Post Office Franchise: పోస్టాఫీసు నుంచి డబ్బు సంపాదించేందుకు సువర్ణావకాశం.. పెట్టుబడి తక్కువ.. లాభం ఎక్కువ
మీరు పోస్టాఫీసు నుండి పెద్ద మొత్తంలో డబ్బు సంపాదించాలనుకుంటే, మీ సంపాదనకు ఇండియా పోస్ట్ మంచి అవకాశాన్ని అందించింది. ఇందులో మీరు కేవలం..
మీరు పోస్టాఫీసు నుండి పెద్ద మొత్తంలో డబ్బు సంపాదించాలనుకుంటే, మీ సంపాదనకు ఇండియా పోస్ట్ మంచి అవకాశాన్ని అందించింది. ఇందులో మీరు కేవలం 5 వేల రూపాయల చిన్న పెట్టుబడి పెట్టడం ద్వారా బాగా సంపాదించవచ్చు. పోస్ట్ ఆఫీస్ తన ఫ్రాంచైజీ స్కీమ్‌ను అందించే సౌకర్యాన్ని ప్రారంభించింది. దీనితో మీరు కస్టమర్లకు డిపార్ట్‌మెంట్‌కు సంబంధించిన సేవలను అందించడం ద్వారా ప్రతి నెలా మంచి డబ్బు సంపాదించవచ్చు.
భారతీయ తపాలా శాఖ (పోస్టాఫీసు) ప్రజలకు అన్ని రకాల సేవలను అందిస్తుంది. పోస్ట్ లేదా లెటర్‌లను పంపడం, ఆర్డర్ చేయడం, మనీ ఆర్డర్‌లు పంపడం, స్టాంపులు, స్టేషనరీలను పంపడం వంటివి ఇందులో ఉన్నాయి. ఇది మాత్రమే కాదు పోస్టాఫీసు అనేక చిన్న పొదుపు పథకాలను కూడా నిర్వహిస్తుంది. చిన్న పొదుపు ఖాతా తెరవడం, నగదు డిపాజిట్ చేయడం, ఇతర పోస్టాఫీసు పథకాల ప్రక్రియ లేదా లైఫ్ సర్టిఫికేట్ తయారు చేయడం వంటి అనేక పనులు ఈ పోస్టాఫీసులలో జరుగుతాయి.
దేశంలోని అనేక ప్రాంతాలలో ప్రజలు ఇప్పటికీ పోస్టాఫీసు సౌకర్యాలను పొందలేకపోతున్నారు. ప్రస్తుతం దేశంలో 1.55 లక్షల పోస్టాఫీసులున్నాయి. ఈ నేపథ్యంలో పోస్టాఫీసుల పరిధిని పెంచడంపై ప్రభుత్వం దృష్టి సారించింది. ఇది ఈ కసరత్తులో ఒక భాగం. తద్వారా మీరు ఇంట్లో కూర్చొని మీ వ్యాపారాన్ని ప్రారంభించవచ్చు. శాఖకు సంబంధించిన పని ద్వారా మంచి డబ్బు సంపాదించవచ్చు.
2 ఫ్రాంచైజీ ఆప్షన్స్‌
పోస్ట్ ఆఫీస్ తన ఫ్రాంచైజ్ స్కీమ్ సౌకర్యాన్ని అందిస్తోంది. ఇది మంచి ఆదాయ వనరుగా మారుతుంది. దీని కింద రెండు రకాల ఫ్రాంచైజీలు అందుబాటులో ఉన్నాయి. వీటిలో పోస్ట్ ఫ్రాంచైజ్ అవుట్‌లెట్‌లు, పోస్టల్ ఏజెంట్లు ఉన్నాయి. పోస్టాఫీసులు లేని ప్రాంతాల్లో మీరు పోస్ట్ ఫ్రాంచైజ్ అవుట్‌లెట్‌ని ఎంచుకోవచ్చు. పోస్టల్ ఏజెంట్ల ఫ్రాంఛైజీలు పట్టణ, గ్రామీణ ప్రాంతాల్లో పోస్టల్ స్టాంప్, స్టేషనరీ డెలివరీని నిర్వహిస్తాయి.
పెట్టుబడి తక్కువ లాభం ఎక్కువ
పోస్ట్ ఆఫీస్ అవుట్‌లెట్ ఫ్రాంచైజీని తీసుకోవడానికి మీకు దాదాపు 200 చదరపు అడుగుల స్థలం ఉండాలి. దీనితో మీరు రూ.5,000 సెక్యూరిటీ మొత్తాన్ని డిపాజిట్ చేయడం ద్వారా పని ప్రారంభించవచ్చు. మీ ప్రాంతంలో పోస్టాఫీసు సేవలను అందించవచ్చు. ప్రతి సేవకు రుసుము వసూలు చేయడం ద్వారా డబ్బు సంపాదించవచ్చు. ఇది కాకుండా మీరు పోస్టల్ ఏజెంట్ ఫ్రాంచైజీ కోసం కొంచెం ఎక్కువ పెట్టుబడి పెట్టాలి. ఎందుకంటే ఇందులో మీరు స్టేషనరీ, స్టాంపులను కొనుగోలు చేసి డెలివరీ చేయాలి.
అవసరమైన పత్రాలు:
- ఆధార్ కార్డ్
- పాన్ కార్డ్
- పాస్‌ ఫోర్ట్‌ సైజు ఫోటో
- నివాస ధృవీకరణ పత్రం
- కుల ధృవీకరణ పత్రం
- ఆదాయ ధృవీకరణ పత్రం
- ఓటరు గుర్తింపు కార్డు
అర్హత అవసరాలు:
పోస్టాఫీసులో చేరడం ద్వారా అంటే దాని ఫ్రాంచైజీని తీసుకోవడం ద్వారా సంపాదించడానికి ఈ సువర్ణావకాశాన్ని పొందడానికి ప్రత్యేక అర్హతలు ఏమీ అవసరం లేదు. దీనికి సంబంధించిన విద్యార్హత 8వ తరగతి పాసైన యువత కూడా దీనికి దరఖాస్తు చేసుకోవచ్చు. దరఖాస్తుదారుడి వయస్సు 18 సంవత్సరాల కంటే తక్కువ ఉండకూడదు. దరఖాస్తు చేయడానికి మీరు మీ సమీపంలోని పోస్టాఫీసును సంప్రదించవచ్చు.
మరిన్ని బిజినెస్ వార్తల కోసం క్లిక్ చేయండి
