Business Ideas: ఈ బిజినెస్ చేస్తే నెలకు రూ. లక్ష వరకు సంపాదన.. మోదీ సర్కారు లోన్ కూడా ఇస్తుంది..
వ్యాపారం చేయడం ద్వారా డబ్బు సంపాదించాలని ప్లాన్ చేస్తున్నారా, అయితే ఓ చక్కటి బిజినెస్ ఐడియా ద్వారా మనం ప్రతి నెల ఒక లక్ష రూపాయలు వరకు సంపాదించే అవకాశం ఉంది.
Updated on: Mar 16, 2023 | 10:40 AM
వ్యాపారం చేయడం ద్వారా డబ్బు సంపాదించాలని ప్లాన్ చేస్తున్నారా, అయితే ఓ చక్కటి బిజినెస్ ఐడియా ద్వారా మనం ప్రతి నెల ఒక లక్ష రూపాయలు వరకు సంపాదించే అవకాశం ఉంది. అలాంటి ఓ వ్యాపారం గురించి తెలుసుకుందాం. అన్నింటి కన్నా ముందు వ్యాపారం కోసం పెట్టుబడి అవసరం. ఇందుకోసం కేంద్ర ప్రభుత్వం ప్రారంభించిన ముద్ర యోజన రుణాలను అందుకొని మీరు వ్యాపారాన్ని ప్రారంభించవచ్చు. తద్వారా బయట ప్రైవేటు రుణాల కన్నా కూడా చాలా తక్కువ వడ్డీకే రుణాన్ని పొందే వీలుంది. దేశంలోని అన్ని ప్రభుత్వ బ్యాంకుల్లో ముద్రా రుణాలను అందిస్తున్నారు 10,000 నుంచి 10 లక్షల వరకు ముద్ర రుణాలను పొందే వీలుంది. మీరు కొత్తగా వ్యాపారం ప్రారంభించిన లేకపోతే ఉన్న వ్యాపారాన్ని అభివృద్ధి చేసుకోవాలనుకున్న ముద్ర రుణాలను పొందే అవకాశం ఉంది. ఇందుకోసం కొద్దిగా పేపర్ వర్క్ చేస్తే చాలు..మీకు కావాల్సిన రుణం మీ గ్రామంలోని ప్రభుత్వ బ్యాంకు ద్వారా పొందే వీలుంది.
ఇక పెట్టుబడి తర్వాత మీరు వ్యాపారం చేయాలి అనుకుంటే, మీ ప్రాంతంలోనే కేటరింగ్ సర్వీసును ప్రారంభించడం ద్వారా చక్కటి ఆదాయం పొందే వీలుంది. ఒకప్పుడు పట్టణ ప్రాంతాలకే పరిమితం అయిన కేటరింగ్ సర్వీసు ఇప్పుడు చిన్న గ్రామాలకు సైతం పాకింది. ఎందుకుంటే ప్రస్తుతం ఏ ఫంక్షన్ అయినా, పదిమంది కలిసినా విందు వినోదాలు సాధారణం అయ్యాయి. దీన్నే మీరు వ్యాపార అవకాశంగా మార్చుకోవచ్చు.
మీరు కేటరింగ్ వ్యాపారం ప్రారంభించాలి అనుకుంటే, ముందుగా మీరు వంట సామాన్లను కొనుగోలు చేయాల్సి ఉంటుంది. కనీసం 50 నుంచి 100 మందికి సరిపడా వండ గలిగే వంట పాత్రలను కొనుగోలు చేసుకోవాలి. అలాగే కేటరింగ్ సర్వీసులో పనిచేసేందుకు కావాల్సిన వంట వాళ్లను కూడా మీరు మాట్లాడుకోవాల్సి ఉంటుంది. వీరికి మీరు రోజు వారీ కూలీ ఇచ్చేలా మాట్లాడుకుంటే మేలు. మీ కేటరింగ్ సామాన్లను వండిన వంటలను తీసుకెళ్లడానికి ఒక కేరియర్ ట్రాలీ ఆటో అద్దెకు తీసుకుంటే ఫంక్షన్ వెళ్లే ప్రదేశానికి వేగంగా చేరుకునే వీలుంటుంది.
దీనికి ప్రాథమికంగా పెట్టుబడికి సుమారు రూ. 2 లక్షల వరకూ ఖర్చు అవుతాయి. ఇందులో వంట సామాగ్రి కోసం దాదాపు లక్ష రూపాయల వరకూ అవుతుంది. అలాగే ఒక పెద్ద వంటగదిని నిర్మించుకోవాలి. దానికి నీరు, కరెంటు సప్లై ఉండేలా చూసుకోావాలి. కనీసం 150 చదరపు గజాల విస్తీర్ణంలో మీ వంటగదిని నిర్మించుకోవాలి. అప్పుడు మీరు సులభంగా ఆర్డర్లకు వంటలను తయారు చేసుకోవచ్చు. కమర్షియల్ గ్యాస్ సిలిండర్ కనెక్షన్ తీసుకోవాల్సి ఉంటుంది.
ఇక అన్నింటికన్నా ముఖ్యమైనది పబ్లిసిటీ చేయడం. ఇందుకోసం న్యూస్ పేపర్లు, కరపత్రాలు, డిజిటల్ మీడియాను వాడుకోవాలి. ముందుగా మీరు ఆర్డర్లు పొందిన తర్వాత మీరు కేటరింగ్ చేసే ప్రదేశానికి వచ్చిన అతిథులకు మీ ఫోన్ నెంబర్, వివరాలను అందివ్వాలి. వారికి ఆసక్తి ఉంటే మీకు ఆర్డర్లు వస్తాయి. అలాగే నాణ్యత విషయంలో రాజీ పడొద్దు. క్యాటరింగ్ సర్వీసుకు అనుబంధంగా, కర్రీ పాయింట్ పెట్టుకుంటే అదనపు ఆదాయం లభిస్తుంది. తద్వారా మీ పనివారికి కూడా శాశ్వతంగా పని కల్పించే వీలుంటుంది. కేటరింగ్ సర్వీసు చేయడం ద్వారా నెలకు రూ. 5 లక్షల నుంచి రూ. 10 లక్షల వరకూ సంపాదించుకునే వీలుంది.
మరిన్ని బిజినెస్ వార్తల కోసం ఇక్కడ క్లిక్ చేయండి
