Nita Ambani: ముఖేష్ అంబానీని పెళ్లి చేసుకునే ముందు నీతా అంబానీ ఏం చేసిందో తెలుసా? ఆమె జీతం ఎంత?
Mukesh Ambani and Nita Ambani: ముఖేష్ అంబానీ భార్య నీతా అంబానీ మంచి వ్యక్తిత్వం గల వ్యక్తి. నీతా అంబానీ 1985లో ముఖేష్ అంబానీని పెళ్లాడారు. ఈ రోజు ఆమె రిలయన్స్ ఫౌండేషన్ వ్యవస్థాపకురాలు, చైర్పర్సన్. అయితే, ఆమె టీచర్గా తన కెరీర్ను ప్రారంభించిందని మీకు తెలుసా..? ముఖేష్ అంబానీతో పెళ్లి తర్వాత కూడా..
Updated on: Mar 15, 2024 | 9:15 PM
Mukesh Ambani and Nita Ambani: ముఖేష్ అంబానీ భార్య నీతా అంబానీ మంచి వ్యక్తిత్వం గల వ్యక్తి. నీతా అంబానీ 1985లో ముఖేష్ అంబానీని పెళ్లాడారు. ఈ రోజు ఆమె రిలయన్స్ ఫౌండేషన్ వ్యవస్థాపకురాలు, చైర్పర్సన్. అయితే, ఆమె టీచర్గా తన కెరీర్ను ప్రారంభించిందని మీకు తెలుసా..? ముఖేష్ అంబానీతో పెళ్లి తర్వాత కూడా ఆమె పని మానలేదు. పెళ్లి తర్వాత కూడా టిచర్ ఉద్యోగం కంటిన్యూ చేసిందట.
అయితే అనంత్ అంబానీ, రాధిక మర్చంట్ ప్రీ వెడ్డింగ్ వేడుక ఇటీవల మార్చి 1 నుండి 3 వరకు జామ్నగర్లో జరిగింది. దీంతో అంబానీ కుటుంబం మరోసారి వెలుగులోకి వచ్చింది. ముకేష్, నీతా అంబానీలు తమ ముగ్గురు పిల్లల వివాహంలో అంగరంగ వైభవంగా నిర్వహించారు. వారు తమ పిల్లలకు ఉత్తమంగా చేయడానికి ప్రయత్నించారు. అయితే పాత ఇంటర్వ్యూలో నీతా అంబానీ ఒక బిలియనీర్ పారిశ్రామికవేత్తను వివాహం చేసుకున్న తర్వాత కూడా టీచర్ ఉద్యోగాన్ని విడిచిపెట్టలేదని చెప్పారు.
ముఖేష్ అంబానీ – నీతా అంబానీ సిమి గ్రేవాల్ చాట్ షోలో కనిపించినప్పుడు, అక్కడ ఇద్దరూ తమ కుటుంబం గురించి చాలా పెద్ద విషయాలు వెల్లడించారు. నీతా అంబానీ తన పని పట్ల చాలా మక్కువతో ఉన్నారని చెప్పారు. వారి వివాహం అయిన మూడు వారాల తర్వాత అప్పటికే ఆమె ఉద్యోగం చేస్తున్న సన్ఫ్లవర్ నర్సరీలో బోధించడం ప్రారంభించారట. పెద్ద పారిశ్రామికవేత్తను పెళ్లి చేసుకున్న తర్వాత ఆమె ఉద్యోగం మానేయలేదు. ఆ సమయంలో తనకు వచ్చే జీతం అంతగా లేకపోయినా, ఆ పనితో తాను ఆనందాన్ని పొందుతున్నానని ఓ ఇంటర్వ్యూలో చెప్పాడు.
పెళ్లి తర్వాత నీతా అంబానీ చాలా ఏళ్లు పనిచేశారు:
పెళ్లికి ముందు నీతా అంబానీ టీచర్ ఉద్యోగాన్ని వదిలిపెట్టనని ముఖేష్ అంబానీ ముందు షరతు పెట్టిందట. అంబానీ కుటుంబానికి ఉద్యోగాల విషయంలో ఎలాంటి ఇబ్బంది లేదు. ఆ తర్వాత ఇద్దరూ పెళ్లి చేసుకున్నారు. ఆమె 1985లో ముఖేష్ అంబానీని వివాహం చేసుకుంది. అయితే ఆ తర్వాత తన ఉద్యోగాన్ని నిలబెట్టుకున్నారు. అప్పట్లో నెలకు రూ.800 జీతం వచ్చేదని చెప్పుకొచ్చారు. ఆ సమయంలో ముఖేష్ అంబానీ సరదాగా మాట్లాడుతూ, ‘ఆ జీతం మొత్తం తనదే. మా తిండికి సరిపోయే ఖర్చులన్ని కూడా ఆమె చెల్లిస్తుండేది. నీతా అంబానీ నర్సీ మోంజీ కాలేజ్ ఆఫ్ కామర్స్ అండ్ ఎకనామిక్స్ నుండి పట్టభద్రురాలైంది.
మరిన్ని బిజినెస్ వార్తల కోసం ఇక్కడ క్లిక్ చేయండి
