Cibil Score: ఇలా చేస్తే మీ లోన్ దరఖాస్తు ఇట్టే అప్రూవ్ అవుతుంది.. అదెలాగో చూడండి..
లోన్లు సులభంగా మంజూరు కావడానికి హెల్దీ సిబిల్ స్కోర్ మెయింటేన్ చేయడం చాలా అవసరం. ఈ నేపథ్యంలో అసలు సిబిల్ స్కోర్ అంటే ఏమిటి? దానిని ఎలా మెయింటేన్ చేయాలి? తక్కువగా ఉన్న సిబిల్ స్కోర్ ని ఎలా పెంచుకోవాలి? తెలుసుకుందాం రండి..
Madhu |
Updated on: Jun 22, 2023 | 5:15 PM
అత్యవసర వేళ పర్సనల్ లోన్ కోసం ట్రై చేస్తే.. మీ దరఖాస్తు రిజెక్ట్ అయ్యిందా? దానికి ప్రధాన కారణం ఏంటో తెలుసా? మీ సిబిల్ స్కోర్ తక్కువగా ఉండటమే. అవునండీ ఏ బ్యాంకు అయినా పర్సనల్ లోన్ వంటివి మంజూరు చేయాలంటే కచ్చితంగా వ్యక్తుల సిబిల్ స్కోర్ ని తనిఖీ చేస్తాయి. ఒకవేళ సిబిల్ స్కోర్ నిర్ధేశిత స్థాయి కన్నా ఎక్కువగా ఉంటే ఎటువంటి ఇబ్బంది లేకుండా లోన్లు మంజూరు అవుతుంది. అదే సిబిల్ స్కోర్ తక్కువగా ఉంటే మీ లోన్ దరఖాస్తు తిరస్కారానికి గురవుతుంది. కొన్ని బ్యాంకులు లోన్ మంజూరు చేసి అత్యధిక వడ్డీరేటు విధిస్తాయి. ఈ నేపథ్యంలో హెల్దీ సిబిల్ స్కోర్ మెయింటేన్ చేయడం చాలా అవసరం. ఈ నేపథ్యంలో అసలు సిబిల్ స్కోర్ అంటే ఏమిటి? దానిని ఎలా మెయింటేన్ చేయాలి? తక్కువగా ఉన్న సిబిల్ స్కోర్ ని ఎలా పెంచుకోవాలి? తెలుసుకుందాం రండి..
సిబిల్(CIBIL) స్కోర్ అంటే ఏమిటి?
సిబిల్ స్కోర్ వ్యక్తుల ఆర్థిక క్రమ శిక్షణను తెలియజేస్తుంది. ఇది మూడు అంకెల సంఖ్య. 300 నుంచి ప్రారంభమై 900 మధ్య ఉంటుంది. స్కోర్ ఎంత ఎక్కువగా ఉంటే అంత మంచిది. సాధారణంగా, 750 కంటే ఎక్కువ స్కోర్ ఉంటే అది మంచి సోర్ గా పరిగణించబడుతుంది. అలాంటి వారికి రుణ ఆమోదం అవకాశాలు ఎక్కువగా ఉంటాయి. ఈ స్కోర్ ఉన్న నివేదికను సిబిల్ నివేదిక అంటారు. సిబిల్ నివేదిక వ్యక్తి క్రెడిట్ చరిత్రను పరిశీలించడానికి బ్యాంక్‌ని అనుమతిస్తుంది. ఆ వ్యక్తి అతని/ఆమె మునుపటి అప్పుల్లో ఎప్పుడైనా డిఫాల్ట్ చేశారా అనే దానితో సహా… ఇంతకుముందు క్రెడిట్‌ల మొత్తం మరియు వ్యవధితో సహా వ్యక్తి ఇప్పటివరకు ఎన్ని రుణాలు తీసుకున్నారో కూడా ఇది చూపిస్తుంది. ఇది డిఫాల్ట్‌ల ప్రమాదాలను తగ్గించడంలో బ్యాంకులకు సహాయపడుతుంది. తద్వారా బ్యాంకు నష్టాలను తగ్గిస్తుంది.
ఇలా మెరుగుపరచుకోవచ్చు..
ఏదైనా బ్యాంకు నుండి లోన్ లేదా క్రెడిట్ కార్డ్ పొందడానికి మంచి క్రెడిట్ స్కోర్‌ను ఉంచుకోవడం చాలా ముఖ్యం. ఇక్కడ కొన్ని ముఖ్యమైన చిట్కాలు మీకు అందిస్తున్నాం..
- మంచి సిబిల్ స్కోర్ కోసం క్రెడిట్ యుటిలైజేషన్ రేషియో 30 శాతానికి పరిమితం చేయాలి. మీరు ఇప్పటికే ఉన్న క్రెడిట్ కార్డ్ పరిమితిలో ఉండటానికి ఇబ్బంది పడుతున్నట్లయితే, అధిక టాప్ లిమిట్‌తో మరో క్రెడిట్ కార్డ్‌ని తీసుకోవడం ఉత్తమం.
- రుణాలు లేదా క్రెడిట్ కార్డ్ బకాయిల చెల్లింపు మీ సిబిల్ స్కోర్‌పై చాలా పెద్ద ప్రభావాన్ని చూపుతాయి. కాబట్టి, మంచి సిబిల్ స్కోర్‌ను మంచిగా ఉంచుకోవాలంటే లోన్ లేదా క్రెడిట్ కార్డ్ బకాయిలను సకాలంలో తిరిగి చెల్లించాలి.
- అధిక సిబిల్ స్కోర్ పొందడానికి సురక్షితమైన, అసురక్షితమైన రెండింటి మిశ్రమంతో లోన్ పోర్ట్‌ఫోలియోను వైవిధ్యపరచడం మంచిది. క్రెడిట్ కార్డ్ అనేది అసురక్షిత రుణం, అయితే ఇల్లు లేదా వాహన రుణం సురక్షితమైన రుణం.
సులభంగా రుణాలు..
మంచి సిబిల్ స్కోర్ ఉన్న వ్యక్తులకు రుణాలను సులభంగా ఆమోదించడమే కాకుండా, తక్కువ వడ్డీపై రుణాల వస్తాయి. ఉదాహరణకు, గృహ రుణాలపై, స్టేట్ బ్యాంక్ ఆఫ్ ఇండియా (ఎస్బీఐ) రుణగ్రహీత క్రెడిట్ స్కోర్ ఆధారంగా రుణ రేట్లను అందిస్తుంది. 750 కంటే ఎక్కువ సిబిల్ స్కోర్ ఉన్నవారికి 9.15 శాతం, 700-749 స్కోర్ ఉన్నవారికి 9.35 శాతం, 650-699 సిబిల్ స్కోర్ ఉన్నవారికి 9.45 శాతం చొప్పున ఇది సాధారణ గృహ రుణాన్ని అందిస్తుంది. సిబిల్ స్కోర్ 550-649 ఉన్నవారు 9.65 శాతం వద్ద గృహ రుణాన్ని పొందవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి..
