FLIPKART : ఫ్లిప్‌కార్ట్ సంచలన నిర్ణయం.. సరికొత్త పద్ధతిలో సరుకు రవాణా.. డెలివరీ బాయ్స్‌ కోసం ఇవి ఏర్పాటు..

FLIPKART : ప‌ర్యావ‌ర‌ణ ప‌రిర‌క్షణకు మేము సైతం అంటూ ఈ-కామ‌ర్స్ దిగ్గజం ఫ్లిప్‌కార్ట్ ముందుకొచ్చింది. ఇక‌పై స‌రుకుల డెలివ‌రీకి పెట్రోల్ కార్గో వాహ‌నాల‌కు తోడుగా ఎల‌క్ట్రిక్ వాహ‌నాలను వినియోగించాల‌ని నిర్ణ‌యించింది. 2030 నాటికి 25 వేలకు పైగా ఎలక్ట్రిక్ వాహనాలను మోహరించనున్నట్లు ఫ్లిప్‌కార్ట్ ప్రకటించింది. ఢిల్లీ, బెంగళూరు, హైదరాబాద్, కోల్‌కతా, గౌహతి వంటి నగరాల్లో డెలివరీల‌ కోసం ద్విచక్ర వాహనాలను, ద్విచక్ర వాహనాలను ప్ర‌వేశపెట్ట‌డం ప్రారంభించింది.

ఫ్లిప్‌కార్ట్ తన EV వాహ‌నాల్లో 2-వీలర్, 3-వీలర్, అలాగే 4-వీలర్ వాహనాలు ఉన్నాయి. వాహ‌నాల‌ను స‌మ‌కూర్చుకునేందుకు ఫ్లిప్‌కార్ట్.. హీరో ఎలక్ట్రిక్, మహీంద్రా ఎలక్ట్రిక్ మరియు పియాజియో వంటి కార్పొరేట్ ఈవీ సంస్థతో భాగస్వామ్యం కుదుర్చుకోనుంది. త్వర‌లో 1,400 డెలివ‌రీ ఫెసిలిటీల‌కు దగ్గరగా ఛార్జింగ్ పాయింట్ల‌ను కూడా ఏర్పాటు చేస్తుంది. ఇందుకోసం ముందుగా అవగాహన కార్యక్రమాలు నిర్వహిస్తుంది

ఇప్పుడు, ఫ్లిప్‌కార్ట్ ప్రవేశ‌పెట్ట‌బోయే EV ల‌లో మొదట హీరో ఎలక్ట్రిక్ స్కూట‌ర్ల‌‌లోని ఎన్‌వైఎక్స్ సిరీస్ ఉంది ఇది ఒకే పూర్తి ఛార్జీతో 150 కిలోమీటర్ల రేంజ్ అందిస్తుంది. ఇది డెలివ‌రీల‌కు ఎంతో ఉప‌యుక్తంగా ఉంటుంది. భారతదేశంలోని మెట్రోపాలిట‌న్‌ నగరాల్లో కోల్‌కతా, గువహతి మరియు భువనేశ్వర్లలో ఫ్లిప్‌కార్ట్ యొక్క లాజిస్టిక్స్ డిప్లోయ్మెంట్ భాగస్వామి ద్వారా ఎలక్ట్రిక్ స్కూటర్లను స‌మ‌కూర్చ‌కోనుంది. పెద్ద మొత్తంలో స‌రుకుల డెలివ‌రీ కోసం మహీంద్రా ఎలక్ట్రిక్ ట్రె జోర్ ఎలక్ట్రిక్ త్రీ-వీలర్ల‌ను వినియోగించ‌నుంది. ఇది 10.7 హెచ్‌పి పవర్ అవుట్‌పుట్‌తో పాటు పీక్ టార్క్ 42 ఎన్‌ఎమ్‌తో పాటు 550 కిలోల అత్యధిక ఇన్-క్లాస్ పేలోడ్‌ను అందిస్తుంది.

ఆఫర్లతో కుమ్మేస్తున్న ఫ్లిప్‌కార్ట్.. ఫ్లిప్‌స్టార్ట్ డేస్ సేల్‌ పేరుతో పలు డిస్కౌంట్ల ప్రకటన.. ఎలక్ట్రానిక్ ఉపకరణాలపై 80 శాతం తగ్గింపు..

స్మార్ట్రాన్ ఇండియా నుండి సరికొత్త ఈ-బైక్.. త్వరలోనే మార్కెట్‌లోకి ‘టీబైక్ వన్ ప్రొ’..