LIC: ఎల్ఐసీ సరికొత్త స్కీమ్.. ప్రతి మహిళకు నెలకు రూ.7000.. ఎలా దరఖాస్తు చేసుకోవాలి?
LIC Scheme: ఈ పథకం ప్రయోజనాలను పొందడానికి దరఖాస్తు చేసుకునే మహిళల వయస్సు 18 - 70 సంవత్సరాల మధ్య ఉండాలి. కనీస విద్యార్హత 10వ తరగతి పాస్ అయి ఉండాలి. అయితే LICలో ప్రస్తుతం ఉన్న ఏజెంట్లు లేదా ఉద్యోగులు..
Updated on: Aug 03, 2025 | 11:43 AM
LIC: లైఫ్ ఇన్సూరెన్స్ కార్పొరేషన్ ఆఫ్ ఇండియా (LIC) మహిళలను స్వావలంబన చేయడానికి LIC బీమా సఖి యోజన అనే ప్రత్యేక పథకాన్ని ప్రారంభించింది. దేశంలోనే అతిపెద్ద బీమా సంస్థ LIC ఈ పథకం ముఖ్యంగా ప్రతి నెలా ఆదాయం సంపాదించడం ద్వారా తమ కుటుంబాన్ని పోషించుకోవాలనుకునే మహిళల కోసం. ఈ పథకం కింద మహిళలు LIC ఏజెంట్లుగా మారడం ద్వారా సంపాదిస్తారు. అంతేకాకుండా బీమా గురించి ప్రజలకు అవగాహన కల్పిస్తారు.
ఇది కూడా చదవండి: Hero Vida: సింగిల్ ఛార్జింగ్తో 142కి.మీ మైలేజ్.. ధర కేవలం రూ.45,000 మాత్రమే.. రికార్డ్ స్థాయిలో అమ్మకాలు!
ఇక్కడ మహిళలను ఎల్ఐసీ ఏజెంట్లుగా తీర్చిదిద్దడమే ప్రధాన ఉద్దేశం. ఇక్కడ ముందుగా మహిళల్ని నియమించుకొని ట్రైనింగ్ కూడా ఇస్తారు. వారి వారి కమ్యూనిటిల్లో బీమాపై అవగాహన పెంపొందించడం ద్వారా నెలనెలా సంపాదించేలా కృషి చేస్తారు. వారినే బీమా సఖీలు అని పిలుస్తారు. ఇందులో భాగంగానే ఇన్సెంటివ్లు, ఇంకా భవిష్యత్తులో ఆర్థికంగా ఎదిగేందుకు ప్రమోషనల్ సపోర్ట్ కూడా ఇస్తారు.
మీరు LIC ఏజెంట్ కావడం ద్వారా సంపాదన:
బీమా సఖి పథకం లక్ష్యం మహిళలను LIC ఏజెంట్లుగా నియమించడం, వారికి పూర్తి శిక్షణ, అవసరమైన వనరులను అందించడం. శిక్షణ తర్వాత ఈ మహిళలు గ్రామాలు, పట్టణాల్లోని ప్రజలకు బీమా పథకాల ప్రయోజనాల గురించి చెబుతారు. విజయవంతమైన ఏజెంట్గా మారడానికి మహిళలు మరింత మందిని చేరుకోవడానికి ఆర్థిక సహాయం, ప్రచార సామగ్రిని కూడా అందిస్తారు.
ప్రభుత్వం మూడు సంవత్సరాలకు ఎంత డబ్బు?
ఈ పథకం గురించి ప్రత్యేకత ఏమిటంటే ఎంపికైన మహిళా ఏజెంట్లకు మొదటి మూడు సంవత్సరాలు నెలవారీ స్టైఫండ్ లభిస్తుంది. మొదటి సంవత్సరంలో వారికి ప్రతి నెలా రూ. 7,000 అందిస్తారు. రెండవ సంవత్సరంలో ఈ మొత్తం నెలకు రూ. 6,000కు తగ్గుతుంది. కానీ దీనికి షరతు ఏమిటంటే ఇక్కడ మొదటి సంవత్సరంలో పూర్తి చేసిన పాలసీల్లో కనీసం 65% రెండవ సంవత్సరం కూడా కొనసాగాలి. ఇక్కడే 65 శాతం కంటే తక్కువ ఉంటే మాత్రం ఆ మొత్తం అందుకోలేరని గుర్తించుకోండి. మూడో సంవత్సరంలో ఇది నెలకు రూ. 5 వేలుగా ఉంది.
ఈ పథకం వల్ల ఎవరు ప్రయోజనం పొందుతారు?
ఈ పథకం ప్రయోజనాలను పొందడానికి దరఖాస్తు చేసుకునే మహిళల వయస్సు 18 – 70 సంవత్సరాల మధ్య ఉండాలి. కనీస విద్యార్హత 10వ తరగతి పాస్ అయి ఉండాలి. అయితే LICలో ప్రస్తుతం ఉన్న ఏజెంట్లు లేదా ఉద్యోగులు, వారి దగ్గరి బంధువులు ఈ పథకానికి అర్హులు కారు. బంధువులలో జీవిత భాగస్వామి, తల్లిదండ్రులు, పిల్లలు, తోబుట్టువులు, అత్తమామలు ఉన్నారు. అదేవిధంగా పదవీ విరమణ చేసిన ఉద్యోగులు, మాజీ ఏజెంట్లను కూడా ఈ పథకం కింద తిరిగి నియమించరు.
ఈ విధంగా ఎల్ఐసీ బీమా సఖి యోజన మహిళలకు ఆదాయ వనరుగా మారడమే కాకుండా వారి ప్రాంతంలో వారిని సామాజికంగా బలోపేతం చేస్తుంది. మీరు కూడా ఆర్థికంగా సాధికారత పొందాలనుకుంటే ఈ పథకం మీకు గొప్ప అవకాశంగా ఉంటుంది. 2024 డిసెంబర్ 9న ప్రధాన మంత్రి నరేంద్ర మోదీ ప్రారంభించిన ఈ పథకంలో మహిళలు బీమా సఖీలుగా మారడానికి శిక్షణ ఇస్తారు.
Strong Women, Stronger Futures!
LIC’s Bima Sakhi scheme helps women build a brighter future, enabling them to take steps towards self-reliance and empowerment.
Swawalambi Naari,Khushhali Hamari#LIC #BimaSakhi #WomenEmpowerment pic.twitter.com/cVuY3Xha42
— LIC India Forever (@LICIndiaForever) July 17, 2025
ఇది కూడా చదవండి: Traffic Challans: గుడ్న్యూస్.. మీ వాహనంపై చలాన్లు ఉన్నాయా? సగం డబ్బులు మాఫీ!
మరిన్ని బిజినెస్ వార్తల కోసం ఇక్కడ క్లిక్ చేయండి
