Gold Investment: పొదుపుపై యువతలో పెరుగుతున్న ఆసక్తి.. చైనాలో బంగారంపై బంగారంలాంటి పెట్టుబడి మార్గం

ధనం మూలం ఇదం జగత్ అంటే డబ్బు ఉన్న వారికే సమాజంలో విలువ ఉంటుందని అర్థం. అయితే ఇటీవల పెరుగుతున్న ఖర్చులు వయస్సుతో సంబంధం లేకుండా పొదుపుపై ఆసక్తి చూపుతన్నారు. చైనీస్ యువకులు ఆర్థిక అస్థిరత మధ్య సురక్షితమైన పెట్టుబడి ఎంపికగా యూనిట్‌కు 400 నుంచి 600 ఆర్ఎంబీ మధ్య ధర కలిగిన ఒక గ్రాము బరువున్న “గోల్డ్ బీన్స్” చిన్న బంగారు ఉత్పత్తులను ఎక్కువగా కొనుగోలు చేస్తున్నారు. ఈ ట్రెండ్ ముఖ్యంగా చైనా జనరేషన్ జెడ్‌లో జనాదరణ పొందింది. ప్రతి నెలా బంగారు గింజలను కొనుగోలు చేసే కొత్త ట్రెండ్‌కు దారితీసింది. సోషల్ మీడియా ప్లాట్‌ఫారమ్‌లు ప్రత్యేకించి విబో యువ చైనీస్లో బంగారంపై ఇష్టాన్ని పెంచడంలో ముఖ్యమైన పాత్ర పోషించాయి. “వై ఆర్  యూత్ బయ్యింగ్ గోల్డ్?” వంటి హ్యాష్ ట్యాగ్లు మిలియన్ల కొద్దీ హిట్లను పొందాయి. ఈ నేపథ్యంలో బంగారానికి సంబంధించిన శాశ్వత విలువ గురించి సజీవ చర్చలకు దారితీసింది. సోషల్ మీడియాలో పోస్ట్‌లు తరచుగా బంగారం కొనడం స్థిరత్వాన్ని తెస్తుంది. అలాగే అత్యవసర సమయాల్లో ఇబ్బందులను దూరం చేస్తుందని చైనా యువత నమ్ముతున్నట్లు పలు నివేదికలు వెల్లడిస్తున్నాయి. ఈ నేపథ్యంలో బంగారు బీన్స్ గురించి మరిన్ని వివరాలను తెలుసుకుందాం.

సంప్రదాయ బంగారు పెట్టుబడి ఎంపికలలో నాణేలు, బిస్కెట్లు లేదా ఇటుకలు ఉంటాయి. చైనాలో బంగారు బీన్స్‌కు సంబంధించి ప్రజాదరణ పెరుగుతోంది. 450 నుంచి 600 యువాన్ల మధ్య ధర కలిగిన ట్యాబ్లెట్ లాంటి బంగారు ఉత్పత్తులు ముఖ్యంగా 25 నుండి 35 సంవత్సరాల వయస్సు ఉన్న వ్యక్తులకు మరింత అందుబాటులో ఉండే పెట్టుబడి అవకాశాన్ని అందిస్తాయి. వారి సౌలభ్యం ఉన్నప్పటికీ కొంత మంది ఆర్థిక నిపుణులు గోల్డ్ బీన్స్ పెట్టుబడి పెట్టకుండా హెచ్చరిస్తున్నారు. చిన్న మొత్తంలో పెట్టుబడి పెట్టే వారు గోల్డ్ ఎక్స్చేంజ్-ట్రేడెడ్ ఫండ్స్ లాంటి పథకాల్లో పెట్టుబడి పెట్టాలని సూచిస్తున్నారు. ఈటీఎఫ్ లు భౌతిక బంగారం కొనుగోళ్లకు సంబంధించిన ప్రీమియంలు లేకుండా బంగారంలో పెట్టుబడి పెట్టడానికి మరింత ఖర్చుతో కూడుకున్న మరియు సమర్థవంతమైన మార్గాన్ని అందిస్తాయని చెబుతున్నారు. 

గోల్డ్ బీన్స్ 10-20 శాతం ఖరీదైనవి కానీ యువ పెట్టుబడిదారులలో బంగారం ఆకర్షణ గట్టి ఉండడంతో చాలా మంది దీనిని తక్కువ-రిస్క్ పెట్టుబడి ఎంపికగా చూస్తున్నారు.  డిసెంబర్ 2023లో బంగారం, వెండి ఆభరణాల అమ్మకాలు ఆరేళ్ల గరిష్ఠ స్థాయికి చేరుకోవడంతో బంగారం పెట్టుబడులపై ఉన్న ధోరణి ప్రభుత్వ డేటాలో ప్రతిబింబిస్తుంది. ఈ పెరుగుదల ఏడాది ప్రాతిపదికన 29.4 శాతం పెరుగుదలను సూచిస్తుంది. డిసెంబరు నుండి అత్యధికంగా బంగారం పెట్టుబడి చైనాలో అత్యంత వేగంగా అభివృద్ధి చెందుతున్న వినియోగదారు మార్కెట్స్‌లో ఒకటిగా మారింది. 

ఇవి కూడా చదవండి

ఏసీ అంటే ఇది భయ్యా..ఎండవేడి, ఉక్కపోత పరార్‌!కరెంట్ బిల్లు భయంలేదు

పేటీఎం ఖాతాదారుల్లో గందరగోళం.. మీ ప్రశ్నలన్నింటికీ సమాధానం ఇదే..

మీ పాస్ పోర్ట్ ఎక్స్ పైరీ డేట్ దగ్గరపడిందా? ఈజీగా రెన్యూవల్

ఈ కార్లలో భద్రత డొల్ల.. క్రాష్ టెస్ట్‌లో దారుణమైన రేటింగ్..

మరిన్ని బిజినెస్ న్యూస్ కోసం క్లిక్ చేయండి..