ITR: టాక్స్ తప్పించుకోవాలని రిటర్న్స్‌లో తప్పులు చేస్తున్నారా.. అయితే మీకో అవకాశం..

కరీంనగర్‌కు చెందిన శ్రీనివాస్ ఒక ప్రైవేట్ కంపెనీలో పనిచేస్తున్నారు. అతను 2021 ఆగస్టులో తన ఇంటిని విక్రయించి రూ. 10 లక్షల లాభం పొందారు. కానీ పన్ను ఆదా చేయడానికి, అతను తన ఆదాయపు పన్ను రిటర్న్‌లో అంటే ఐటీఆర్‌లో ఈ లాభాన్ని చూపించలేదు. అయితే ఇటువంటి పనే చేసిన తన స్నేహితుడికి ఐటీ శాఖ నుంచి నోటీసు రావడంతో ఆందోళన చెందాడు. ఇప్పుడు ఈ తప్పులను సరిదిద్దుకోవడానికి సురేష్ లాంటి వాళ్లకు బడ్జెట్‌లో అవకాశం వచ్చింది. వ్యక్తులకు పన్ను విధించదగిన ఆదాయం ఉంటే. ఈ ఆదాయాన్ని ITRలో వెల్లడించకపోతే, వారు జరిమానాతో సవరించిన రిటర్నులను దాఖలు చేయవచ్చు. పన్ను చెల్లింపుదారులు ఈ అవకాశం ద్వారా తమ తప్పులను సరిదిద్దుకోవచ్చు. దీని కోసం వారికి రెండేళ్ల సమయం ఇచ్చారు. వారు రెండేళ్ల పాత రిటర్న్‌ను కూడా ఫైల్ చేయవచ్చు. దీని కోసం వారు జరిమానా చెల్లించాల్సి ఉంటుంది. ఉదాహరణకు, ప్రస్తుత సిస్టమ్‌లో సురేష్ సవరించిన ITRని రూ. 5,000 జరిమానాతో మార్చి 31, 2022 వరకు ఫైల్ చేయవచ్చు. ఆ తర్వాత వేరే ఆప్షన్ లేదు. కొత్త విధానంలో పన్ను చెల్లింపుదారుల గడువు తేదీ తర్వాత రెండేళ్ల వరకు సవరించిన రిటర్న్‌ను దాఖలు చేయవచ్చు. ఒక వ్యక్తి పన్ను చెల్లించడానికి బాధ్యత వహిస్తే, అతను రిటర్న్ దాఖలు చేయనట్లయితే అతను జరిమానాతో కూడా రిటర్న్‌ను దాఖలు చేయవచ్చు.

ఫైనాన్స్ బిల్లు ప్రకారం.. గడువు తేదీ తర్వాత ఒక సంవత్సరంలోపు సవరించిన ఐటీఆర్ దాఖలు చేస్తే, మొత్తం పన్ను వడ్డీపై 25 శాతం జరిమానా చెల్లించాల్సి ఉంటుంది. గడువు తేదీ తర్వాత ఒక సంవత్సరం తర్వాత 24 నెలల ముందు రిటర్న్ దాఖలు చేస్తే, అప్పుడు 50 శాతం పెనాల్టీ చెల్లించాలి. స్వచ్ఛంద పన్ను మదింపు కింద, నెలకు ఒక శాతం చొప్పున వడ్డీ వసూలు చేస్తారు. స్వచ్ఛంద పన్ను వర్తింపు కోసం ప్రభుత్వం చేపట్టిన మంచి చొరవ ఇది. కానీ ప్రతి ఒక్కరూ ఈ ఫీచర్‌ని ఉపయోగించలేరు. ఆదాయపు పన్ను శాఖ నుండి నోటీసులు అందుకున్న వారు లేదా విషయం పరిశీలనలో ఉన్నవారు ఈ సౌకర్యాన్ని ఉపయోగించలేరు. ఒక వ్యక్తి రీఫండ్ పొందాలనుకుంటే లేదా గృహ రుణం మొదలైన వాటికి ITR అవసరమైతే, అతను ఈ సదుపాయాన్ని ఉపయోగించుకోలేరు.

వాస్తవానికి, ప్రజలు స్వచ్ఛందంగా పన్ను చెల్లించాలనేది ఈ సౌకర్యం కల్పించడం వెనుక ప్రభుత్వ ఉద్దేశం. ఏదైనా అనుకోకుండా పొరపాటు జరిగితే, పన్ను చెల్లింపుదారు ఎలాంటి ఇబ్బంది లేకుండా సరిదిద్దుకునే అవకాశాన్ని పొందాలనేదే ప్రభుత్వ ఆలోచన. టాక్స్ ఎక్స్ పర్ట్ యతేంద్ర ఖేమ్కా మాట్లాడుతూ అప్రకటిత ఆదాయం ఉన్నవారు తప్పనిసరిగా ఈ సదుపాయాన్ని సద్వినియోగం చేసుకోవాలన్నారు. మీరు ఈ ఆదాయాన్ని ఐటీఆర్‌లో చూపించకుంటే, అది ఖచ్చితంగా పన్ను ఎగవేత కేసు అవుతుంది. ఈ రోజుల్లో, అన్ని ఆర్థిక లావాదేవీల వివరాలు మీ పాన్‌తో లింక్ అయి ఉంటాయి. వీటిని ఆదాయపు పన్ను శాఖ నిశితంగా పరిశీలిస్తోందనే విషయాన్ని గుర్తుంచుకోవాలని ఖేమ్కా చెబుతున్నారు. సహజంగానే, మీరు ఇప్పుడు పన్ను బాధ్యత నుండి తప్పించుకున్నప్పటికీ భవిష్యత్తులో ఇది మీకు ఇబ్బంది కలిగించవచ్చు . అందువల్ల, జరిమానా చెల్లించి, అన్ని రకాల చింతలను వదిలించుకోవటం మంచిదని ఆయన సూచిస్తున్నారు.

Read Also..  Gold: బంగారం కొనే ముందు ఈ విషయాలు గుర్తుంచుకోండి.. లేకుంటే మోసపోతారు..