Indian Alcohol: తెగ తాగేస్తున్నారు.. ఇండియన్ లిక్కర్ విదేశాల్లో చాలా ఫేమస్.. 8 వేల కోట్ల ప్లాన్ ఏంటి?
ప్రపంచవ్యాప్తంగా భారతీయ మద్యానికి పెరుగుతున్న డిమాండ్ దృష్ట్యా, అంతర్జాతీయ మార్కెట్లలో ఆల్కహాలిక్, నాన్-ఆల్కహాలిక్ పానీయాలను ప్రోత్సహించాలని ప్రభుత్వం యోచిస్తోంది. రాబోయే కొన్నేళ్లలో తమ ఎగుమతులను ఒక బిలియన్ అమెరికన్ డాలర్లకు (సుమారు రూ. 8,000 కోట్లు) పెంచాలని ప్రభుత్వం లక్ష్యంగా పెట్టుకుంది. వాణిజ్య మంత్రిత్వ శాఖకు చెందిన అగ్రికల్చర్..
![Indian Alcohol: తెగ తాగేస్తున్నారు.. ఇండియన్ లిక్కర్ విదేశాల్లో చాలా ఫేమస్.. 8 వేల కోట్ల ప్లాన్ ఏంటి?](https://images.tv9telugu.com/wp-content/uploads/2024/09/indian-alcohol.jpg?w=1280)
ప్రపంచవ్యాప్తంగా భారతీయ మద్యానికి పెరుగుతున్న డిమాండ్ దృష్ట్యా, అంతర్జాతీయ మార్కెట్లలో ఆల్కహాలిక్, నాన్-ఆల్కహాలిక్ పానీయాలను ప్రోత్సహించాలని ప్రభుత్వం యోచిస్తోంది. రాబోయే కొన్నేళ్లలో తమ ఎగుమతులను ఒక బిలియన్ అమెరికన్ డాలర్లకు (సుమారు రూ. 8,000 కోట్లు) పెంచాలని ప్రభుత్వం లక్ష్యంగా పెట్టుకుంది. వాణిజ్య మంత్రిత్వ శాఖకు చెందిన అగ్రికల్చర్ అండ్ ప్రాసెస్డ్ ఫుడ్ ప్రొడక్ట్స్ ఎక్స్పోర్ట్ డెవలప్మెంట్ అథారిటీ (APEDA) ప్రకారం.. ఆల్కహాలిక్ పానీయాల ఎగుమతుల విషయంలో భారతదేశం ప్రస్తుతం ప్రపంచంలో 40వ స్థానంలో ఉంది. అంచనాల ప్రకారం, దేశం అపరిమిత ఎగుమతి సామర్థ్యాన్ని కలిగి ఉంది. మేక్ ఇన్ ఇండియా ప్లాన్ కింద ప్రధాన విదేశీ మార్కెట్లకు భారతీయ మద్యం ఎగుమతులను పెంచడం అథారిటీ లక్ష్యం.
ఇది కూడా చదవండి: Gold Price Today: బంగారం ప్రియులకు శుభవార్త.. తగ్గిన గోల్డ్, సిల్వర్ ధరలు..!
సంపాదన ఎంత?
రాబోయే కొద్ది సంవత్సరాల్లో ఎగుమతి ఆదాయాన్ని ఒక బిలియన్ డాలర్లకు పెంచాలని లక్ష్యంగా పెట్టుకున్నట్లు APEDA బుధవారం ఒక ప్రకటనలో తెలిపింది. 2023-24 సంవత్సరంలో దేశంలో మద్య పానీయాల ఎగుమతి రూ.2,200 కోట్లకు పైగా ఉంది. యుఎఇ, సింగపూర్, నెదర్లాండ్స్, టాంజానియా, అంగోలా, కెన్యా, రువాండా వంటి దేశాలకు గరిష్ట ఎగుమతులు జరిగాయి. డియాజియో ఇండియా (యునైటెడ్ స్పిరిట్స్ లిమిటెడ్) గోదావన్ను UKలో ప్రారంభించేందుకు సిద్ధంగా ఉందని APEDA తెలిపింది. ఇది రాజస్థాన్లో తయారైన సింగిల్-మాల్ట్ విస్కీ.
అమెరికా, ఐరోపాలో ఎగుమతి ప్రణాళిక:
ఇండియన్ బ్రూవర్స్ అసోసియేషన్ డైరెక్టర్ జనరల్ వినోద్ గిరి మాట్లాడుతూ..ఈ రంగంలో అపారమైన అవకాశాలున్నాయని, అధిక-నాణ్యత గల విస్కీ ఉత్పత్తిదారుగా భారతదేశ ఖ్యాతిని పెంపొందించడంలో సింగిల్-మాల్ట్ విస్కీ ప్రధాన పాత్ర పోషిస్తుండగా, ప్రీమియం ఇండియన్ విస్కీ వంటి రుచి, ధరల పరంగా మరింత రుచికరమైన పానీయాల కోసం డిమాండ్ పెరుగుతుందని ఆయన చెప్పారు. అమెరికా, ఆఫ్రికా, యూరప్లకు ఎగుమతులకు అపరిమితమైన అవకాశం ఉందని గిరి చెప్పారు. రాష్ట్ర ఎక్సైజ్ పాలసీలలో ఎగుమతి ప్రోత్సాహాన్ని చేర్చాలని రాష్ట్రాలను కోరాలని ఆయన ప్రభుత్వానికి సూచించారు.
ఇది కూడా చదవండి: Taxpayers: పన్ను కట్టేవారిలో వీరే తోపులు.. ఫస్ట్ ప్లేస్లో ఎవరున్నారో తెలిస్తే మైండ్ బ్లాక్ అవ్వాల్సిందే
మరిన్ని బిజినెస్ వార్తల కోసం ఇక్కడ క్లిక్ చేయండి