Maruti Cars: ఆ రెండు మోడల్స్ మారుతీ కార్ల రీకాల్.. అసలు సమస్య అదే..!
మారుతీ సుజుకి ఇండియా లిమిటెడ్ 16,000 యూనిట్లకు పైగా బాలెనో, వ్యాగన్ఆర్లాను రీకాల్ చేసిందనే విషయంలో ఆటోమొబైల్ రంగాన్ని షాక్కు గురి చేసింది. ఫ్యూయల్ పంప్లో లోపం ఏర్పడే అవకాశం ఉన్నందున మారుతీ కంపెనీ జూలై 30, 2019 నుంచి నవంబర్ 1, 2019 మధ్య తయారు చేసిన బాలెనోకు సంబంధించిన 11,851 యూనిట్లు, 4,190 యూనిట్ల వ్యాగన్ఆర్ రీకాల్ చేసింది.
Updated on: Mar 24, 2024 | 9:15 PM
భారతదేశంలో మారుతీ కార్లకు ఉన్న క్రేజ్ వేరు. ముఖ్యంగా మారుతీ కార్లు బడ్జెట్ ఫ్రెండ్లీ కార్లగా అమ్మకాల్లో గుర్తించదగిన స్థానంలో ఉన్నాయి. ఫీచర్లతో పాటు ధర విషయంలో ఈ కార్లు ప్రజలను ఆకట్టుకుంటున్నాయి. ఈ నేపథ్యంలో మారుతీ సుజుకి ఇండియా లిమిటెడ్ 16,000 యూనిట్లకు పైగా బాలెనో, వ్యాగన్ఆర్లాను రీకాల్ చేసిందనే విషయంలో ఆటోమొబైల్ రంగాన్ని షాక్కు గురి చేసింది. ఫ్యూయల్ పంప్లో లోపం ఏర్పడే అవకాశం ఉన్నందున మారుతీ కంపెనీ జూలై 30, 2019 నుంచి నవంబర్ 1, 2019 మధ్య తయారు చేసిన బాలెనోకు సంబంధించిన 11,851 యూనిట్లు, 4,190 యూనిట్ల వ్యాగన్ఆర్ రీకాల్ చేసింది. ఇంధన పంపు ఇంజిన్ ఆగిపోవడానికి లేదా ఇంజిన్ స్టార్టింగ్ సమస్యలకు దారి తీస్తుందని వివరించింది. ఈ నేపథ్యంలో మారుతీ కార్ల రీకాల్ గురించి మరిన్ని వివరాలను తెలుసుకుందాం.
మారుతి సుజుకి అధీకృత డీలర్ వర్క్ షాప్ల ద్వారా పార్ట్ రీప్లేస్మెంట్ కోసం సంప్రదించాలని ప్రకటనలో కోరింది. ఈ భర్తీ ఉచితంగా చేస్తారని పేర్కొంది. బాలెనో, వ్యాగన్ ఆర్ తయారీదారులకు అత్యంత ప్రజాదరణ పొందిన మోడళ్లలో ఒకటిగా ఉంది. వ్యాగన్ఆర్ బడ్జెట్ హ్యాచ్ బ్యాక్ అయితే బాలెనో ప్రీమియం హ్యాచ్ బ్యాక్గా ఉంది. మారుతి సుజుకి వ్యాగన్ఆర్ ధర రూ.5.54 లక్షల నుంచి రూ.7.38 లక్షల మధ్య ఉండగా, బాలెనో ధర రూ.8.07 లక్షల నుంచి రూ.11.68 లక్షల మధ్య ఉంటుంది. దీనికి ముందు మారుతీ సుజుకి 87,000 యూనిట్ల ఎస్-ప్రెస్సో, ఈకో వ్యాన్లకు రీకాల్ జారీ చేసింది. స్టీరింగ్ వీల్ సెటప్లో మారుతి సుజుకి గుర్తించిన లోపం కారణంగా ఈ వాహనాలను రీకాల్ చేసినట్లు జూలై 24న ఒక ప్రకటన విడుదల చేసింది.
ప్రభావిత వాహనాలు గత రెండు సంవత్సరాలుగా తయారు చేశారు. ఎస్-ప్రెస్సో, ఎకోకు సంబంధించిన ప్రభావిత మోడళ్ల యజమానులు ఏదైనా చెల్లించాల్సిన అవసరం లేకుండా సమస్యను పరిష్కరించడానికి సమీపంలోని డీలర్లను సంప్రదించాలని సూచించారు. రెండు సంవత్సరాల క్రితం మారుతీ సుజుకి మోటార్ జెనరేటర్ యూనిట్ లోపం కారణంగా సియాజ్, విటారా బ్రెజ్జా, ఎక్స్ఎల్ 6 పెట్రోల్ వేరియంట్లతో సహా దాదాపు రెండు లక్షల యూనిట్ల వివిధ మోడళ్లను రీకాల్ చేయాల్సి వచ్చింది. మునుపటి సంవత్సరంలో మారుతి 1.34 లక్షల యూనిట్ల కంటే ఎక్కువ వ్యాగన్ఆర్, బాలెనో హ్యాచ్ బ్యాక్లను ఫ్యూయల్ పంప్లలో తప్పుగా ఉన్నందున రీకాల్ చేసింది. అదే సంవత్సరంలో మారుతి 63,493 యూనిట్ల సియాజ్, ఎర్టిగా, ఎక్స్ఎల్6 పెట్రోల్ స్మార్ట్ హైబ్రిడ్ వేరియంట్లను తప్పుగా ఉన్న మోటార్ జనరేటర్ యూనిట్ కోసం రీకాల్ చేసింది.
మరిన్ని బిజినెస్ వార్తల కోసం ఇక్కడ క్లిక్ చేయండి
