PMFBY Quiz Contest : ప్రధాన మంత్రి ఫసల్ బీమా యోజన క్విజ్ పోటీలో పాల్గొనండి.. రూ.11000 గెలుచుకోండి..

PMFBY Quiz Contest : కేంద్ర ప్రభుత్వం వివిధ పథకాల గురించి క్విజ్ పోటీ నిర్వహిస్తోంది. దీని ఉద్దేశ్యం ఆ పథకాల గురించి అవగాహన కల్పించడం. రైతుల కోసం

Pmfby Quiz Contest

uppula Raju |

Updated on: Aug 06, 2021 | 7:23 PM

PMFBY Quiz Contest : కేంద్ర ప్రభుత్వం వివిధ పథకాల గురించి క్విజ్ పోటీ నిర్వహిస్తోంది. దీని ఉద్దేశ్యం ఆ పథకాల గురించి అవగాహన కల్పించడం. రైతుల కోసం ప్రారంభించిన ప్రధాన మంత్రి ఫసల్ బీమా యోజన (PMFBY) పై క్విజ్ నిర్వహిస్తున్నారు. ఇందులో విజేతకు రూ.11000 బహుమతి నగదు బహుమతి అందిస్తారు. ప్రభుత్వం క్విజ్ ద్వారా ఒక వేదికను నిర్వహిస్తోంది. ఇక్కడ PMFBY లబ్ధిదారులు, వారి కుటుంబ సభ్యులు, సాధారణ ప్రజలు ఎవరైనా పాల్గొనవచ్చు. పథకం గురించి మరిన్ని వివరాలు తెలుసుకోవచ్చు. దాని ప్రయోజనాన్ని కూడా పొందవచ్చు.

క్విజ్ హిందీ, ఆంగ్ల భాషలలో ఉంటుంది ఈ క్విజ్ హిందీ, ఇంగ్లీష్ భాషలలో ఉంటుంది. మీరు క్విజ్‌లో పాల్గొనాలనుకుంటే పథకం గురించి ముఖ్యమైన విషయాలను ఖచ్చితంగా తెలుసుకోండి. దీనికి సంబంధించిన ప్రశ్నలు క్విజ్‌లో అడుగుతారు. ముగ్గురు వ్యక్తులకు వ్యవసాయ మంత్రిత్వ శాఖ రివార్డ్ అందిస్తుంది. కానీ ఈ క్విజ్‌లో పాల్గొనే వారందరికీ పార్టిసిపేషన్ సర్టిఫికెట్ కూడా అందిస్తారు.

క్విజ్‌లో పాల్గొనడానికి, మీరు ఈ లింక్‌ని సందర్శించాలి . ప్రస్తుతం 8 విభిన్న క్విజ్‌లు నడుస్తున్నాయి. ఏడవ స్లయిడ్‌లో ప్రధాన మంత్రి ఫసల్ బీమా యోజనకు సంబంధించిన క్విజ్ ఉంటుంది. దానిపై క్లిక్ చేయడం ద్వారా మీరు క్విజ్‌కు సంబంధించిన మొత్తం సమాచారాన్ని తెలుసుకోవచ్చు. ఈ లింక్ ద్వారా మీరు నేరుగా క్విజ్‌ను యాక్సెస్ చేయవచ్చు.

ఈ క్విజ్ ఆగస్టు 21 వరకు ఉంటుంది. క్విజ్‌లో పాల్గొనడానికి ఒకే మొబైల్ నంబర్, ఒకే ఇమెయిల్ ఐడిని ఒకటి కంటే ఎక్కువసార్లు ఉపయోగించలేరు. క్విజ్ వ్యవధి 5 నిమిషాలు (300 సెకన్లు) ఉంటుంది. ఈ సమయంలో గరిష్టంగా 15 ప్రశ్నలకు సమాధానం ఇవ్వవచ్చు. ఒక వ్యక్తి క్విజ్‌ను ఒక్కసారి మాత్రమే నిర్వహిస్తాడు.

విజేతను ఎలా ఎంపిక చేస్తారు? అతి తక్కువ సమయంలో ఎక్కువ సమాధానాలు ఇచ్చిన వ్యక్తిని విజేతగా ఎంపిక చేస్తారు. తప్పు సమాధానానికి నెగెటివ్ మార్కింగ్ ఉండదు. ఈ క్విజ్‌లో పాల్గొనదలచిన వారు తన పేరు, పుట్టిన తేదీ, కరస్పాండెన్స్ చిరునామా, ఇమెయిల్, మొబైల్ నంబర్‌ను అందించాలి.