PM Kisan: గుడ్‌న్యూస్‌.. ఆ రైతులకు పీఎం కిసాన్‌ స్కీమ్‌లో 4 వేలు పెంపు

ప్రధాన మంత్రి కిసాన్ సమ్మాన్ నిధి యోజన 18వ విడత మహాలయ అమావాస్య తర్వాత అంటే అక్టోబర్‌ 5న ప్రధాని నరేంద్ర మోడీ విడుదల చేసే అవకాశం ఉంది. అయితే ఈ పీఎం కిసాన్‌ పథకం కింద ఏడాదికి మొత్తం రూ.6000 చొప్పున రైతుల ఖాతాలో జమ చేస్తోంది కేంద్రం. ఈ మొత్తం ఒకేసారి కాకుండా మూడు విడతల్లో అందిస్తోంది. కాగా, జమ్మూ కాశ్మీర్‌లో పీఎం కిసాన్ పథకం లబ్ధిదారులకు ఏటా రూ.4,000 అదనపు సబ్సిడీ ఇవ్వనున్నట్లు కేంద్ర హోంమంత్రి అమిత్ షా తెలిపారు. జమ్మూకశ్మీర్ అసెంబ్లీ ఎన్నికల కోసం బీజేపీ ఎన్నికల మేనిఫెస్టోలో ఈ విషయాన్ని పేర్కొంది.

హర్యానా రాష్ట్రంలో కూడా, ప్రధానమంత్రి కిసాన్ పథకం కింద రూ. 4,000 అదనంగా అందించనున్నట్లు హామీ ఇచ్చింది. ప్రస్తుతం దేశవ్యాప్తంగా ఈ పథకం లబ్ధిదారులకు ఏడాదికి రూ.6,000 అందుతోంది. ప్రతి నాలుగు నెలలకు 2,000 సంవత్సరానికి మొత్తం మూడు వాయిదాలలో బదిలీ చేస్తోంది. 2019లో ప్రారంభమైన ఈ ప్రాజెక్ట్‌లో ఇప్పటివరకు 17 విడత అందించింది. ఇప్పుడు 18వ విడత రానుంది.

కేంద్రం నుంచి అదనంగా రూ.4వేలు వస్తాయా?

జమ్మూ కాశ్మీర్, హర్యానా రాష్ట్రాల్లో పీఎం కిసాన్ పథకం కింద బీజేపీ అదనంగా రూ.4,000 హామీ ఇచ్చింది. ఈ రెండు రాష్ట్రాల రైతులకు సంవత్సరానికి 10,000. ఇది కేవలం బీజేపీ అధికారంలోకి వస్తేనేనా అన్నది తేలలేదు. మేనిఫెస్టో ప్రకారం ఈ రాష్ట్రాల్లో ఏడాదికి మూడు విడతలుగా డబ్బులు విడుదల చేస్తామని, అయితే ఒక్కొక్కరికి రూ.2వేలకు బదులు రెండు విడతలుగా రూ.3వేలు, ఒక విడతగా రూ.4 వేలు విడుదల చేస్తామని చెప్పారు.

కర్ణాటకలో బీజేపీ ప్రభుత్వం అధికారంలో ఉన్నప్పుడు పీఎం కిసాన్ పథకం కింద రూ.4వేలు అదనంగా ఇచ్చింది. ఇక్కడి రైతులకు ఏడాదికి మొత్తం రూ.10వేలు ఇచ్చేవారు. ప్రస్తుతానికి, ఈ అదనపు రూ.4,000 సబ్సిడీ కర్ణాటకలో ఉంది.

మరిన్ని బిజినెస్ వార్తల కోసం ఇక్కడ క్లిక్ చేయండి