EPFO Update: ఉద్యోగం మానేశారా.. అయితే, EPF ఖాతాలో ఎగ్జిట్ డేట్ అప్డేట్ చేయండిలా..
ఎంప్లాయీస్ ప్రావిడెంట్ ఫండ్(EPFO) ఆర్గనైజేషన్‌లో కోట్లాది మంది ఖాతాదారులు ఉన్నారు. జీతం పొందే వ్యక్తి తన సంపాదనలో కొంత భాగాన్ని ఈపీఎఫ్ఓ ఖాతాలో పీఎఫ్‌గా జమ చేస్తుంటారు. EPFO ఖాతాలో జమ చేసిన డబ్బు..
ఎంప్లాయీస్ ప్రావిడెంట్ ఫండ్(EPFO) ఆర్గనైజేషన్‌లో కోట్లాది మంది ఖాతాదారులు ఉన్నారు. జీతం పొందే వ్యక్తి తన సంపాదనలో కొంత భాగాన్ని ఈపీఎఫ్ఓ ఖాతాలో పీఎఫ్‌గా జమ చేస్తుంటారు. EPFO ఖాతాలో జమ చేసిన డబ్బు ప్రతి ఉద్యోగి భవిష్యత్తు సంపాదనగా మారుతుంది. పదవీ విరమణ తర్వాత లేదా ఉద్యోగం నుంచి తప్పుకున్న తర్వాత పొందేందుకు వీలుంది. కాగా, ఉద్యోగి 60 సంవత్సరాలకు ముందు మరణిస్తే, అంటే పదవీ విరమణకు ముందు అతని ఖాతాలో జమ చేసిన డబ్బు ఖాతాదారుని నామినీకి అందనుంది. ఇటువంటి పరిస్థితిలో, పీఎఫ్‌లో జమ చేసిన డబ్బు అత్యవసర నిధిలా పనిచేస్తుంది.
ప్రైవేట్ సెక్టార్‌లో పనిచేసే ఉద్యోగులు తరచూ తమ ఉద్యోగాలను మారుస్తూ ఉంటారు. ఇటువంటి పరిస్థితిలో, ఈ ఉద్యోగులు తమ ఎంప్లాయీస్ ప్రావిడెంట్ ఫండ్ ఆర్గనైజేషన్ (EPFO) ఖాతాలో లాస్ట్ డేట్ అంటే ఉద్యోగం నుంచి తప్పుకున్న రోజు, అందుకుగల కారణాన్ని నమోదు చేయడం అవసరం. అయితే, ఇందుకోసం ఏం చేయాలో ఇప్పుడు చూద్దాం.
నిబంధనల మార్పు తర్వాత ప్రస్తుతం ఈ సౌకర్యం ఉద్యోగికి కూడా అందుబాటులో ఉంది. లేదంటే సదరు ఉద్యోగి పీఎఫ్‌ని వేరే కంపెనీకి బదిలీ చేయడంలో సమస్య ఏర్పడుతుంది. ఈ విధంగా, ఉద్యోగి ఖాతా నుంచి డబ్బును విత్‌డ్రా చేయడం, బదిలీ చేయడంలో ఇబ్బంది పడుతున్నారు. దీనితో పాటు, ఉద్యోగి, కంపెనీ తరపున ఖాతాలో డబ్బు జమ చేయడం ఆపివేయగానే చివరి తేదీని ఎంటర్ చేయవచ్చు. మీరు ఉద్యోగం నుంచి నిష్క్రమించిన 2 నెలల తర్వాత మాత్రమే నిష్క్రమణ తేదీని గుర్తించగలరు.
ఉద్యోగం నుంచి తప్పుకున్న తేదీని ఎంటర్ చేయాలంటే ఏం చేయాలంటే…
నిష్క్రమణ తేదీని గుర్తించడానికి, ముందుగా EPFO అధికారిక వెబ్‌సైట్ https://unifiedportal-mem.epfindia.gov.in/memberinterface/ పై క్లిక్ చేయండి.
ఆపై మీ యూనివర్సల్ ఖాతా నంబర్ (UAN), పాస్‌వర్డ్‌ను నమోదు చేయండి.
తర్వాత మేనేజ్ ఎంపికపై క్లిక్ చేయండి.
ఆ తర్వాత మార్క్ ఎగ్జిట్ ఆప్షన్‌పై క్లిక్ చేయండి.
ఆ తర్వాత సెలెక్ట్ ఎంప్లాయీస్ ఆప్షన్‌పై క్లిక్ చేయడం ద్వారా EPFO ఖాతాను ఎంచుకోండి.
దీని తర్వాత ఉద్యగం నుంచి తప్పుకున్న చివరి తేదీ, దానికి కారణాన్ని నమోదు చేయండి.
దీని తర్వాత, మీరు నమోదు చేసిన మీ రిజిస్టర్డ్ మొబైల్ నంబర్‌కు OTP వస్తుంది.
దీని తర్వాత, తదుపరి డిక్లరేషన్ ఎంపికను ఎంచుకోండి.
చివరగా అప్డేట్ ఆప్షన్‌పై క్లిక్ చేయండి.
చివరగా, ఒక సందేశం వస్తుంది. అందులో మీరు ఉద్యోగం మానేసిన తేదీని అప్ డేట్ చేసినట్లు ఉంటుంది.
దీంతో మీరు ఉద్యోగం మానేసిన తేదీ అప్డేట్ పూర్తవుతుంది.
మరిన్ని బిజినెస్ వార్తల కోసం ఇక్కడ క్లిక్ చేయండి..
Also Read:
PM Modi: ప్రధాని నరేంద్ర మోడీకి నోబెల్‌ బహుమతి ఇవ్వాలంటోన్న బీఎస్ఈ చీఫ్‌.. ఎందుకో తెలుసా?
Petrol-Diesel Price: వాహనదారులకు ఊరటనిస్తున్న పెట్రోల్‌, డీజిల్‌ ధరలు.. తాజా రేట్ల వివరాలు..!
