Realme X7 Max: రియల్‌మీ నుంచి రానున్న సరికొత్త స్మార్ట్‌ఫోన్‌.. అద్భుతమైన ఫీచర్స్‌.. పూర్తి వివరాలు ఇవే..

Realme X7 Max: రియల్‌ మీ సంస్థ మార్కెట్లోకి మరో ఫోన్‌ను విడుదల చేయబోతోంది. రియల్‌మీ ఎక్స్‌7 మ్యాక్స్‌ పేరుతో రానున్న ఈ మొబైల్‌కు సంబంధించి టీజర్‌ను ఇటీవల విడుదల చేసింది. అయితే ఇప్పుడు ఏకంగా మొబైల్‌ ఫీచర్లన్నీ లీక్‌ అయిపోయాయి. వాటి ప్రకారం చూస్తే.. రియల్‌మీ ఎక్స్‌ సిరీస్‌లో కొత్త వెర్షన్‌గా ఎక్స్‌ 7 మ్యాక్స్‌ రాబోతోంది. ఇందులో మీడియాటెక్‌ డైమన్‌సిటీ 1200 చిప్‌ సెట్‌ ఇస్తున్నారు. ఈ చిప్‌సెట్‌తో  ఇండియాలో రాబోతున్న తొలి మొబైల్‌ ఇదే కావడం గమనార్హం. ఇది 5జీకి సపోర్టు చేస్తుంది. వెనుకవైపు మూడు కెమెరాలు ఉంటాయి. అందులో 64 ఎంపీ మెయిన్‌ కెమెరా కాగా, 8ఎంపీ అల్ట్రా వైడ్‌ యాంగిల్‌ కెమెరా, 2 ఎంపీ మాక్రో కెమెరా ఉంటాయి. సెల్ఫీల కోసం 16 ఎంపీ ఫ్రంట్‌ కెమెరా ఇస్తున్నారు. ఇందులో 4,500 ఎంఏహెచ్‌ బ్యాటరీ ఉంటుంది. ఇది 50 వాట్‌ ఫాస్ట్‌ చార్జింగ్‌కి సపోర్టు చేస్తుంది.

రియల్‌మీ ఎక్స్‌ 7 మ్యాక్స్‌ మొబైల్‌ రెండు వేరియంట్లలో అందుబాటులోకి వస్తోంది. ఒక వేరియంట్‌ 8 జీబీ ర్యామ్‌, 128 జీబీ ఇంటర్నల్‌ మెమొరీ కాగా, మరొకటి 12 జీబీ ర్యామ్‌, 256 జీబీ అంతర్గత స్టోరేజీతో రాబోతోంది. ఇక ధర విషయానికొస్తే 8జీబీ/128జీబీ వేరియంట్‌ ధర ₹28వేలు ఉండే అవకాశం ఉన్నట్లు తెలుస్తోంది. ఇక 12జీబీ/256 జీబీ వేరియంట్‌ ₹31వేలు ఉండవచ్చని తెలుస్తోంది. అయితే మొబైల్‌ విడుదలయ్యే తేదీపై ఎలాంటి క్లారిటీ ఇవ్వలేదు రియల్‌మీ. టీజర్‌ విడుదల చేశారు కాబట్టి.. ఈ నెలాఖరున ఆన్‌లైన్‌ ఈవెంట్‌లో మొబైల్‌ విడుదలయ్యే అవకాశం ఉందని వార్తలు వస్తున్నాయి.

ఇవీ కూడా చదవండి:

RBI Guidelines: ఆ బ్యాంకుల విలీనానికి లైన్‌ క్లియర్‌.. మార్గ దర్శకాలను జారీ చేసిన ఆర్బీఐ..!

Google Photos: గూగుల్ ఫోటోస్ వాడుతున్నారా? జూన్‌ 1 నుంచి ఉచిత స్టోరేజీ ఉండదు.. మరి ఎక్కువ స్టోరేజీ కావాలంటే..