GoM Meet: ఆన్లైన్ గేమింగ్, గుర్రపు పందాలపై జీఎస్టీ పెంచనున్నారా..? నేడు మంత్రుల బృందం కీలక సమావేశం
Group of Ministers Meet: క్యాసినోలు, ఆన్లైన్ గేమింగ్, హార్స్ రేసింగ్‌లకు సంబంధించి జీఎస్టీ పన్ను శ్లాబుపై నిర్ణయం తీసుకునేందుకు మంత్రుల బృందం మంగళవారం సమావేశం కానుంది..
Group of Ministers Meet: క్యాసినోలు, ఆన్లైన్ గేమింగ్, హార్స్ రేసింగ్‌లకు సంబంధించి జీఎస్టీ పన్ను శ్లాబుపై నిర్ణయం తీసుకునేందుకు మంత్రుల బృందం మంగళవారం సమావేశం కానుంది. మే 29న రాష్ట్రాలకు GST పెంపు, ఆన్లైన్ గేమింగ్, క్యాసినోలు, గుర్రపు పందాలపై అత్యధికంగా 28 శాతం పన్ను రేటుపై నిర్ణయం తీసుకోగా, ఆన్లైన్ గేమింగ్, క్యాసినోలు, గుర్రపు పందాలపై కేంద్ర మంత్రుల బృందం (GoM) నివేదిక వాయిదా వేసింది. GoM ఇప్పుడు నిబంధనలపై సూచనలను 15 రోజుల్లో సమర్పిస్తుంది. మేఘాలయ ముఖ్యమంత్రి కాన్రాడ్ సంగ్మా నేతృత్వంలోని GOM, ఆన్లైన్ గేమింగ్‌లో పాల్గొనడానికి ఆటగాడు చెల్లించే పోటీ ప్రవేశ రుసుముతో సహా పూర్తి విలువపై పన్ను విధించాలని సిఫార్సు చేసింది.
రేస్ కోర్సుల విషయానికొస్తే, టోటలైసేటర్‌లలో పూల్ చేసి బుక్‌మేకర్‌ల వద్ద ఉంచిన బెట్టింగ్‌ల పూర్తి విలువపై GST విధించాలని సూచించింది. కాసినోలలో ఒక ఆటగాడు కాసినో నుండి కొనుగోలు చేసిన చిప్స్/నాణేల పూర్తి విలువపై పన్ను విధించాలని GoM సిఫార్సు చేసింది. మునుపటి రౌండ్‌లలో గెలిచిన వాటితో సహా, ప్రతి రౌండ్ బెట్టింగ్‌లో ఉంచిన బెట్టింగ్‌ల విలువపై తదుపరి GST వర్తించదు.
కేంద్ర ఆర్థిక మంత్రి నిర్మలా సీతారామన్ అధ్యక్షతన రాష్ట్ర సహచరులతో కూడిన 47వ GST కౌన్సిల్ గత నెలలో కొన్ని వస్తువులు, సేవల పన్ను రేట్లను సర్దుబాటు చేయాలని నిర్ణయించింది. ఇందులో ముందుగా ప్యాక్ చేయబడిన, లేబుల్ చేయబడిన ఆహార పదార్థాలను పన్ను విధించనుంది. అంతేకాకుండా నెలవారీ GST రిటర్న్ ఫారమ్‌తో సహా అనేక విధానపరమైన, చట్టపరమైన మార్పులు, అధిక-రిస్క్ పన్ను చెల్లింపుదారులతో వ్యవహరించే విధానాల గురించి కూడా చర్చించినట్లు PTI నివేదించింది.
మరిన్ని బిజినెస్ వార్తల కోసం ఇక్కడ క్లిక్ చేయండి
