Ola S1 Pro Electric Scooter: కొనుగోలుపై భారీ తగ్గింపు..! ఈ ఆఫర్ మరికొద్ది రోజులు మాత్రమే..!
ఈ ఎలక్ట్రిక్ స్కూటర్ 116 కిలోమీటర్ల వేగంతో కూడా నడపగలదు. స్కూటర్ కేవలం 2.9 సెకన్లలో 0 నుండి 40 కిమీ వేగాన్ని, 4.5 సెకన్లలో 0 నుండి 60 కిమీ వేగాన్ని అందుకోగలదు.
Updated on: Apr 06, 2023 | 3:16 PM
భగ్గుమంటున్న పెట్రోల్ ధరలతో సామాన్యులు సతమతమవున్నారు. ఇంధన ధరల పెరుగుదల కారణంగా ఇప్పుడు చాలా మంది ప్రజలు ఎలక్ట్రిక్ వాహనాల వైపుకు మొగ్గుచూపుతున్నారు. ఎలక్ట్రిక్ కార్లు, స్కూటర్లకు మార్కెట్లో ఇప్పుడు డిమాండ్ కూడా పెరుగుతోంది. ఈ-స్కూటర్ మార్కెట్లో అగ్రగామిగా ఉన్న ఓలా కూడా దీని కారణంగా తన విక్రయాలను పెంచుకుంటోంది. ఇప్పుడు, ఆసక్తిగల ఓలా కస్టమర్లకు శుభవార్త అందించింది. కంపెనీ తన ఫ్లాగ్షిప్ S1 ప్రో ఎలక్ట్రిక్ స్కూటర్పై రూ. 5,000 తగ్గింపు ప్రకటించింది.
ఇప్పుడు స్కూటర్ ధర రూ.1.25 లక్షలు మాత్రమే. అయితే, ఈ తగ్గింపు వెనుక నిర్దిష్ట కారణాలను కంపెనీ ఇంకా వెల్లడించలేదు. Ola స్కూటర్ తగ్గింపు ఏప్రిల్ 16 వరకు మాత్రమే అందుబాటులో ఉంటుందని గమనించండి. గడువు తేదీ ముగిసిన తర్వాత వాహనం మోడల్ ధర రూ.1.30 లక్షలకు చేరుకోగా.. ఈ ఏడాది మార్చిలో కంపెనీ 2 లక్షలకు పైగా ఎలక్ట్రిక్ స్కూటర్లను విక్రయించింది. భారతదేశంలో ఎలక్ట్రిక్ స్కూటర్ విభాగంలో కంపెనీ ప్రస్తుతం 30 శాతానికి పైగా మార్కెట్ వాటాను కలిగి ఉంది.
S1 ప్రో ఎలక్ట్రిక్ స్కూటర్ 4 kWh లిథియం-అయాన్ బ్యాటరీని కలిగి ఉంది. ఒకసారి పూర్తిగా ఛార్జ్ చేస్తే స్కూటర్ దాదాపు 181 కి.మీ. గరిష్టంగా 11.3 bhp శక్తిని ఉత్పత్తి చేయగల 8.5 kW మోటార్ ద్వారా శక్తిని పొందుతుంది. ఈ ఎలక్ట్రిక్ స్కూటర్ 116 కిలోమీటర్ల వేగంతో కూడా నడపగలదు. స్కూటర్ కేవలం 2.9 సెకన్లలో 0 నుండి 40 కిమీ వేగాన్ని, 4.5 సెకన్లలో 0 నుండి 60 కిమీ వేగాన్ని అందుకోగలదు. Ola S1 ప్రో యొక్క పాత కస్టమర్లు స్కూటర్ ఫ్రంట్ సస్పెన్షన్ పూర్తిగా ఉచితంగా పొందుతారు.
Ola S1 ప్రో ఇ-స్కూటర్ 2021 లో రూ. 1.30 లక్షల ధరతో ప్రారంభించబడింది. లాంచ్ అయిన కొన్ని నెలల పాటు ఓలా స్కూటర్లు ఈ ధరకే అమ్మకాలు కొనసాగించాయి. ఇతర కంపెనీల మాదిరిగానే ఓలా కూడా ధరను రూ.10,000 పెంచుతూ నిర్ణయం తీసుకుంది. అయితే దీంతో ఎస్1 ప్రో అమ్మకాలు తగ్గుముఖం పట్టాయి. దీని తర్వాత, ఓలా ఎలక్ట్రిక్ రూ. 10,000 తగ్గింపుతో విక్రయాన్ని కొనసాగించింది. ఎస్1 ప్రో ప్రస్తుతం రూ.1.30 లక్షల ఎక్స్-షోరూమ్ ధరగా ఉంది.
