RBI: ఒక్కరోజు సామూహిక సెలవు తీసుకుంటున్న ఆర్బీఐ అధికారులు-ఉద్యోగులు.. ఎందుకోసం ఈ నిర్ణయం తీసుకున్నారంటే..
భారతీయ రిజర్వ్ బ్యాంక్ (RBI) అధికారులు, ఉద్యోగులు సామూహిక క్యాజువల్ లీవ్ పై వెళతామని ప్రభుత్వాన్ని హెచ్చరించారు. ఈ నెల 30న వీరంతా ఒకేసారి మూకుమ్మడి సెలవు తీసుకోనున్నట్టు చెబుతున్నారు.
Updated on: Nov 16, 2021 | 1:23 PM
RBI: భారతీయ రిజర్వ్ బ్యాంక్ (RBI) అధికారులు, ఉద్యోగులు సామూహిక క్యాజువల్ లీవ్ పై వెళతామని ప్రభుత్వాన్ని హెచ్చరించారు. ఈ నెల 30న వీరంతా ఒకేసారి మూకుమ్మడి సెలవు తీసుకోనున్నట్టు చెబుతున్నారు. వేతన సవరణలో జాప్యాన్ని నిరసిస్తూ వారు ఈ నిర్ణయం తీసుకున్నారని చెబుతున్నారు. ఈ విషయంలో జోక్యం చేసుకోవాలని యునైటెడ్ ఫోరమ్ ఆఫ్ సెంట్రల్ బ్యాంక్ ఆఫీసర్స్ అండ్ ఎంప్లాయీస్ గవర్నర్ శక్తికాంత దాస్కు లేఖ కూడా రాశారు
“గత నాలుగు సంవత్సరాలు లేదా అంతకంటే ఎక్కువ కాలంగా పెండింగ్లో ఉన్న ఉద్యోగుల వేతన సవరణ వంటి అత్యంత సున్నితమైన అంశంలో సెంట్రల్ బ్యాంక్ ఏకపక్ష వైఖరిని గట్టిగా వ్యతిరేకించడం మినహా మాకు వేరే మార్గం లేదు” అని ఫోరమ్ ఒక ప్రకటనలో పేర్కొంది. ప్రస్తుతం ఉన్న వేతన ఒప్పందం కింద ఉన్న ఉద్యోగులందరూ నవంబర్ 30న సామూహిక క్యాజువల్ సెలవుపై వెళతారని సంస్థ తెలిపింది.
ఫోరమ్లో నాలుగు యూనియన్లు పాల్గొంటున్నాయి.
ఫోరమ్లో నాలుగు యూనియన్లు ఉన్నాయి – ఆల్ ఇండియా రిజర్వ్ బ్యాంక్ ఎంప్లాయీస్ అసోసియేషన్ (AIRBEA), ఆల్ ఇండియా రిజర్వ్ బ్యాంక్ వర్కర్స్ యూనియన్ (AIRBWF), రిజర్వ్ బ్యాంక్ ఆఫీసర్స్ అసోసియేషన్ ఆఫ్ ఇండియా (RBIOA) మరియు ఆల్ ఇండియా రిజర్వ్ బ్యాంక్ ఆఫీసర్స్ అసోసియేషన్ (AIRBOA). ఈ నాలుగు యూనియన్లూ సామూహిక సెలవుపై వెళ్ళడం అనే నిరసనకు మద్దతు ఇస్తున్నాయి.
గవర్నర్కు రాసిన లేఖలో, ఫోరమ్.. బ్యాంక్ ఉద్యోగులలోని అన్ని విభాగాలకు ప్రాతినిధ్యం వహిస్తున్న గుర్తింపు పొందిన యూనియన్లు/ఫెడరేషన్ల మధ్య వేతన చర్చలు జూలై 2021 మధ్యలో ప్రారంభమయ్యాయని, అయితే పురోగతి నెమ్మదిగా ఉందని హైలైట్ చేసింది. లేఖలో, ఫోరమ్ కూడా చెప్పింది – అయితే, 27 సెప్టెంబర్ 2021న అస్పష్టమైన కారణాల వల్ల, చర్చల ప్రక్రియ అకస్మాత్తుగా ఆగిపోయింది. వేతన సంఘ సిఫారసుల అమలు కోసం బ్యాంకు ఉద్యోగులు ఆసక్తిగా ఎదురుచూస్తున్నారు. నవంబర్ 2017లో సెటిల్మెంట్ జరిగి నాలుగు సంవత్సరాలు గడిచాయి. బ్యాంకులోని అందరు ఉద్యోగులకు సంబంధించిన చర్చల ప్రక్రియను నెల లేదా రెండు నెలల క్రితమే ఖరారు చేసి ఉండవచ్చని లేఖలో ఫోరం పేర్కొంది.
ఇవి కూడా చదవండి: Viral News: కండోమ్ కొనండి.. కారు సొంతం చేసుకోండి.. విచిత్రమైన పబ్లిసిటీపై సోషల్ మీడియాలో సెటైర్లు..
