Patanjali EV Fact Check: పతంజలి కేవలం రూ. 14,000కే ఎలక్ట్రిక్ స్కూటర్ను విడుదల చేస్తుందా? నిజమెంత?
Patanjali EV Fact Check: ఇది భారతదేశంలో అత్యంత పొడవైన రేంజ్ కలిగిన ఎలక్ట్రిక్ స్కూటర్ అని చెబుతారు. దీని పరిధి 440 కి.మీ అని చెబుతారు. కానీ ఇప్పటివరకు భారతదేశంలో ఎక్కువ మైలేజీని అందించే ఎలక్ట్రిక్ స్కూటర్ సింపుల్ వన్. ఇది..
Updated on: May 31, 2025 | 4:33 PM
రాబోయే రోజుల్లో ఎలక్ట్రిక్ ద్విచక్ర వాహనాల మార్కెట్ వేగంగా వృద్ధి చెందుతుందని భావిస్తున్నారు . గత కొన్ని సంవత్సరాలుగా ఎలక్ట్రిక్ స్కూటర్ల అమ్మకాలు కూడా వేగంగా పెరిగాయి. ఈ కారణంగా అనేక కొత్త కంపెనీలు ఈ విభాగంలోకి ప్రవేశించి వారి స్వంత ఎలక్ట్రిక్ స్కూటర్లను విడుదల చేశాయి. యోగా గురువు బాబా రామ్దేవ్ కంపెనీ పతంజలి త్వరలో తన ఎలక్ట్రిక్ స్కూటర్ను మార్కెట్లోకి విడుదల చేయనుందని చాలా రోజులుగా సోషల్ మీడియాలో పెద్ద ఎత్తున చర్చ జరుగుతోంది.
ఈ నెల ప్రారంభంలో కొన్ని వెబ్సైట్లు, సామాజిక వినియోగదారులు పతంజలి నుండి వచ్చిన ఈ ఇ-స్కూటర్ గురించి కొంత సమాచారాన్ని ప్రచురించారు. పతంజలి ఈ-స్కూటర్ గురించి అనేక ప్రకటనలు వైరల్ అవుతున్నాయి. ఈ స్కూటర్ ఒక్కసారి ఛార్జ్ చేస్తే 440 కి.మీ ప్రయాణించగలదని చెబుతున్నారు. అంతే కాదు, ఆ స్కూటర్ ధర కేవలం రూ. 14,000తో ప్రారంభమవుతుందని కూడా వైరల్ అవుతోంది. ఈ ప్రకటనలతో పాటు, ఎలక్ట్రిక్ స్కూటర్ ఫోటో కూడా ఇంటర్నెట్లో వైరల్ అవుతోంది. ఈ ప్రకటన చూసి అందరూ ఆశ్చర్యపోతున్నారు. మరి మరి నిజంగానే పతంజలి ఎలక్ట్రిక్ స్కూటర్ను తీసుకువస్తోందా? ఇందులో నిజమెంతో తెలుసుకుందాం.
నిజం ఏమిటి?
పతంజలి ఎలక్ట్రిక్ స్కూటర్ గురించి సోషల్ మీడియాలో వైరల్ అవుతున్న వాదనలు పూర్తిగా అబద్దం. ఇందులో ఎలాంటి నిజం లేదు. పతంజలి నుంచి ఎలాంటి ఎలక్ట్రిక్ స్కూటర్ తీసుకురావడం లేదని తేలిసింది. అంతేకాదు పతంజలి కూడా దీనిపై ఎలాంటి ప్రకటన చేయలేదు. కొందరు సోషల్ మీడియా వేదికగా ఫేక్ న్యూస్ను వైరల్ చేస్తున్నారు. ఈ ఎలక్ట్రిక్ స్కూటర్ను లాంచ్ చేయడం గురించి పతంజలి స్వయంగా ఎప్పుడూ చెప్పలేదు. అంతేకాకుండా, పతంజలి ఎలక్ట్రిక్ స్కూటర్ అందించే ఫీచర్లు చాలా ఫన్నీగా కనిపిస్తున్నాయి. ఆటోమొబైల్స్ గురించి కొంచెం జ్ఞానం ఉన్న ఎవరికైనా ఈ ప్రకటన అబద్దమని స్పష్టం అవుతుంది.
ఇది భారతదేశంలో అత్యంత పొడవైన రేంజ్ కలిగిన ఎలక్ట్రిక్ స్కూటర్ అని చెబుతారు. దీని పరిధి 440 కి.మీ అని చెబుతారు. కానీ ఇప్పటివరకు భారతదేశంలో ఎక్కువ మైలేజీని అందించే ఎలక్ట్రిక్ స్కూటర్ సింపుల్ వన్. ఇది 248 కి.మీ పరిధిని కలిగి ఉంది. అది. ఇది 5.0 kWh బ్యాటరీతో వస్తుంది. అదే సమయంలో అల్ట్రావయోలెట్ టెస్రాక్ట్ అనే మోటార్సైకిల్ 6kWh బ్యాటరీతో అమర్చబడి 261 కిలోమీటర్ల పరిధితో వస్తుంది. 440 కి.మీ. దూరం ప్రయాణించాలంటే స్కూటర్ కు చాలా పెద్ద బ్యాటరీ అవసరం. దీన్ని స్కూటర్ కోసం డిజైన్ చేయడం అసాధ్యం.
ఇదిలా ఉండగా, మా దర్యాప్తు ప్రకారం.. పతంజలి ఎలక్ట్రిక్ స్కూటర్ గురించి సోషల్ మీడియాలో జరుగుతున్న వాదనలు పూర్తిగా నిరాధారమైనవి. పతంజలి ఎలక్ట్రిక్ స్కూటర్ ధర, ఫీచర్ల గురించి చెప్పడం కూడా పూర్తి అబద్ధం.
Electric Scooter just for ₹14000/- (Fourteen thousand only) launched by Patanjali. pic.twitter.com/2M4nC55bCq
— E த ಕ മ తె (@YogadhayaInfota) May 4, 2025
ఇదిలా ఉండగా, పతంజలి బ్రాండ్ గురించి పెద్దగా పరిచయం అవసరం లేదు. ఈ కంపెనీ మార్కెట్లో మందులు, సబ్బులు, సౌందర్య ఉత్పత్తులతో పాటు అనేక ఆయుర్వేద ఉత్పత్తులను విక్రయిస్తుంది. ఈ కంపెనీ పెద్ద మొత్తంలో ఆయుర్వేద ఉత్పత్తులను డీల్ చేస్తుంది. పతంజలి ఆయుర్వేద ఉత్పత్తులపై భారతదేశ ప్రజలకు కూడా చాలా నమ్మకం ఉంది.
ఇది కూడా చదవండి: Bank Holidays: జూన్ నెలలో 12 రోజు పాటు బ్యాంకులకు సెలవు.. ఏయే రోజుల్లో అంటే..
మరిన్ని బిజినెస్ వార్తల కోసం ఇక్కడ క్లిక్ చేయండి
