LPG Gas Prices: గ్యాస్‌ వినియోగదారులకు షాక్‌.. పెరిగిన సిలిండర్‌ ధర.. ఎంతో తెలుసా?

బడ్జెట్ తర్వాత సామాన్య ప్రజలు షాక్‌ ఇచ్చాయి గ్యాస్‌ సిలిండర్‌ కంపెనీలు. ఆయిల్ మార్కెటింగ్ కంపెనీలు 19 కిలోల కమర్షియల్ గ్యాస్ సిలిండర్ ధరను రూ.8.50 పెంచాయి. కంపెనీలు 14.2 కిలోల డొమెస్టిక్ సిలిండర్ ధరల్లో ఎలాంటి మార్పు చేయలేదు. కానీ 19 కిలోల కమర్షియల్ సిలిండర్ ధరను పెంచాయి. IOCL వెబ్‌సైట్ ప్రకారం.. ఈ మారిన రేట్లు ఈరోజు అంటే ఆగస్టు 1, 2024 నుండి అమలులోకి వచ్చాయి...

మనం ఇంట్లో ఉపయోగించే గ్యాస్ సిలిండర్ నిండుది వాడుతున్నప్పుడు మంట రంగు నీలం రంగులో కనిపిస్తుంది. అలాగే, సిలిండర్ ఖాళీగా ఉన్నప్పుడు, ఈ రంగు క్రమంగా పసుపు రంగులోకి మారుతుంది. అంటే ఏ సమయంలోనైనా గ్యాస్ అయిపోతుందని గుర్తించుకోవాలి. దీంతో మనకు సప్లై చేసిన గ్యాస్‌ సిలిండర్‌ నిండుగా వచ్చిందా..? లేదంటే సగం వరకు మాత్రమే ఫిల్‌ చేశారా అనేది తెలుసుకోవచ్చు.

Subhash Goud |
Updated on: Aug 01, 2024 | 10:35 AM

బడ్జెట్ తర్వాత సామాన్య ప్రజలు షాక్‌ ఇచ్చాయి గ్యాస్‌ సిలిండర్‌ కంపెనీలు. ఆయిల్ మార్కెటింగ్ కంపెనీలు 19 కిలోల కమర్షియల్ గ్యాస్ సిలిండర్ ధరను రూ.8.50 పెంచాయి. కంపెనీలు 14.2 కిలోల డొమెస్టిక్ సిలిండర్ ధరల్లో ఎలాంటి మార్పు చేయలేదు. కానీ 19 కిలోల కమర్షియల్ సిలిండర్ ధరను పెంచాయి. IOCL వెబ్‌సైట్ ప్రకారం.. ఈ మారిన రేట్లు ఈరోజు అంటే ఆగస్టు 1, 2024 నుండి అమలులోకి వచ్చాయి.

ఈరోజు ఆగస్ట్ నెల మొదటి రోజు. ఎల్‌పిజి సిలిండర్ ధరలు ప్రతి నెలా మొదటి తేదీన నిర్ణయిస్తారు. ఆయిల్ మార్కెటింగ్ కంపెనీలు నేటి నుంచి 19 కిలోల కమర్షియల్ సిలిండర్ ధరను రూ.8.50 పెంచాయి. ఢిల్లీలో ధర రూ.1652.50గా మారింది. ఈ సిలిండర్ కోల్‌కతాలో రూ.1764.50కి అందుబాటులో ఉంటుంది. ఈ సిలిండర్ ముంబైలో రూ.1605, చెన్నైలో సిలిండర్ ధర రూ.1817కి చేరింది. హైదరాబాద్‌లో రూ.1872 గా ఉంది.

ఇది కూడా చదవండి: Gas Cylinder: గ్యాస్ సిలిండర్ గురించి ముఖ్యమైన ప్రకటన.. తప్పక తెలుసుకోండి!

ఇవి కూడా చదవండి

దేశీయంగా 14 కిలోల సిలిండర్ ధరలో ఎలాంటి మార్పు లేదు:

14.2 కిలోల డొమెస్టిక్ గ్యాస్ సిలిండర్ ధరల్లో ఎలాంటి మార్పు లేదు. ఇది ఢిల్లీలో రూ. 803, కోల్‌కతాలో రూ. 829, ముంబైలో రూ. 802.50, చెన్నైలో రూ. 818.50గా ఉంది. సాధారణ కస్టమర్లకు ఢిల్లీలో దీని ధర రూ. 803 ఉండగా, హైదరాబాద్‌లో రూ.855గా ఉంది. అదే ఉజ్వల లబ్ధిదారులకు దీని ధర రూ. 603గా ఉంది.

జూలై 1న రేట్లు:

జూలై 1న 19 కిలోల కమర్షియల్ సిలిండర్ ధర రూ.30 తగ్గింది. ఢిల్లీలో రూ.1646, కోల్‌కతాలో సిలిండర్ ధర రూ.1756, ముంబైలో సిలిండర్ రూ.1598, చెన్నైలో సిలిండర్ రూ.1809గా ఉంది.

జూన్ 1న గ్యాస్ సిలిండర్ ధర

ఆయిల్ మార్కెటింగ్ కంపెనీలు జూన్ 1న 19 కిలోల కమర్షియల్ సిలిండర్ ధరను రూ.72 తగ్గించాయి. ఆ తర్వాత ఢిల్లీలో రూ.1676, కోల్‌కతాలో రూ.1787, ముంబైలో రూ.69.50 తగ్గి రూ.1629, చెన్నైలో సిలిండర్ రూ.1840.50కి చేరింది.

ఇది కూడా చదవండి: AP News: ఏపీ ప్రజలకు గుడ్‌న్యూస్‌.. భారీగా తగ్గిన ధరలు.. ఇది కదా కావాల్సింది!

మరిన్ని బిజినెస్ వార్తల కోసం ఇక్కడ క్లిక్ చేయండి