Zomato: ఫుడ్ డెలివరీ సంస్థ జొమాటో నుంచి సీఈవో గౌరవ్‌ గుప్తా రాజీనామా.. కారణం ఏంటంటే..!

Zomato: ప్రముఖ ఫుడ్ డెలివరీ సంస్థ జొమాటోలో ఆసక్తి కరమైన పరిణామాలు చోటుచేసుకున్నాయి. కంపెనీ వ్యవస్థాపకుడైన గౌరవ్ గుప్తా సంస్థను వీడారు. అయితే పూర్తి..

Zomato: ఫుడ్ డెలివరీ సంస్థ జొమాటో నుంచి సీఈవో గౌరవ్‌ గుప్తా రాజీనామా.. కారణం ఏంటంటే..!

Zomato: ప్రముఖ ఫుడ్ డెలివరీ సంస్థ జొమాటోలో ఆసక్తి కరమైన పరిణామాలు చోటుచేసుకున్నాయి. కంపెనీ వ్యవస్థాపకుడైన గౌరవ్ గుప్తా సంస్థను వీడారు. అయితే పూర్తి కారణాలు తెలియకపోయినా.. గుప్తా సడెన్ గా కంపెనీ నుంచి నిష్క్రమించడం ప్రాధాన్యత సంతరించుకుంది. జొమాటో అతిపెద్ద ఎగ్జిక్యూటివ్‌లలో ఒకరైన గౌరవ్ గుప్తా కంపెనీని పెట్టాలని నిర్ణయించుకున్నానని,అందుకు రాజీనామా చేస్తున్నట్లు ఉద్యోగులకు మంగళవారం లేఖ రాశారు. జొమాటోలో పనిచేసిన కాలం ఆనందంగా గడిచిందన్నారు. జీవితంలో కొత్త అధ్యాయం ప్రారంభించబోతున్నట్లు తెలిపారు. కాగా, గుప్తా 2015 లో జొమాటోలో చేరారు. దీని తరువాత, 2018 లో, అతను చీఫ్ ఆపరేటింగ్ ఆఫీసర్‌గా పదోన్నతి పొందాడు. దీని తరువాత, 2019 లో అతనికి జొమాటో వ్యవస్థాపకుడి హోదా లభించింది. గౌరవ్ గుప్తా కంపెనీ ఐపీవోని ప్రారంభించడంలో కీలక పాత్ర పోషించారు.

అయితే అకస్మాత్తుగా గౌరవ్ గుప్తా కంపెనీని విడిచిపెట్టడం పెట్టుబడిదారులు చర్చనీయాంశంగా మారింది. కొన్ని రోజుల క్రితం, కిరాణా, న్యూట్రాస్యూటికల్ వ్యాపారం నుండి నిష్క్రమించాలని జొమాటో నిర్ణయించుకుంది. ఆ తర్వాత గౌరవ్ గుప్తా రాజీనామా వార్త వచ్చింది. గత సంవత్సరం మాత్రమే న్యూట్రాస్యూటికల్ వ్యాపారంలోకి ప్రవేశించింది. దీని కింద, కంపెనీ ఆరోగ్య, ఫిట్‌నెస్ ఉత్పత్తులను ప్రారంభించింది. ప్రభుత్వం ప్రైవేట్ లేబుల్ నిబంధనలను కఠినతరం చేస్తున్న సమయంలో కంపెనీ తన వ్యాపారాన్ని మూసివేయాలని నిర్ణయించింది.

కిరాణా సేవ వ్యాపారాన్ని ప్రారంభించి..

కిరాణా సేవ వ్యాపారాన్ని ప్రారంభించిన జొమాటో 15 నిమిషాల్లో ఎక్స్‌ప్రెస్ డెలివరీ అందుబాటులోకి వస్తుందని పేర్కొంది. కానీ ఆర్డర్ డెలివరీలో జాప్యం, పేలవమైన కస్టమర్ అనుభవం, పెరిగిన పోటీ కారణంగా, వ్యాపారాన్ని ప్రారంభించిన కొద్ది రోజుల్లోనే జొమాటో వ్యాపారం నుండి నిష్క్రమించాలని నిర్ణయించుకుంది.

గ్రోఫర్స్‌లో పెట్టుబడులు..

కాగా, గ్రోఫర్స్‌లో పెట్టుబడులు పెట్టడం వల్ల కూడా ప్రయోజనం ఉంటుందని కంపెనీ చెబుతోంది. గ్రోఫర్స్ కిరాణా సరుకుల డెలివరీని కూడా ప్రారంభించింది. ఇటీవల జొమాటో గ్రోఫర్స్‌లో రూ .745 కోట్లు పెట్టుబడి పెట్టింది. జొమాటో షేర్లు మంగళవారం స్వల్ప క్షీణతతో రూ .142.70 వద్ద ట్రేడయ్యాయి.

ఇవీ కూడా చదవండి:

Parking FASTag: పార్కింగ్‌ చేసే వాహనదారులకు గుడ్‌న్యూస్‌.. పార్కింగ్‌లోనూ ఫాస్టాగ్‌..!

Airtel Plans: జియోకు పోటీగా ఎయిర్‌టెల్‌.. కొత్త డేటా ప్లాన్‌.. స్మార్ట్‌ఫోన్‌ కంపెనీలతో చర్చలు..!

Click on your DTH Provider to Add TV9 Telugu