US Visa: భారతీయులకు భారీ గుడ్‌న్యూస్.. అమెరికా సంచలన నిర్ణయం!
US Visa: ఎప్పటినుంచో హెచ్ 1 బీ వీసాదారులు ఎదురుచూస్తున్న తరుణం భారతీయులకు రానే వచ్చింది. హెచ్ 1 బీ వీసాల రెన్యువల్ ప్రక్రియలో ఎప్పటినుంచో చూస్తున్న ఊరటకు గ్రీన్ సిగ్నల్ ఇచ్చింది. ఈ నేపథ్యంలోనే అమెరికాలో ప్రభుత్వం సంచలన నిర్ణయం తీసుకుంది. ఈ మేరకు ఢిల్లీలోని అమెరికా రాయబార కార్యాలయం వివరాలను వెల్లడించింది..
Updated on: Jan 07, 2025 | 5:50 PM
అమెరికాలో నివసిస్తున్న భారతీయులకు శుభవార్త. ‘హెచ్-1బీ’ వీసా రెన్యువల్ కోసం అమెరికా ప్రారంభించిన పైలట్ ప్రాజెక్ట్ విజయవంతమైంది. ఇప్పుడు స్వదేశానికి రాకుండానే అమెరికాలో భారతీయలు తమ వీసా రెన్యువల్ చేసుకోవచ్చు. అమెరికా త్వరలో వీసా పునరుద్ధరణ కార్యక్రమాన్ని ప్రారంభించబోతోందని, దీని కింద H-1B వీసా హోల్డర్లు దేశం విడిచి వెళ్లకుండానే తమ పత్రాలను పునరుద్ధరించుకోవచ్చని న్యూఢిల్లీలోని US ఎంబసీ తెలిపింది.
H-1B వీసా హోల్డర్ల కోసం యూఎస్‌ ఆధారిత పునరుద్ధరణ కార్యక్రమం ఈ సంవత్సరం అమలులోకి వచ్చే అవకాశం ఉంది. ఇది వివిధ రకాల నిపుణులు, భారతీయ కార్మికులకు ప్రయోజనం చేకూరుస్తుంది. ఎందుకంటే ప్రస్తుతం తమ వీసాను పునరుద్ధరించడానికి ఇంటికి తిరిగి రావాల్సి వస్తుంటుంది. H-1B వీసాలను రెన్యూవల్‌, రీఫిల్ చేయడానికి భారతదేశానికి తిరిగి రావడం USలో నివసిస్తున్న భారతీయ కార్మికులకు చాలా కాలంగా ఆందోళన కలిగిస్తుంది.
H-1B వీసాలను పునరుద్ధరించే పైలట్ ప్రోగ్రామ్ విజయవంతంగా పూర్తయిన తర్వాత ఇది సాధ్యమైందని US ఎంబసీ ఒక ప్రకటనలో తెలిపింది. ఈ పైలట్ ప్రోగ్రామ్ వేలాది మంది దరఖాస్తుదారుల వీసాలను పునరుద్ధరించింది.
ఇక్కడ, అమెరికాలో కొత్తగా ఎన్నికైన అధ్యక్షుడు డొనాల్డ్ ట్రంప్ ప్రమాణ స్వీకారోత్సవానికి మూడు వారాల ముందు ‘H-1B’ వీసాపై చర్చ జరుగుతోంది. దీని కారణంగా డెమోక్రటిక్, రిపబ్లికన్ పార్టీలలో విభేదాలు తలెత్తాయి. అమెరికా 47వ అధ్యక్షుడిగా ట్రంప్ జనవరి 20న ప్రమాణ స్వీకారం చేయనున్నారు. ట్రంప్ H-1B వీసాకు మద్దతు ఇచ్చాడు.
ఇది కూడా చదవండి: Tech Tips: మీ మొబైల్‌ని ఫుల్ చార్జింగ్ చేయడానికి ఎన్ని యూనిట్ల విద్యుత్ అవసరమో తెలుసా?
మరిన్ని బిజినెస్ వార్తల కోసం ఇక్కడ క్లిక్ చేయండి
