎయిర్‌ ఇండియా ట్రాన్స్‌పోర్ట్‌ సర్వీసెస్‌లో 255 ఉద్యోగాలు..రాత పరీక్షలేకుండానే ఎంపిక..

AIATSL Recruitment 2022: న్యూఢిల్లీలోని ఎయిర్‌ ఇండియా ట్రాన్స్‌పోర్ట్‌ సర్వీసెస్‌ లిమిటెడ్‌ (AIASL).. పలు ఉద్యోగాల భర్తీకి అర్హులైన అభ్యర్థుల నుంచి దరఖాస్తులనుకోరుతూ నోటిఫికేషన్ విడుదల చేసింది. ఎంపికైన అభ్యర్ధులు గోవా ఇంటర్నేషనల్‌ ఎయిర్‌పోర్ట్‌ (వెస్టర్న్‌ రీజియన్‌)లో పనిచేయవల్సి ఉంటుంది. ఈ నోటిఫికేషన్‌కు సంబంధించి దరఖాస్తు విధానం, ఎంపిక ప్రక్రియ వంటి ఇతర ముఖ్య సమాచారం మీకోసం..

వివరాలు:

మొత్తం పోస్టులు: 255

పోస్టులు:

• డిప్యూటీ టర్మినల్‌ మేనేజర్‌ పోస్టులు: 1
• డ్యూటీ ఆఫీసర్‌ (ర్యాంప్‌) పోస్టులు: 2
• ఆఫీసర్లు (అడ్మిన్‌, ఫైనాన్స్‌) పోస్టులు: 2
• జూనియర్‌ ఎగ్జిక్యూటివ్‌ (టెక్నికల్‌, పీఏఎక్స్) పోస్టులు: 10
• సీనియర్‌ కస్టమర్‌ ఏజెంట్‌/కస్టమర్‌ ఏజెంట్‌ పోస్టులు: 39
• ర్యాంప్‌ సర్వీస్‌ ఏజెంట్/యుటిలిటీ ఏజెంట్‌ కమ్‌ ర్యాంప్‌ డ్రైవర్‌ పోస్టులు: 24
• హ్యాండీమెన్‌ పోస్టులు: 117

వయోపరిమితి: అభ్యర్ధుల వయసు 28 నుంచి 55 ఏళ్ల మధ్య ఉండాలి.

పే స్కేల్‌: నెలకు రూ. 14,610ల నుంచి రూ.60,000ల వరకు జీతంగా చెల్లిస్తారు.

అర్హతలు: పోస్టును బట్టి సంబంధిత స్పెషలైజేషన్‌లో పదో తరగతి, ఇంటర్‌, గ్రాడ్యుయేషన్‌, బీఈ/బీటెక్‌, ఎంబీఏలో ఉత్తీర్ణత సాధించి ఉండాలి. సంబంధిత పనిలో అనుభవంతోపాటు కంప్యూటర్‌ నాలెడ్జ్‌ కూడా ఉండాలి.

ఎంపిక విధానం: స్క్రీనింగ్‌ టెస్ట్‌/ట్రేడ్‌ టెస్ట్‌/ఫిజికల్‌ ఎడ్యుకేషన్‌ టెస్ట్‌/ఇంటర్వ్యూ ఆధారంగా అభ్యర్ధులను ఎంపిక చేస్తారు.

దరఖాస్తు విధానం: ఆసక్తి గల అభ్యర్థులు ఈ మెయిల్‌ ద్వారా దరఖాస్తు చేసుకోవాలి.

ఈ మెయిల్‌ అడ్రస్‌: hrhq.aiasl@airindia.in

దరఖాస్తులకు చివరి తేదీ: మార్చి 21, 2022.

పూర్తి సమాచారం కోసం క్లిక్ చేయండి.

Also Read:

GATE 2022 result date: గేట్ 2022 ఫలితాలు నేడు విడుదల.. రిజల్ట్స్ ఇలా చెక్‌ చేసుకోండి..