PF Clients : పీఎఫ్ ఖాతాదారులకు గుడ్ న్యూస్..! జూలై చివరి నాటికి కేంద్రం నుంచి వడ్డీ జమ.. మీ అకౌంట్‌కి ఎంత జమవుతుందో తెలుసుకోండి..

PF Clients : పీఎఫ్ ఖాతాదారులకు శుభవార్త. ఈ నెలలో మీ పిఎఫ్ ఖాతాలోకి డబ్బు జమ అవుతుంది. 2020-21 ఆర్థిక సంవత్సరానికి మోదీ ప్రభుత్వం

Epfo

uppula Raju |

Updated on: Jul 24, 2021 | 8:07 PM

PF Clients : పీఎఫ్ ఖాతాదారులకు శుభవార్త. ఈ నెలలో మీ పిఎఫ్ ఖాతాలోకి డబ్బు జమ అవుతుంది. 2020-21 ఆర్థిక సంవత్సరానికి మోదీ ప్రభుత్వం 8.5 శాతం వడ్డీని మంజూరు చేస్తోంది. మీడియా నివేదికల ప్రకారం.. జూలై చివరి నాటికి పిఎఫ్ డబ్బును బదిలీ చేయవచ్చు. 2020-21 ఆర్థిక సంవత్సరానికి జూలై చివరలో లేదా ఆగస్టు ఆరంభంలో 8.5 శాతం వడ్డీని ఇపిఎఫ్‌ఓ ఖాతాదారులకు జమ చేస్తుంది. కార్మిక మంత్రిత్వ శాఖ ఆమోదం పొందిన తరువాత ఈ డబ్బు 8.5 శాతం చొప్పున ఇపిఎఫ్ఓ వినియోగదారుల ఖాతాకు జమ అవుతుంది. గత సంవత్సరం 2019-20 ఆర్థిక సంవత్సరంలో KYC భంగం కారణంగా చాలా మంది వినియోగదారులు చాలా కాలం వేచి ఉండాల్సి వచ్చింది. 2020-21 ఆర్థిక సంవత్సరానికి వడ్డీ రేటును 8.5% నిర్ణయించారు. ఇది గత 7 సంవత్సరాలలో అతి తక్కువ వడ్డీ రేటు.

పిఎఫ్ బ్యాలెన్స్ ఎలా తనిఖీ చేయాలి? 1. SMS ద్వారా – మీ UAN నంబర్ EPFO లో నమోదు చేసి ఉంటే మీ PF బ్యాలెన్స్ సమాచారం మెస్సేజ్ ద్వారా తెలుస్తుంది. ఇందుకోసం మీరు EPFOHO ని 7738299899 కు మెస్సేజ్ పంపించాలి. పిఎఫ్ బ్యాలెన్స్ తెలుసుకోవడానికి ఇంగ్లీష్, పంజాబీ, మరాఠీ, హిందీ, కన్నడ, తెలుగు, తమిళం, మలయాళం, బెంగాలీ భాషలలో ఈ సేవ అందుబాటులో ఉంటుంది. 2. మిస్డ్ కాల్ ద్వారా బ్యాలెన్స్ తెలుసుకోండి- మీరు మీ రిజిస్టర్డ్ మొబైల్ నంబర్ నుంచి 011-22901406 కు మిస్డ్ కాల్ చేయాలి. దీని తరువాత పిఎఫ్ వివరాలు ఇపిఎఫ్ఓ మెస్సేజ్ ద్వారా లభిస్తాయి. మీ UAN, PAN, ఆధార్‌లను లింక్ చేయడం అవసరం.

ఆన్‌లైన్‌లో బ్యాలెన్స్ తనిఖీ చేయండి >> EPFO వెబ్‌సైట్‌లోకి లాగిన్ అవ్వండి. ఇ-పాస్‌బుక్ epfindia.gov.in పై క్లిక్ చేయండి. తరువాత epfindia.gov.inలో కొత్త పేజీ కనిపిస్తుంది. >> ఇక్కడ మీరు యూజర్ నేమ్ (యుఎన్ నంబర్), పాస్‌వర్డ్, క్యాప్చా నింపాలి. అన్ని వివరాలను నింపిన తరువాత మీరు కొత్త పేజీకి వస్తారు. ఇక్కడ మీరు సభ్యుల ఐడిని ఎంచుకోవాలి. ఇక్కడ మీరు ఇ-పాస్బుక్లో మీ ఇపిఎఫ్ బ్యాలెన్స్ పొందుతారు. >> మీరు ఉమాంగ్ యాప్‌లో కూడా బ్యాలెన్స్‌ను తనిఖీ చేయవచ్చు >> మీ ఉమాంగ్ యాప్ తెరవండి. EPFOపై క్లిక్ చేయండి. >> మీరు రెండో పేజీలోని ఉద్యోగుల కేంద్రీకృత సేవలపై క్లిక్ చేయాలి. >> ఇక్కడ పాస్‌బుక్ పై క్లిక్ చేసి, మీ UAN నంబర్, పాస్‌వర్డ్ (OTP) నంబర్‌ను నమోదు చేయండి. OTP మీ రిజిస్టర్డ్ మొబైల్ నంబర్‌కు వస్తుంది. అప్పుడు మీరు మీ పిఎఫ్ బ్యాలెన్స్ తనిఖీ చేయవచ్చు.