PPF: మీ పిల్లల భవిష్యత్ కోసం కొద్ది మొత్తంలో పెట్టుబడి పెట్టండి.. లక్షల్లో రాబడి పొందండి.. దీనిపై టాక్స్ కూడా ఉండదు!

PPF: మీరు మీ పిల్లల పేరుతో పెట్టుబడి పెట్టాలని ఆలోచిస్తున్నట్లయితే, మీరు పబ్లిక్ ప్రావిడెంట్ ఫండ్ (PPF) పథకంలో పెట్టుబడి పెట్టవచ్చు. ప్రస్తుతం ఈ పథకం కింద 7.1% వార్షిక వడ్డీ ఇస్తోంది. ఇందులో పెట్టుబడి పెట్టడం ద్వారా, మీరు సులభంగా పెద్దఫండ్‌ను సృష్టించవచ్చు. ఈ పథకం గురించి ఇక్కడ తెలుసుకుందాం.

పిల్లల పేరు మీద తల్లిదండ్రులు ఖాతా తెరవవచ్చు..

తల్లిదండ్రులు తమ పేరు మీద ఈ ఖాతాను తెరవవచ్చు . ఇది కాకుండా, మైనర్ తరపున ఎవరైనా ఇతర వ్యక్తి ఖాతాను తెరవవచ్చు. మైనర్ చైల్డ్ 18 సంవత్సరాలు నిండిన తర్వాత, ఖాతా స్థితిని మైనర్ నుండి మేజర్‌కి పెంచడానికి దరఖాస్తు చేయాలి. దీని తరువాత, పెద్దవాడైన పిల్లవాడు తన ఖాతాను స్వయంగా నిర్వహించగలడు.

500 రూపాయలలో ఖాతాను తెరవవచ్చు..

PPF ఖాతా తెరవడానికి కనీస మొత్తం 500 రూపాయలు. ఒక ఆర్థిక సంవత్సరంలో కనీసం రూ. 500 డిపాజిట్ చేయాల్సి ఉంటుంది. అయితే గరిష్ట పెట్టుబడి పరిమితి సంవత్సరానికి రూ. 1.5 లక్షలుగా నిర్ణయించారు.

మెచ్యూరిటీ తర్వాత 5.5 సంవత్సరాల వరకు పొడిగింపు అందుబాటులో..

PPF ఖాతా 15 సంవత్సరాలలో మెచ్యూర్ అవుతుంది. అయితే మెచ్యూరిటీ అయిన ఒక సంవత్సరంలోపు పదవీకాలాన్ని 5.5 సంవత్సరాలు పొడిగించవచ్చు. దీని కోసం, మెచ్యూరిటీ పూర్తి కావడానికి ఒక సంవత్సరం ముందు పొడిగించాల్సి ఉంటుంది. అంటే, మీరు ఈ పథకంలో ఎన్ని సంవత్సరాలైనా పెట్టుబడి పెట్టవచ్చు.

5 సంవత్సరాల లాక్-ఇన్ వ్యవధి ఉంది..

అయితే, PPF ఖాతాను తెరిచిన సంవత్సరం తర్వాత 5 సంవత్సరాల వరకు ఈ ఖాతా నుండి డబ్బును విత్‌డ్రా చేయలేరు. ఈ వ్యవధి పూర్తయిన తర్వాత, ఫారం 2 నింపడం ద్వారా డబ్బును విత్‌డ్రా చేసుకోవచ్చు. అయితే, మీరు 15 సంవత్సరాల కంటే ముందు డబ్బును విత్‌డ్రా చేస్తే, మీ ఫండ్ నుండి 1% తీసివేస్తారు.

పన్ను మినహాయింపు ప్రయోజనం అందుబాటులో..

PPFలో పెట్టుబడి EEE వర్గం క్రిందకు వస్తుంది. అంటే, మీరు పథకంలో చేసిన మొత్తం పెట్టుబడిపై పన్ను మినహాయింపు ప్రయోజనం పొందుతారు. అలాగే, ఈ స్కీమ్‌లో సంపాదించిన వడ్డీ, మొత్తం పెట్టుబడిపై పన్ను చెల్లించాల్సిన అవసరం లేదు. PPF పెట్టుబడిపై వచ్చే వడ్డీ రేటు ప్రతి మూడు నెలలకు మారుతుంది. రుణం లేదా ఇతర బాధ్యత సమయంలో ఏదైనా కోర్టు లేదా ఆర్డర్ ద్వారా PPF ఖాతా జప్తు చేయడం సాధ్యం కాదు. (అంటే ఏదైనా రుణానికి వ్యతిరేకంగా ఈ ఫండ్ సొమ్మును లెక్కలోకి తీసుకోవడం జరగదు.)

ఒక పెద్ద ఫండ్ సులభంగా..

ఈ పథకం ద్వారా, మీరు ప్రతి నెలా 1 వేల రూపాయలు పెట్టుబడి పెడితే, 15 సంవత్సరాల తర్వాత మీరు 3 లక్షల 18 వేల రూపాయలు పొందుతారు. మరోవైపు నెలకు 2 వేల రూపాయలు పెట్టుబడి పెడితే 15 ఏళ్ల తర్వాత 6 లక్షల 37 వేల రూపాయలు వస్తాయి. ఇందులో ఇన్వెస్ట్ చేయడం ద్వారా మీకు ఎంత లాభం వస్తుందో ఇక్కడ తెలుసుకోండి.

ప్రతి నెలా ఎంత పెట్టుబడి పెడితే ఎంత డబ్బు వస్తుందంటే..

గమనిక: ప్రతి 3 నెలలకు ఒకసారి PPFపై వచ్చే వడ్డీని సమీక్షించినందున ఈ పట్టిక స్థూల అంచనాగా ఇవ్వబడింది. ఇది కాకుండా, ఇక్కడ ఇచ్చిన పట్టికలో, వార్షిక ప్రాతిపదికన వడ్డీని లెక్కించారు.

ఇవి కూడా చదవండి: Google: గూగుల్ వినియోగదారులకు ఈ రూల్ తప్పనిసరి.. లేకుంటే లాగిన్ కావడం కష్టం!

Air Pollution: ఈ అనారోగ్య సమస్యలు ఉన్నవారికి వాయుకాలుష్యంతో గుండె జబ్బుల ముప్పు ఎక్కువ!

JioPhone Next: జియో ఫోన్ నెక్స్ట్ బ్యాటరీ గురించి ఈ షాకింగ్ విషయాలు మీకు తెలుసా?