Post Office TD: అతి తక్కువ సమయంలోనే మీ డబ్బులు డబుల్.. కేవలం రూ. 5లక్షల పెట్టుబడితో పది లక్షలు సంపాదించే అవకాశం..

భద్రత, అధిక రాబడి ఆశించే వారికి పోస్ట్ ఆఫీసు స్కీమ్స్ మంచి ఆప్షన్స్. ప్రభుత్వం భరోసాతో పాటు అధిక రాబడిని పోస్ట్ ఆఫీసు పథకాలు అందిస్తాయి. మీ పెట్టుబడిని డబుల్ రాబడినిచ్చే పథకాలు కూడా చాలా ఉన్నాయి. సులభ వాయిదాలలో రూ. 5లక్షలు పెట్టుబడి పెట్టడం ద్వారా మీరు రూ. 10లక్షలు సంపాదించొచ్చు. అది కూడా కేవలం పదేళ్లలోనే ఈ రాబడి వస్తుంది. ఇది పోస్ట్ ఆఫీసు పథకాల్లో బెస్ట్ అని చెప్పొచ్చు. ఆ పథకం పేరు పోస్ట్ ఆఫీస్ టైం డిపాజిట్ స్కీమ్. దీనిలో కాంపౌండ్ ఇంటరెస్ట్ వస్తుంది. కాబట్టి పెట్టిన పెట్టుబడి డబుల్ అవుతుంది. ఈ పథకం పూర్తి వివరాలు ఇప్పుడు చూద్దాం..

7.5శాతం వడ్డీ రేటు..

2023, ఏప్రిల్ 1 నుంచి పోస్ట్ ఆఫీస్ టైం డిపాజిట్ పై వడ్డీ రేటును ప్రభుత్వం పెంచింది. పోస్ట్ ఆఫీసులో ఈ ఖాతా ప్రారంభించిన వారికి వడ్డీ రేటు 7.5శాతం వస్తుంది. ఒకవేళ దీనిలో మీరు రూ. 5లక్షలు పెట్టుబడి పెడితే.. మెచ్యూరిటీ సమయానికి మీరు రూ. 7,24,974 పొందుతారు. దీనిలో మీరు వడ్డీగా రూ. 2,24,974 పొందినట్లు లెక్క.

పదేళ్లలో డబ్బులు డబుల్..

మీరు మెచ్యూరిటీ వ్యవధిని ఐదేళ్ల నుంచి మరో ఐదేళ్లు పెంచి 10 ఏళ్లకు కొనసాగిస్తే ఆ డబ్బులు మొత్తం రూ. 10,51,175 అవుతుంది. అంటే మీరు పెట్టిన పెట్టుబడిపై వడ్డీనే రూ. 5,51,175 ఉంటుంది. కాబట్టి పదేళ్లలో మీ డబ్బులు డబుల్ అవడం మాత్రం ఖాయం.

ఇవి కూడా చదవండి

Education Loan: అతి తక్కువ వడ్డీతో ఈజీగా విద్యారుణం కావాలా? అయితే ఈ టిప్స్ ఫాలో అవ్వండి చాలు..

Credit Card: క్రెడిట్ కార్డు ఎలా వాడాలి? ఇవి తెలుసుకోకపోతే చాలా నష్టపోతారు..

Apple iPhone: యాపిల్ ఐఫోన్ కావాలా నాయనా.. మీ కలను నెరవేర్చుకునేందుకు రోజుకు రూ. 73 చాలు..

100 గుణిజాలలో పెట్టుబడి పెట్టొచ్చు..

ఈ పోస్ట్ ఆఫీసు పథకంలో మీరు రూ. 100 పెట్టుబడి పెట్టొచ్చు. దీనిలో గరిష్ట పెట్టుబడికి ఎటువంటి పరిమితి లేదు. కేంద్ర ఫైనాన్స్ మినిస్ట్రీ ప్రతి క్వార్టర్ కు దీని వడ్డీ రేటును సవరిస్తుంది.

టైం డిపాజిట్ ప్రత్యేకతలివి..

• ఈ పథకంలో పదేళ్లకు పైబడిన వారు ఎవరైనా పెట్టుబడి పెట్టొచ్చు. ఒకవేళ మైనర్ పేరున ఖాతా ప్రారంభించాలనుకుంటే సంరక్షకులుగా తల్లిదండ్రులు ఉంటారు.
• సింగిల్ గా లేదా జాయింట్ గా ఖాతాను ప్రారంభించవచ్చు.
• కనీసం 1000 నుంచి గరిష్టంగా ఎంతైనా పెట్టుబడి పెట్టొచ్చు.
• దీనిలో మీరు ఏడాదికి లేదా రెండేళ్లు, మూడేళ్లు, ఐదేళ్లకు ఒకసారి పెట్టుబడి పెట్టొచ్చు. ఒక ఏడాదికి అయితే 6.8 శాతం వడ్డీ వస్తుంది. రెండేళ్లకు అయితే 6.9, మూడేళ్లకు అయితే 7.0శాతం, ఐదేళ్లకు అయితే 7.6శాతం వడ్డీ రేటు వస్తుంది.

ట్యాక్స్ బెనిఫిట్స్..

ఈ పోస్ట్ ఆఫీసు పథకంలో మీకు ఆదాయ పన్ను చట్టం సెక్షన్ 80సీ ప్రకారం రూ. 1.5లక్షల వరకూ పన్ను ఆదా చేసుకోవచ్చు. ఇక్కడ గమనించాల్సింది ఏమిటంటే ఫిక్స్ డ్ డిపాజిట్ పై మెచ్యూరిటీ సమయానికి వచ్చే మొత్తంపై ట్యాక్స్ వసూలు చేస్తారు. కాబట్టి ఎఫ్ డీ కన్నా టైం డిపాజిట్ ఈ రకంగా ప్రయోజనకరంగా ఉంటుంది.

మరిన్ని బిజినెస్ వార్తల కోసం ఇక్కడ క్లిక్ చేయండి..