FD Rates: కస్టమర్లకు ఆ బ్యాంక్ గుడ్ న్యూస్.. స్పెషల్ ఎఫ్డీ పథకంతో భారీగా వడ్డీ ఆఫర్
ఇటీవల ఆర్బీఐ రెపో రేటును యథాతథంగా ఉంచడంతో బ్యాంకులు ఫిక్స్డ్ డిపాజిట్ల వడ్డీ రేట్లపై సంయమనం పాటించాయి. అయితే మరికొన్ని బ్యాంకులు మాత్రం పెట్టుబడిదారులను ఆకర్షించడానికి వడ్డీ రేట్లను పెంచుతున్నాయి. తాజాగా ప్రముఖ ప్రైవేట్ రంగ బ్యాంకు హెచ్డీఎఫ్సీ తన ఫిక్స్డ్ డిపాజిట్ ఖాతాదారుల కోసం ప్రత్యేక డిపాజిట్ పథకాన్ని ప్రవేశపెడుతున్నట్లు పేర్కొంది.
Updated on: Jun 05, 2023 | 3:45 PM
ధనం మూలం ఇదం జగత్ అనే నానుడి అందరికీ తెలిసిందే. ప్రస్తుత సమాజంలో డబ్బు ఉంటేనే మనిషికి విలువ. అందుకే ప్రతి ఒక్కరూ మారిన కాలానికి అనుగుణంగా పొదుపు మంత్రం పాటిస్తూ ఉంటారు. ముఖ్యంగా సీనియర్ సిటిజన్లు జీవితాంతం కష్టపడి సంపాదించిన సొమ్మును నమ్మకమైన రాబడి కోసం చూస్తూ ఉంటారు. ఇలాంటి వారు కచ్చితంగా ఫిక్స్డ్ డిపాజిట్లల్లో పెట్టుబడి పెట్టడానికి ఆసక్తి చూపుతూ ఉంటారు. అలాగే కొంతమంది మామూలు పెట్టుబడిదారులు కూడా ఎఫ్డీలపై మొగ్గు చూపుతూ ఉంటారు. బ్యాంకులు కూడా పెట్టుబడిదారులను ఆకర్షించడానికి వివిధ ఆఫర్లను పెడుతూ ఉంటారు. గతేడాది నుంచి ద్రవ్యోల్భణాన్ని అరికట్టేందుకు ఆర్బీఐ తీసుకున్న చర్యల కారణంగా అన్ని బ్యాంకులు తమ ఫిక్స్డ్ డిపాజిట్లపై వడ్డీ రేటును గణనీయంగా పెంచాయి. అయితే ఇటీవల ఆర్బీఐ రెపో రేటును యథాతథంగా ఉంచడంతో బ్యాంకులు ఫిక్స్డ్ డిపాజిట్ల వడ్డీ రేట్లపై సంయమనం పాటించాయి. అయితే మరికొన్ని బ్యాంకులు మాత్రం పెట్టుబడిదారులను ఆకర్షించడానికి వడ్డీ రేట్లను పెంచుతున్నాయి. తాజాగా ప్రముఖ ప్రైవేట్ రంగ బ్యాంకు హెచ్డీఎఫ్సీ తన ఫిక్స్డ్ డిపాజిట్ ఖాతాదారుల కోసం ప్రత్యేక డిపాజిట్ పథకాన్ని ప్రవేశపెడుతున్నట్లు పేర్కొంది. ఈ పథకంలో వడ్డీ రేట్లు ఎలా ఉన్నాయో? ఓ లుక్కేద్దాం.
భారతీయ ప్రైవేట్ రంగ బ్యాంక్ హెచ్డీఎఫ్సీ బ్యాంక్ మే 30న అధిక రాబడిని కోరుకునే కస్టమర్లకు రెండు ప్రత్యేక పదవీకాల ఫిక్స్డ్ డిపాజిట్ పథకాలను ప్రవేశపెట్టింది. వరుసగా 35-55 నెలల కాలవ్యవధితో ఈ పథకాలు 7.20 శాతం మరియు 7.25 శాతం వడ్డీ రేట్లను అందిస్తాయి. రూ. 2 కోట్ల లోపు డిపాజిట్ల కోసం ప్రత్యేకంగా రూపొందించిన ఈ ప్రత్యేక టెన్యూర్ ఫిక్స్డ్ డిపాజిట్ స్కీమ్లు కస్టమర్లు తమ పొదుపును పెంచుకోవడానికి ఆకర్షణీయమైన అవకాశాన్ని కల్పిస్తాయి. అదనంగా సీనియర్ సిటిజన్ కస్టమర్లు ఆమోదించిన రేటు కంటే 0.5 శాతం వరకు అదనపు వడ్డీ మార్జిన్ను పొందవచ్చు. డిపాజిట్ రేట్లు గరిష్ట స్థాయికి చేరువలో ఉన్న సమయంలో ఈ స్కీమ్ల పరిచయం వస్తుంది. ఇది అధిక రాబడితో దీర్ఘకాలిక పెట్టుబడుల కోసం వెతుకుతున్న వ్యక్తులకు ఇది సరైన క్షణంగా నిపుణులు భావిస్తున్నారు. ఫిక్స్డ్ డిపాజిట్లలో పెట్టుబడి అనేది పెట్టుబడికి సురక్షితమైన సాధనాల్లో ఒకటి. రిటర్న్లు. కొత్త పథకాలు మా కస్టమర్లు, నాన్కస్టమర్లు అధిక రాబడితో ఎక్కువ కాలం పాటు తమ డబ్బును సురక్షితంగా ఉంచుకోవాలని చూస్తున్న వారికి ఎంతో ప్రయోజనం చేకూరుస్తాయని నిపుణులు పేర్కొంటున్నారు.
మరిన్ని బిజినెస్ వార్తల కోసం..
