Fixed Deposits: ఆ ఎఫ్డీ స్కీమ్లో పెట్టుబడితో నమ్మలేని రాబడి.. ఇక పెట్టుబడిదారులకు పండగే..!
భారతదేశంలో బ్యాంకింగ్ రంగంలో ఉన్న నమ్మకంతో చాలా మంది ప్రజలు తమ సొమ్మును బ్యాంకు ఖాతాల్లోనే ఉంచుకుంటున్నారు. అయితే ఇటీవల కాలంలో బ్యాంకులు పొదుపు ఖాతాలపై వడ్డీ రేట్లు తగ్గిస్తున్నాయి. పోనీ ఆ సొమ్మును పూర్తి స్థాయి ఫిక్స్డ్ డిపాజిట్ చేద్దామనుకుంటే లిక్విడిటీ సమస్య వస్తుంది. ఇలా ఆలోచించే వారికి స్వీప్ ఇన్ ఎఫ్డీలు మంచి ఎంపికగా మారాయి. ఈ నేపథ్యంలో స్వీప్ ఇన్ ఎఫ్డీల గురించి మరిన్ని వివరాలను తెలుసుకుందాం.
Updated on: May 09, 2025 | 4:30 PM
పొదుపు ఖాతాలు ఉన్న వినియోగదారులకు అధిక వడ్డీ కావాలని అనుకునేవారికి స్వీప్-ఇన్ ఎఫ్డీ మంచి ఎంపికగా ఉంటాయి. సాధారణ పొదుపు ఖాతా కంటే సాపేక్షంగా అధిక వడ్డీ రేటును పొందడానికి ఖాతాలో నిర్ణీత సొమ్ము ఉంటే ఆటోమెటిక్గా ఎఫ్డీ ఖాతాకు బదిలీ అవుతుంది. మీ పొదుపు ఖాతాను స్థిర డిపాజిట్ సౌకర్యంతో అనుసంధానించడం ఈ సౌకర్యం అందుబాటులో ఉంటుంది. అలాగే మీ ఖాతాలో నిర్ణీత సొమ్ము కంటే తక్కువ సొమ్ము ఉంటే మీ ఎఫ్డీ ఖాతా నుంచి స్వీప్-ఇన్ సౌకర్యం ద్వారా ఫిక్స్డ్ డిపాజిట్ నుంచి స్వయంచాలకంగా పొదుపు ఖాతాకు జమ అవుతాయి. ఈ సమయంలో మిగిలిన డిపాజిట్పై అధిక వడ్డీ రేట్లను పొందవచ్చు.
స్వీప్-ఇన్ ఫిక్స్డ్ డిపాజిట్ను ఎలా తెరవాలి?
ఒక వ్యక్తి కొత్త పొదుపు ఖాతాను తెరిచే సమయంలో లేదా ఇంటర్నెట్ బ్యాంకింగ్, కస్టమర్ కేర్ లేదా బ్యాంక్ బ్రాంచ్ ద్వారా అభ్యర్థించడం ద్వారా స్వీప్-ఇన్ డిపాజిట్ ఖాతాను ఎంచుకోవచ్చు. స్వీప్-ఇన్ సౌకర్యాన్ని ఎంచుకునే ముందు తరచుగా జరిగే లావాదేవీలు లేదా ఉపయోగించని నిధులను నివారించడానికి నిధులను స్థిర డిపాజిట్లలోకి పంపే థ్రెషోల్డ్ పరిమితిని జాగ్రత్తగా నిర్ణయించాలి. అయితే స్వీప్ ఇన్ ఎఫ్డీల విషయంలో ముందస్తు ఉపసంహరణ నియమాలు తెలుసుకోవడం కూడా చాలా ముఖ్యమని నిపుణులు చెబుతున్నారు. అలాగే లింక్డ్ డిపాజిట్ల కాలపరిమితిని అర్థం చేసుకోవడం కూడా చాలా ముఖ్యం. అలాగే స్వీప్-ఇన్ సౌకర్యాన్ని ఉపయోగించుకున్నందుకు కొన్ని బ్యాంకులు ఛార్జీలు విధించవచ్చు. అలాగే కనీస బ్యాలెన్స్ అవసరాలను కలిగి ఉండవచ్చని డిపాజిటర్లు గమనించాలని నిపుణులు చెబుతున్నారు.
ఖాతాదారుడికి లాభం ఇలా
ఒక ఖాతాదారుడు తన పొదుపు ఖాతాలో రూ. 5 లక్షలు జమ చేస్తే కనీస సగటు బ్యాలెన్స్ రూ. 25,000 ఉందని అనుకుందాం. అతను తన పొదుపు ఖాతాపై సంవత్సరానికి 2.75% వడ్డీని పొందుతాడు. ఆటో-స్వీప్ ఫిక్స్డ్ డిపాజిట్ సౌకర్యం కోసం అందించే ఫిక్స్డ్ డిపాజిట్ రేటు 5.5 శాతంగా ఉంటుంది. ఆటో స్వీప్-ఇన్ సౌకర్యం లేకుండా సేవింగ్స్ ఖాతాపై వచ్చే వడ్డీని మనం లెక్కిస్తే వచ్చే వడ్డీ రూ. 13,750 అవుతుంది. అయితే ఖాతాదారుడు ఆటో స్వీప్-ఇన్ సౌకర్యాన్ని ఎంచుకున్నప్పుడు అతని పొదుపు ఖాతాలో రూ. 25,000 ఉంటుంది. అలాగే రూ. 4.75 లక్షలు స్వీప్-ఇన్ ఫిక్స్డ్ డిపాజిట్కు బదిలీ అవుతాయి. అప్పుడు ఖాతాదారుడికి పొదుపు ఖాతా ద్వారా రూ.687.50 వడ్డీ, అలాగే ఆటో స్వీప్-ఇన్ సౌకర్యంతో వచ్చిన మొత్తం ద్వారా వడ్డీ రూ. 26,812.50 వడ్డీ పొందవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి
