Indian Railway: ఛార్ట్ రెడీ అయిన తరువాత కూడా టికెట్ రద్దు చేసుకుంటే మీ డబ్బులు మీకు వాపస్.. ముందుగా ఇలా చేయండి
మీరు ప్రయాణించాల్సిన రైలు మిస్స్ అయితే కొన్ని షరతుల ప్రకారం టిక్కెట్ రీఫండ్ కోసం క్లెయిమ్ చేయవచ్చు. మీరు టిక్కెట్ డబ్బును ఎలా తిరిగి పొందవచ్చో తెలుసుకోండి.
Updated on: Dec 14, 2022 | 9:35 PM
రైల్వే ప్రయాణీకులకు ఇండియన్ రైల్వే చాలా సౌకర్యాలను అందిస్తోంది. ప్రయాణం కోసం రైలు టికెట్ బుకింగ్ నుంచి రద్దు చేసుకునే వరకు అన్నింటిని ఆన్లైన్లో చేసుకోవచ్చు. IRCTC వెబ్సైట్ సహాయంతో మీరు ఇంట్లో కూర్చొని అన్ని సర్వీసులను పూర్తి చేసుకోవచ్చు. మీరు రద్దు చేసిన టిక్కెట్పై TDRని ఫైల్ చేయడం ద్వారా కూడా వాపసు కోసం క్లెయిమ్ చేయవచ్చు. కానీ మీరు మీ రైలును మిస్ అయితే మీరు వాపసును క్లెయిమ్ చేయవచ్చని మీకు తెలుసా? పూర్తి వివరాలను ఇక్కడ మనం తెలుసుకుందాం.
రైల్వే వెబ్సైట్లో అందించిన సమాచారం ప్రకారం, మీరు ప్రయాణించే రైలు ఏదైన కారణంతో అందుకోలేక పోతే.., మీరు ప్రయాణించలేకపోతే ఆ సమయంలో మీరు టిక్కెట్ డబ్బును తిరిగి పొందవచ్చు. దీని కోసం, మీరు టికెట్ వాపసు కోసం క్లెయిమ్ చేయాల్సి ఉంటుంది (క్లెయిమ్ ఫర్ ట్రైన్ టికెట్ రీఫండ్). భారతీయ రైల్వే రూల్ ప్రకారం మీకు వాపసు ఇవ్వబడుతుంది.
ఇలాంటి ప్రయాణం కుదరదు..
మరోవైపు, రైలు తప్పిపోయిన తర్వాత మీరు ఈ టిక్కెట్తో మరేదైనా రైలులో ప్రయాణిస్తే, అప్పుడు రైల్వే అనుమతించదు. అంటే ఈ టీటీఈకి పట్టుబడితే జరిమానా కూడా విధించవచ్చు (టికెట్ ఫైన్ లేకుండా). దీనితో పాటు రైల్వే శాఖ కూడా చట్టపరమైన చర్యలు తీసుకోవచ్చు. మీరు ప్రయాణం చేయాలనుకుంటే, మీరు మరొక రిజర్వ్ టికెట్ బుక్ చేసుకోవాలి.
టికెట్ డబ్బులు వాపసు పొందడానికి ఏం చేయాలి
రైలు మిస్ అయినప్పుడు మీ టికెట్ డబ్బులు వాపసు పొందాలనుకుంటే, ముందుగా మీరు రైలు టిక్కెట్ను రద్దు చేయకూడదు. ఇందుకు బదులుగా మీరు టీడీఆర్ (టికెట్ డిపాజిట్ రసీదు) ఫైల్ చేయవచ్చు. ఇందులో ప్రయాణం చేయకపోవడానికి గల కారణాలను కూడా పేర్కొనాల్సి ఉంటుంది. మీరు చార్ట్ తయారీ తర్వాత టిక్కెట్ను రద్దు చేస్తే (చార్ట్ సిద్ధం చేసిన తర్వాత రైలు రద్దు చేయబడింది) అప్పుడు వాపసు అందుబాటులో ఉండదు. చార్టింగ్ స్టేషన్ నుంచి రైలు బయలుదేరిన ఒక గంటలోపు మీరు TDRని ఫైల్ చేయవచ్చు. మరే ఇతర స్టేషన్ నుంచి TDR ఫైల్ చేయడం ద్వారా వాపసు తీసుకోబడదు.
మరిన్ని జాతీయ వార్తల కోసం
