Indian Railways: రైలు టికెట్‌ ప్రయాణానికి మాత్రమే కాదు.. ఈ ఉచిత సేవలు కూడా పొందవచ్చు!

భారతీయ రైల్వేల ద్వారా ప్రతిరోజూ కోట్ల మంది ప్రయాణిస్తున్నారు. దేశంలో భారతీయ రైల్వే అతిపెద్ద రవాణా వ్యవస్థ. ఇదిలా ఉంటే రైలు టికెట్‌ను కేవలం ప్రయాణంగా భావించే వారు కొందరున్నారు. వాస్తవానికి ఇది చాలా ఉపయోగకరమైన విషయం. రైలు టిక్కెట్‌ను కొనుగోలు చేయడం ద్వారా రైల్వే ప్రయాణ సౌకర్యాన్ని అందించడమే కాకుండా అనేక ఇతర సేవలను కూడా అందిస్తుంది. భారతీయ రైల్వే తన ప్రయాణీకుల కోసం వివిధ సౌకర్యాలను నిర్వహిస్తుంది. తద్వారా వారి సేవ, భద్రతను పూర్తిగా చూసుకోవచ్చు. రైలు ప్రయాణీకులకు రైల్వే దుప్పటి, దిండు, బెడ్‌షీట్, హ్యాండ్ టవల్‌ను ఉచితంగా అందిస్తుంది. అయితే గరీబ్ రథ్ ఎక్స్‌ప్రెస్ వంటి కొన్ని రైళ్లలో ప్రయాణీకులు దీనికి అదనపు రుసుము చెల్లించాలి.

ప్రత్యేకించి ప్రయాణీకుడికి బెడ్‌రోల్ అందించకపోతే, వారికి ఫిర్యాదు చేసే హక్కు ఉంటుంది. అలాగే ప్రయాణంలో ఏ పరిస్థితిలోనైనా వైద్య సహాయం అందించబడుతుంది. ఇందుకోసం రైలు అధికారులను సంప్రదించాలని సూచించారు. భారతీయ రైల్వే తన సాధారణ ప్రయాణీకుల సంరక్షణకు అంకితం చేయబడింది. వారి భద్రత, సౌకర్యానికి ప్రాధాన్యత ఇస్తుంది. రైల్వే శాఖ ఉచితంగా వైద్య సహాయం అందజేస్తుంది.

రైలు ఆలస్యం అయితే మీకు ఉచిత ఆహారం:

మీరు ప్రీమియం రైళ్లలో ప్రయాణించేటప్పుడు మీ రైలు 2 గంటల కంటే ఎక్కువ ఆలస్యం అయితే, రైల్వే మీకు ఉచిత ఆహారాన్ని అందిస్తుంది. ఇది కాకుండా, రైలు ఆలస్యం అయితే, మీరు రైల్వే ఈ-కేటరింగ్ సర్వీస్ ద్వారా కూడా ఆహారాన్ని ఆర్డర్ చేయవచ్చు. అంతేకాకుండా దేశంలోని ప్రధాన రైల్వే స్టేషన్లలో క్లోక్‌రూమ్, లాకర్ రూమ్ సౌకర్యాలు కూడా అందుబాటులో ఉన్నాయి. వీటిని మీరు మీ లగేజీని సురక్షితంగా ఉంచుకోవడానికి ఉపయోగించవచ్చు. మీరు ఈ లాకర్ గదులలో ఒక నెల పాటు మీ వస్తువులను భద్రంగా ఉంచుకోవచ్చు. అయితే మీరు దీనికి కొంత రుసుము చెల్లించాలి. కానీ ఇది చాలా తక్కువ. మీరు కొంత సమయం వరకు స్టేషన్‌లో ఉండవలసి వస్తే మీరు స్టేషన్‌లోని AC లేదా నాన్-ఏసీ వెయిటింగ్ హాల్‌లో హాయిగా వేచి ఉండవచ్చు. అక్కడ మీరు మీ రైలు టిక్కెట్‌ను చూపించాలి. అప్పుడు మీరు అక్కడ ఉండడానికి అనుమతి ఉంటుంది.

మరిన్ని బిజినెస్ వార్తల కోసం ఇక్కడ క్లిక్ చేయండి