UPI ATM: గుడ్‌న్యూస్‌.. ఇకపై కార్డు లేకుండానే క్యూఆర్‌ కోడ్‌తో క్యాష్‌ విత్‌డ్రా.. వీడియో చూసేయండి మరి
యూపీఐ ఏటీఎం స్క్రీన్‌పై యూపీఐ కార్డ్లెస్ నగదు ఎంపికను ఎంచుకోవడం ద్వారా ప్రక్రియను ప్రారంభించుకోవచ్చని, ఆపై కావలసిన విత్‌డ్రావల్ మొత్తాన్ని చేసుకోవచ్చని అన్నారు. అయితే అక్కడ ఈ యూపీఐ ఏటీఎంలో ఒక QR కోడ్ కనిపిస్తుంది. ఇది భీమ్‌ యాప్‌ని ఉపయోగించి స్కాన్ చేయాల్సి ఉంటుంది. తర్వాత యూపీఐ పిన్‌ని నమోదు చేయాల్సి ఉంటుంది..
Updated on: Sep 08, 2023 | 4:17 PM
యూనిఫైడ్ పేమెంట్స్ ఇంటర్‌ఫేస్ (యూపీఐ), స్విఫ్ట్ మొబైల్ ఆధారిత డబ్బు బదిలీలను సులభతరం చేసే సాంకేతికత, భారతదేశంలో అత్యంత వేగంగా అభివృద్ధి చెందుతున్న చెల్లింపు పద్ధతిగా ఉద్భవించింది. ముంబైలోని గ్లోబల్ ఫిన్‌టెక్ ఫెస్ట్‌లో, ఫిజికల్ ATM కార్డ్‌ల అవసరాన్ని తొలగించడం ద్వారా నగదు ఉపసంహరణలో విప్లవాత్మక మార్పులు చేస్తూ, భారతదేశంలో మొదటగా అత్యాధునిక యూపీఐ ఏటీఎంను ఆవిష్కరించింది. ఇంటర్నెట్ వినియోగదారులు ఈ అభివృద్ధిని గేమ్ ఛేంజర్‌గా ప్రశంసించారు కేంద్ర మంత్రి పీయూష్‌ గోయల్‌. ఈ టెక్నాలజీ ఏర్పాటుపై ఆయన Xలో (ట్విట్టర్‌) ఓ వీడియోను పంచుకున్నారు.
యూపీఐ ఏటీఎం స్క్రీన్‌పై యూపీఐ కార్డ్లెస్ నగదు ఎంపికను ఎంచుకోవడం ద్వారా ప్రక్రియను ప్రారంభించుకోవచ్చని, ఆపై కావలసిన విత్‌డ్రావల్ మొత్తాన్ని చేసుకోవచ్చని అన్నారు. అయితే అక్కడ ఈ యూపీఐ ఏటీఎంలో ఒక QR కోడ్ కనిపిస్తుంది. ఇది భీమ్‌ యాప్‌ని ఉపయోగించి స్కాన్ చేయాల్సి ఉంటుంది. తర్వాత యూపీఐ పిన్‌ని నమోదు చేయాల్సి ఉంటుంది.తర్వాత డబ్బులను విత్‌డ్రా చేసుకోవచ్చు.
ఈ వినూత్న ఏటీఎం నేషనల్ పేమెంట్స్ కార్పొరేషన్ ఆఫ్ ఇండియాచే రూపొందించారు. ఇది ఎన్‌సీఆర్‌ కార్పొరేషన్ ద్వారా ఆధారితమైనది. ఇది ప్రామాణిక ఏటీఎంలాగా పనిచేస్తుంది. అయితే ఉచిత వినియోగ పరిమితిని మించి విత్‌డ్రా చేసినట్లయితే ఛార్జీలు వర్తించవచ్చు. ప్రస్తుతం యూపీఐ ఏటీఎంని గూగుల్‌ పే,ఫోన్‌పే, పేటీఎం వంటి ఇతర యాప్‌లలోకి అనుసంధానించే ప్రణాళికలతో భీమ్‌ యూపీఐ యాప్ ద్వారా యాక్సెస్ చేయవచ్చు. రానున్న రోజుల్లో దేశ వ్యాప్తంగా ఈ యూపీఐ ఏటీఎంలను అమల్లోకి తీసుకురానున్నారు.
ఈ యూపీఐ ఏటీఎం నుంచి డబ్బులు విత్‌డ్రా చేయడం ఎలా?
- ముందుగా ఏటీఎంకు వెళ్లి కార్డ్లెస్ క్యాష్‌ ఆప్షన్‌ను ఎంచుకోవాలి.
- కావాల్సిన ఉపసంహరణ మొత్తాన్ని అక్కడ ఎంటర్ చేయాలి.
- మీ యూపీఐ యాప్‌ని ఉపయోగించి క్యూఆర్‌ కోడ్‌ను స్కాన్ చేయాలి.
- లావాదేవీ ధృవీకరించడానికి యూపీఐ పిన్‌ నంబర్‌ను ఎంటర్ చేయాలి.
- తర్వాత మీ నగదును అందుకుంటారు.
ఇటీవల యూపీఐ ఒక ప్రధాన మైలురాయిని చేరుకుంటోంది. ఒకే నెలలో 10 బిలియన్ల లావాదేవీలను అధిగమించింది. ఆగస్ట్‌లో 10.58 బిలియన్ల యూపీఐ లావాదేవీల ఆల్‌టైమ్ రికార్డును సాధించింది. నేషనల్ పేమెంట్స్ కార్పొరేషన్ ఆఫ్ ఇండియా ప్రతినిధి నెలవారీ 100 బిలియన్ల యూపీఐ లావాదేవీలను సాధించగల దేశం సామర్థ్యాన్ని ధృవీకరించారు.
అయితే దేశంలో టెక్నాలజీ అనేది రోజురోజుకు పెరిగిపోతోంది. ఒకప్పుడు డబ్బులు కావాలంటే బ్యాంకుకు వెళ్లి క్యూలో నిల్చోని విత్‌డ్రా చేసుకునేది ఉండేది. కానీ దేశంలో సాంకేతికత వేగంగా అభివృద్ధి చెందింది. ఈ కారణంగా ప్రజలు అన్ని పనులు కూడా సులభంగా పొందుతున్నారు. ఇంట్లో కూర్చుని కూడా పలు రంగాలకు చెందిన సర్వీసులు సులభంగా చేసుకునే రోజులు వచ్చాయి.
UPI ATM: The future of fintech is here! 💪🇮🇳 pic.twitter.com/el9ioH3PNP
— Piyush Goyal (@PiyushGoyal) September 7, 2023
మరిన్ని బిజినెస్ వార్తల కోసం ఇక్కడ క్లిక్ చేయండి
