Home Loan: ఈ బ్యాంకులు 35 సంవత్సరాల కాల పరిమితితో తక్కువ వడ్డీకే గృహ రుణాలు.. పూర్తి వివరాలు

Home Loan: గృహ రుణం అనేది అత్యంత ప్రజాదరణ పొందిన రుణంగా చెప్పవచ్చు. పండగ సీజన్‌లో పలు ప్రభుత్వ, ప్రైవేటు రంగ బ్యాంకులు వినియోగదారులకు..

Subhash Goud |

Updated on: Oct 09, 2021 | 12:03 PM

Home Loan: గృహ రుణం అనేది అత్యంత ప్రజాదరణ పొందిన రుణంగా చెప్పవచ్చు. పండగ సీజన్‌లో పలు ప్రభుత్వ, ప్రైవేటు రంగ బ్యాంకులు వినియోగదారులకు తక్కువ వడ్డీకే గృహరుణాలను అందిస్తున్నాయి. ఈ లోన్స్‌పై గతంలో ఉన్న వడ్డీ శాతాన్ని ప్రస్తుతం భారీగా తగ్గింపు చేశాయి. గృహ రుణాలు పొందాలనుకునేవారికి ఇది మంచి అవకాశంగా చెప్పవచ్చు. జూన్‌ 2021 నాటికి భారత్‌లో హోమ్‌ లోన్స్‌ సుమారు 30 లక్షల కోట్ల రూపాయలు అందుకున్నారు. సాధారణంగా గృహ రుణ కాలపరిమితి గరిష్టంగా 30 సంవత్సరాల వరకు ఉంటుంది. కానీ ఒక ప్రైవేట్ బ్యాంక్ 35 సంవత్సరాల కాలపరిమితిని గృహ రుణంపై ఆఫర్ చేస్తోంది. ఒక వ్యక్తికి సాధారణంగా 30-32 సంవత్సరాల మధ్య కాలపరిమితితో ఇవ్వడం జరుగుతుంది. అన్ని బ్యాంకులు గరిష్టంగా 30 సంవత్సరాల రుణ వ్యవధిని అందిస్తాయి.

35 సంవత్సరాల పాటు గృహ రుణం:

పండగ సీజన్‌లో భాగంగా యస్ బ్యాంక్ గృహ రుణంపై పరిమిత కాలం (90 రోజులు) ఆఫర్‌ను ప్రకటించింది, ప్రీమియర్ హోమ్ లోన్స్ 6.7శాతం వడ్డీ రేటుతో 35 సంవత్సరాల వరకు సులభమైన ఈఎంఐ (EMI) పద్దతుల్లో చెల్లించవచ్చు. ఇది వన్ టైమ్ ఆఫర్. డిసెంబర్ 31 , 2021 వరకు చెల్లుతుంది .

సాధారణ గృహ రుణం:

ఈ పండుగ సీజన్‌లో అన్ని పెద్ద వాణిజ్య బ్యాంకులు తమ గృహ రుణ వడ్డీ రేట్లను తగ్గించాయి. కొటక్ మహీంద్రా బ్యాంక్ (KMB) సంవత్సరానికి 6.50 శాతం చొప్పున చౌకైన గృహ రుణాన్ని అందిస్తుంది. ఇది గృహ రుణ వడ్డీ రేటును మరో 15 బేసిస్ పాయింట్లు తగ్గిస్తూ, 30 సంవత్సరాల వరకు తిరిగి చెల్లించే కాలం వరకు సంవత్సరానికి 6.50 శాతం వరకు ఉంటుందని ప్రకటించింది. ఈ ప్రత్యేక రేటు 6.5 శాతం పరిమిత కాలంతో నవంబర్ 8 , 2021న ముగుస్తుంది .

స్టేట్‌ బ్యాంక్‌ ఆఫ్‌ ఇండియా (ఎస్‌బీఐ) ఇటీవల గృహ రుణ వడ్డీ రేటు మొత్తాన్ని మరియు రుణ కాలపరిమితితో సంబంధం లేకుండా 6.7శాతంకు తగ్గించింది. రుణాల కాలపరిమితి మూడు సంవత్సరాల నుండి 30 సంవత్సరాల మధ్య ఉంటుంది.

ఇక పంజాబ్ అండ్‌ సింధ్ బ్యాంక్, బ్యాంక్ ఆఫ్ బరోడా మరియు పంజాబ్‌నేషనల్‌ బ్యాంకు, ఐసీఐసీఐ బ్యాంక్, హెచ్‌డీఎఫ్‌సీ బ్యాంక్, ఇతర ప్రభుత్వ రంగ బ్యాంకులు 6.5శాతం, 6.75% మధ్య తక్కువ వడ్డీ రేటును అందిస్తున్నాయి.